Էմիլի Լուիզ Օրր Էլիոթ
Էմիլի Լուիզ Օրր Էլիոթ (անգլ.՝ Emily Louise Orr Elliott, հուլիսի 22, 1867, Մոնրեալ - փետրվարի 27, 1952), կանադացի նկարչուհի և նորաոճ պատկերազարդող[1]։
| Էմիլի Լուիզ Օրր Էլիոթ | |
|---|---|
_(I0007874).jpg) | |
| Ծնվել է | հուլիսի 22, 1867 |
| Ծննդավայր | Մոնրեալ |
| Մահացել է | փետրվարի 27, 1952 (84 տարեկան) |
| Քաղաքացիություն | .svg){kind=small} Կանադա |
| Կրթություն | Նյու Յորքի արվեստի ուսանողական լիգա և Օնտարիոյի գեղարվեստի քոլեջ |
| Մասնագիտություն | արվեստագետ |
Կենսագրություն խմբագրել
Էմիլի Լուիզ Օրրը ծնվել է Մոնրեալում և սովորել է Տորոնտոյում՝ Օնտարիոյի գեղարվեստի քոլեջում, Նյու Յորքի ուսանող նկարիչների լիգայում և Նյու Յորքի դիզայնի դպրոցում։ Բացի իր յուղաներկով կտավներից, բնապատկերներից և ծաղիկներից, նա նաև էսքիզներ է տրամադրել Իթոնի և Սիմպսոնի կատալոգների համար և նկարազարդել նորաոճ նմուշներ թերթերի և ամսագրերի համար։ Էլիոթը նաև սյունակ է գրել նավերի և նավակների մասին Toronto Star-ի համար, երգեր է հորինել և դասախոսություններ է կարդացել արվեստի մասին[2]։
Նրա աշխատանքները ցուցադրվել են Կանադայի գեղարվեստի թագավորական ակադեմիայում, Օնտարիոյի նկարիչների միությունում, Կանադայի կանանց արվեստի ասոցիացիայում և Կանադական ազգային ցուցահանդեսում։ Նա Կանադայի ազգային ցուցահանդեսի կանանց կոմիտեի հիմնադիր նախագահն է եղել։ Այժմ նրա աշխատանքները ցուցադրվում են Վիկտորիա քոլեջում, Էմմանուել քոլեջում, Սուրբ Հիլդայի քոլեջում, Էլիզաբեթ թագուհու հիվանդանոցում և Տորոնտոյի կանանց մամուլի ակումբում[2]։
1893 թվականին նա ամուսնացել է Ջոն Էֆրեմ Էլիոթի հետ։ Զույգն ունեցել է մեկ որդի։
Էմիլի Լուիզ Օրր Էլիոթը մահացել է Տորոնտոյում 84 տարեկան հասակում։
Նրա աշխատանքները պահվում են Տորոնտո քաղաքի շուկայական պատկերասրահի և Տորոնտոյի հանրային գրադարանի հավաքածուներում[3]։
Էմիլի Լուիզ Օրր Էլիոթի արվեստի հավաքածուն, որը հրատարակվել է այլ նկարազարդողների կողմից, նվիրաբերվել է Օնտարիոյի գեղարվեստի պատկերասրահին[3]։
Ծանոթագրություններ խմբագրել
- ↑ «Emily Louise Orr Elliott». Roberts Gallery. Արխիվացված օրիգինալից 2017 թ․ մարտի 14-ին. Վերցված է 2017 թ․ մարտի 13-ին.
- ↑ 2,0 2,1 «Elliott, Emily Louise Orr». Canadian Women Artists History Initiative. Արխիվացված օրիգինալից 2017 թ․ մարտի 14-ին. Վերցված է 2017 թ․ մարտի 13-ին.
- ↑ 3,0 3,1 «Emily Elliott Collection» (PDF). Art Gallery of Ontario. Արխիվացված (PDF) օրիգինալից 2016 թ․ հունիսի 21-ին. Վերցված է 2017 թ․ մարտի 13-ին.