Իգոր Տեր-Հովհաննիսյան
Իգոր Արամի Տեր-Հովհաննիսյան (մայիսի 19, 1938[1], Կիև, Ուկրաինական ԽՍՀ, ԽՍՀՄ), հայ խորհրդային մարզիկ (հեռացատկորդ)։ Արամ Ավետիսի Տեր-Հովհաննիսյանի որդին։ ԽՍՀՄ սպորտի վաստակավոր վարպետ (1960 թ.), ԽՍՀՄ վաստակավոր մարզիչ (1980 թ.), մանկավարժական գիտությունների թեկնածու (1971 թ.)։
Իգոր Տեր-Հովհաննիսյան | |
---|---|
Անձնական տեղեկություն | |
Սեռ՝ | արական |
Մասնագիտացում | թեթևատլետ և long jumper |
Երկիր | Ռուսաստան և ԽՍՀՄ |
Ծննդյան ամսաթիվ | մայիսի 19, 1938[1] (86 տարեկան) |
Ծննդավայր | Կիև, ՈւԽՍՀ, ԽՍՀՄ |
Հասակ՝ | 186 սանտիմետր |
Քաշ | 78 կիլոգրամ |
Ավարտել է Լվովի ֆիզիկական կուլտուրայի ինստիտուտը (1959 թ.)։ Հեռացատկի աշխարհի կրկնակի (1962 թ., 1967 թ.) ռեկորդակիր, Մելբուռնի, Հռոմի (3-րդ մրցանակ), Տոկիոյի (3-րդ մրցանակ) և Մեխիկոյի Օլիմպիական խաղերի մասնակից։ Հեռացատկի ԽՍՀՄ (12 անգամ) և Եվրոպայի 6-ակի չեմպիոն։ 11 անգամ բարելավել է ԽՍՀՄ հեռացատկի ռեկորդը (774 սմ-ից հասցրել 835-ի)։ Դասվում է թեթև աթլետիկայի պատմության 10 լավագույն ցատկորդների շարքում։
1972-1983 թվականներին աշխատել է ԽՍՀՄ Մինիստրների խորհրդին առընթեր ֆիզիկական կուլտուրայի և սպորտի կոմիտեում, որպես թեթև աթլետիկայի մարզիչ, 1983 թվականից՝ թեթև աթլետիկայի ԽՍՀՄ հավաքական թիմերի գլխավոր մարզիչ։ Հեղինակ է մի շարք գրքերի և գիտական հոդվածների։
Պարգևատրվել է «Պատվո նշան» շքանշանով։ Ֆիզիկական կուլտուրայի հայկական պետական ինստիտուտի պատվավոր պրոֆեսոր։
Ծանոթագրություններ
խմբագրելԱյս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 673)։ |
Վիքիպահեստն ունի նյութեր, որոնք վերաբերում են «Իգոր Տեր-Հովհաննիսյան» հոդվածին։ |