Էլեոնորա Ռոմանեսկու
Էլեոնորա Դմիտրիևնա Ռոմանեսկու (ռումիներեն՝ Eleonora Romanescu, ապրիլի 26, 1926[1] - նոյեմբերի 4, 2019), մոլդովացի խորհրդային նկարչուհի։ Մոլդովական ԽՍՀ վաստակավոր արտիստ (1976)։ Մոլդովական ԽՍՀ ժողովրդական արտիստ (1986)։ Գրականության, արվեստի և ճարտարապետության բնագավառում Մոլդովական ԽՍՀ պետական մրցանակի դափնեկիր (1982)։ Մոլդովայի ազգային մրցանակի դափնեկիր (2013)[2]։
Էլեոնորա Ռոմանեսկու ռումիներեն՝ Eleonora Romanescu | |
|---|---|
| Ծնվել է | ապրիլի 26, 1926[1] |
| Վախճանվել է | նոյեմբերի 4, 2019 (93 տարեկան) |
| Քաղաքացիություն |  Մոլդովա և  ԽՍՀՄ |
| Մասնագիտություն | նկարչուհի |
| Պարգևներ |  |
Կենսագրություն խմբագրել
Ավարտել է Քիշնևի Իլյա Ռեպինի անվան հանրապետական գեղարվեստի ուսումնարանը։ 1953 թվականից 5 տարի աշխատել է Օրգեևսկի մանկավարժական ուսումնարանում որպես նկարչության ուսուցչուհի։ 1959-1964 թվականներին սովորել է Մոսկվայի Ի. Է․ Գրաբարի պետական կենտրոնական գեղարվեստա- ռեստավրացիոն արվեստանոցների գեղանկարչության և ռեստավրացիայի դասընթացներում։ Այդ ժամանակ աշխատել է որպես գլխավոր համակարգող, ապա Քիշնևի կերպարվեստի թանգարանում որպես նկարիչ-ռեստավրատոր։
1958 թվականից եղել է ԽՍՀՄ նկարիչների միության անդամ, 1965 թվականից՝ Մոլդովայի նկարիչների միության խորհրդի անդամ, 1969-1982 թվականներին՝ Քիշնևի Գեղարվեստի հանրապետական լիցեյի պրոֆեսոր։
Աշխատել է հաստոցային գեղանկարչության և գրաֆիկայի, դեկորատիվ կիրառական արվեստի և գոբելենի ժանրերում, եղել է ռեստավրատոր և մանկավարժ։ Ռաչուլայի վանքում վերականգնել է մի քանի սրբապատկերներ, որոնք փրկվել էին քրիստոնյաների հալածանքների ժամանակ։ 1991-1992 թվականներին վերականգնել է Մոլդովայի պետական համալսարանի Հոգևոր ճեմարանի մատուռի սրբապատկերները։ Նկարել է նաև Քիշնևի Սուրբ Կոստանդինի և Ելենայի եկեղեցու սրբապատկերները։
Նկարչուհու կտավները պահվում են Քիշնևի, Կլուժ-Նապոկայի, Կոնստանցայի (Ռումինիա), Մոսկվայի (Ռուսաստան), Կիևի (Ուկրաինա), Դուշանբեի (Տաջիկստան) և այլ արվեստի թանգարաններում։ Նկարչուհու աշխատանքները գտնվում են Մոլդովայի, Ռումինիայի, Գերմանիայի, Ռուսաստանի, Ֆրանսիայի, ԱՄՆ-ի և Կանադայի մասնավոր հավաքածուներում։
Պարգևներ խմբագրել
- «Պատվո նշան» շքանշան (1971),
- Հանրապետության շքանշան (1996),
- Մոլդովական ԽՍՀ վաստակավոր արտիստուհի (1976),
- Մոլդովական ԽՍՀ ժողովրդական արտիստուհի (1986),
- Մոլդովայի արվեստի վաստակավոր գործիչ (2001),
- Մոլդովական ԽՍՀ պետական մրցանակ (1982),
- «Մշակութային վաստակի համար» շքանշան (2018),
- Մոլդովայի Հանրապետության ազգային մրցանակ (2013),
- Մոլդովայի Հանրապետության նկարիչների միության մրցանակ (1996),
- Միխայ Էմինեսկուի մեդալ (1997),
- Լուրե Մատեյի մրցանակ (2005)։
Ծանոթագրություններ խմբագրել
- ↑ 1,0 1,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
- ↑ Eleonora Romanescu