Ընկե՛ր իմ, Կոլկա՛
«Ընկե՛ր իմ, Կոլկա՛..» (ռուս.՝ «Друг мой, Колька!..»), խորհրդային կինոդրամա դպրոցի մասին, որը նկարահանվել է Ալեքսանդր Խմելիկի համանուն պիեսի հիման վրա։ Պրեմիերան կայացել է 1961 թվականի մայիսի 13-ին։ 1961 թվականին ֆիլմը դիտել է 23,8 մլն հանդիսատես (19-րդ տեղ)։
 ռուս.՝ Друг мой, Колька!.. | |
|---|---|
| Երկիր | .svg){kind=small} ԽՍՀՄ |
| Ժանր | դրամա |
| Թվական | 1961 |
| Լեզու | ռուսերեն |
| Ռեժիսոր | Ալեքսեյ Սալտիկով[1], Ալեքսանդր Միտտա և Պիեռ Շևալիե[2] |
| Սցենարի հեղինակ | Ալեքսանդր Խմելնիկ և Սերգեյ Երմոլինսկի |
| Դերակատարներ | Անատոլի Բորիսովիչ Կուզնեցով, Օլեգ Վիդով[2], Յուրի Նիկուլին[2], Սավելի Կրամարով[2] և Բորիս Նովիկով[2] |
| Երաժշտություն | Լև Շվարց |
| Կինոընկերություն | Մոսֆիլմ |
| Տևողություն | 83 ± 1 րոպե |
| IMDb | ID 0054828 |
Սյուժե խմբագրել
Դպրոցում, որտեղ Լիդիա Միխայլովնան աշխատում է որպես ավագ ջոկատավար, արտաքնապես ամեն ինչ լավ է։ Բայց կոկիկ կազմված պլանների հետևում թաքնված են ֆորմալիզմը, անտարբերությունն ու ձանձրույթը։ Ինքը՝ Լիդիա Միխայլովնան, հոգնել է իր աշխատանքից, նա չի սիրում երեխաներին, համակրանքով է վերաբերվում միայն շողոքորթներին։ Այդ ժամանակ տեղական ավտոբազան իր վարորդ Սերգեյ Ռուդենկոյի, որը խելացի և ազնիվ տղա է, ուղարկում է դպրոց որպես պիոներների խմբի ջոկատավար։ Նա արագ հասկանում է, որ երեխաները ձանձրանում են դպրոցում, պիոներական աշխատանքը նրանց չի հրապուրում։ Ելք չգտնելով՝ տղաները միավորվում են Կոլկա Սնեգիրյովի շուրջ և, ի նշան բողոքի, ստեղծում են ՏՈՏՐ (երեք ստացողների գաղտնի միություն) ընդհատակյա կազմակերպությունը՝ «Օգնել վիրավորվածներին և թույլերին, վրեժ լուծել անգիր անողներից և դուրսպրծուկներից» կարգախոսով։ Բայց ոչինչ գաղտնի չի մնում. հայտնի է դառնում այս «ընդհատակյա միության» ստեղծման մասին, և ավագ ջոկատավարն սկսում է հետաքննությունը։ Միևնույն ժամանակ նոր ջոկատավարը դպրոցականների օգնությամբ սկսում է վերանորոգել ավտոբազայի նվիրած հին մեքենան, որով ավելի ուշ ամբողջ դասարանը պատրաստվում է ճանապարհորդել Կովկասում։ Տղաները, ներառյալ «գաղտնի միության» անդամները, ձգվում են դեպի կենդանի գործը, բայց ավագ ջոկատավարը, որը չի ընդունում որևէ փոփոխություն, փորձում է խանգարել։ Դպրոցում լուրջ կոնֆլիկտ է հասունանում։
Դերերում խմբագրել
- Ալեքսանդր Կոբոզև – Կոլկա Սնեգիրյով
- Աննա Ռոդիոնովա – Մաշա Կանարեյկինա
- Ալեքսեյ Բորզունով – Յուրա Ուստինով, ջոկատի խորհրդի նախագահ
- Վիկտոր Օնուչակ – Ֆեդյա Դրանկին
- Տատյանա Կուզնեցովա – Կլավա Օգորոդնիկովա
- Անատոլի Կուզնեցով – Սերգեյ Ռուդենկո, ջոկատավար
- Անտոնինա Դմիտրիևա – Լիդիա Միխայլովնա Իվանովա, ավագ ջոկատավար
- Վիտալի Օվանեսով – Վալերի Նովիկով, դրուժինայի խորհրդի նախագահ
- Սավելի Կրամարով – Վովկա Պիմենով (Պիմեն), կռվարար
- Բորիս Նովիկով – Կուզմա Միխալիչ (Կուզյա), ավտոբազայի կոմերիտական կազմակերպության քարտուղար
- Լյուդմիլա Չեռնիշևա – Նինա Ալեքսանդրովնա Նովիկովա, ծնողական կոմիտեի նախագահ
- Իգոր Կոսուխին – Իսաև, խուլիգան
- Սվետլանա Խարիտոնովա – Եվգենյա Պետրովնա, ուսուցիչ
- Յուրի Նիկուլին – Վասյա, ավտոբազայի վարորդ
- Եվգենի Տետերին – Ֆեոդոր Ֆեոդորովիչ, դպրոցի տնօրեն
- Անատոլի Ելիսեև – քրեական հանցագործ
- Օլեգ Վիդով – մոտոցիկլավար (դրվագը չի ներառվել ֆիլմում)
Նկարահանող խումբ խմբագրել
- Սցենարի հեղինակներ՝ Ալեքսանդր Խմելիկ, Սերգեյ Երմոլինսկի
- Ռեժիսորներ՝ Ալեքսեյ Սալտիկով, Ալեքսանդր Միտտա
- Օպերատոր՝ Վիկտոր Մասլեննիկով
- Նկարիչ՝ Ալեքսանդր Ռյազանով
- Կոմպոզիտոր՝ Լև Շվարց (Բուլատ Օկուջավայի տեքստով)
«Ընկե՛ր իմ, Կոլկա՛...» ֆիլմը եղել է դիպլոմային աշխատանք, որի համար, ըստ ժամանակին գործող կանոնների, հատկացվում էր միայն կարճամետրաժ ֆիլմի համար անհրաժեշտ ժապավեն, և այդ ժամանակ երկու ռեժիսորներ (ՎԳԻԿ-ի տարբեր հոսքերից) միավորվել են և նկարահանել համատեղ լիամետրաժ ֆիլմ։ Ֆիլմում իր առաջին կինոդերը (մոտոցիկլավար, որը ծաղիկներ է տալիս աղջկան) խաղացել է Օլեգ Վիդովը։ Նրա դրվագն վերջնական արդյունքում չի ներառվել ֆիլմում, բայց նկարահանումների ժամանակ Վիդովը ծանոթացել և ընկերացել է Սավելի Կրամարովի հետ (հետագայում երկուսն էլ գաղթել են ԽՍՀՄ-ից)[3]։
Ծանոթագրություններ խմբագրել
- ↑ http://www.imdb.com/title/tt0054828/
- ↑ 2,0 2,1 2,2 2,3 2,4 ČSFD (չեխերեն) — 2001.
- ↑ Олег Видов. Друг мой, Колька!.. Արխիվացված 2020-03-26 Wayback Machine.
Գրականություն խմբագրել
- Гуревич Л. Здравствуй, друг Колька! // Искусство кино. — 1961. — № 8. — С. 16-22.
Արտաքին հղումներ խմբագրել
- Аркус Л. «Друг мой, Колька!». Проект журнала «Сеанс». Արխիվացված է օրիգինալից 2020 թ․ սեպտեմբերի 28-ին. Վերցված է 2020 թ․ մայիսի 2-ին.