Փաք (ռեստլեր)
Բենջամին Սաթեռլի[1] (անգլ.՝ Benjamin Satterley, օգոստոսի 22, 1986, Նյուքասլ ափոն Թայն, Թայն ընդ Ուեր, Անգլիա, Միացյալ Թագավորություն), անգլիացի պրոֆեսիոնալ ըմբշամարտիկ (ռեստլեր)։ Ներկա պահին հանդես է գալիս «All Elite Wrestling» (AEW) կազմակերպությունում` Փաք (Pac) ռինգային անվամբ։ Հայտնի է նաև «WWE» կազմակերպությունում ունեցած ելույթներից։ «WWE NXT» ստորաբաժանումում ելույթներ ունենալու տարիներին երկու անգամ նվաճել է NXT թիմային չեմպիոնական տիտղոսը (Քորի Գրեյվզի և Օլիվեր Գրեյի հետ) և մեկ անգամ դարձել NXT չեմպիոն։
| Էդրիան Նևիլ Adrian Neville | |
|---|---|
 Սաթեռլին «Dragon Gate»-ում ելույթ ունենալու տարիներին | |
| Իրական անուն | Բենջամին Սաթեռլի Benjamin Satterley |
| Ռինգային անուն(ներ) | Նևիլ[1] Էդրիան Նևիլ[1] Ջանգլ Փաք Փաք |
| Ընդհանուր տեղեկություններ | |
| Հայտարարվող քաշ | 88 կգ[1] |
| Հայտարարվող հասակ | 1,78 մ[1] |
| Ծննդյան թվական | օգոստոսի 22, 1986 (37 տարեկան) |
| Ծննդավայր |  Նյուքասլ-ափոն-Թայն, Անգլիա |
| Մարզիչ | Շոն Էվերի |
| Դեբյուտ | Մարտի 27, 2004 |
Աչքի ընկնում է զանազան ակրոբատիկ հնարքներով, ինչի շնորհիվ ձեռք է բերել «Մարդ, ում մոռացել է ձգողությունը» ("The Man That Gravity Forgot") կոչումը։
Մասնագիտական կարիերան մեկնարկել է «Independent Wrestling Federation», «Real Quality Wrestling» և «One Pro Wrestling» բրիտանական կազմակերպություններում, որից հետո սկսել է հանդես գալ արտասահմանյան մի շարք անվանի պրոմոշեններում, որոնցից առավել նշանավորներն են իտալական «Nu Wrestling Evolution», ամերիկյան «Pro Wrestling Guerrilla», «Ring of Honor», «Chikara» և ճապոնական «Dragon Gate» առաջնությունները։ «Pro Wrestling Guerrilla» կազմակերպությունում ելույթ ունենալու տարիներին մեկ անգամ նվաճել է PWG աշխարհի թիմային PWG DDT4 թիմային չեմպիոնական տիտղոսները։
Ծանոթագրություններ խմբագրել
Արտաքին հղումներ խմբագրել
- Էջը «WWE NXT» կայքում(անգլ.)
- Էջը «Ռեստլինգի առցանց աշխարհում»(անգլ.)
 | Վիքիպահեստն ունի նյութեր, որոնք վերաբերում են «Փաք (ռեստլեր)» հոդվածին։ |