Բացել գլխավոր ցանկը

Էդվարդ Միլիտոնյան

հայ նկարիչ, բանաստեղծ

ԿենսագրությունԽմբագրել

Միլիտոնյանը 1974 թվականին ավարտել է Երևանի պետական համալսարանի բանասիրական ֆակուլտետը։ Աշխատել է «Պիոներ», «Ծիծեռնակ», «Գարուն» ամսագրերում։ Հայաստանի գրողների միության անդամ է 1977 թվականից։ Եղել է ՀՀ տեղեկատվության և գրահրատարակչության նախագահի առաջին տեղակալ, ապա վարչության պետ, Հայաստանի ռադիոյի տնօրեն, ՀՀ պաշտպանության նախարարության լրատվական և քարոզչության վարչության պետ։ 2013 թվականից ՀԳՄ նախագահն է[2] և ՀՀ մշակույթի նախարարության Հրատարակչական գործի գործակալության պետը։

ԱշխատություններԽմբագրել

Հեղինակ է երեք տասնյակից ավելի բանաստեղծական ժողովածուների։ Նրա բանաստեղծությունները և արձակ ստեղծագործությունները՝ հասցեագրված թե մեծերին և թե մանուկներին, պարբերաբար տպագրվել են տարբեր լեզուներով (15 գիրք)։ 43 հայերեն գրքի հեղինակ է։ 1981 թվականին Միլիտոնյանն արժանացել է Հայաստանի կոմերիտմիության «Տարվա լավագույն ստեղծագործության համար» և կոմերիտմիության կենտկոմի, Հայաստանի արհմիությունների խորհրդի և հրատպետկոմի «Լավագույն առաջին գրքի» մրցանակներին, նույն թվականին դարձել է Վրաստանում անցկացվող Վլադիմիր Մայակովսկուն նվիրված պոեզիայի ավանդական փառատոնի միցանակի դափնեկիր: 1977 թվականին «Երեք խնձոր» ժողովածուն ճանաչվել է տարվա լավագույն առաջին գիրք, իսկ 1987 թվականին «Կենաց ծառ» ռուսերեն ժողովածուն արժանացել է Մաքսիմ Գորկու անվան համամիութենական մրցանակի: «Տեղեկատու կատուն» ժողովածուն 2003 թվականին արժանացել է Հայաստանի գրողների միության՝ լավագույն մանկական գրքի մրցանակին: 2005 թվականին «Վահագն Վիշապաքաղի արկածները» վիպասքը արժևորվել է ՀՀ նախագահի մրցանակով: 2006 թվականին «Չիպոն» վիպակն արժանացել է համահայկակն գրական մրցանակի, իսկ «Հայոց արևակենտրոն կնիքը» վեպին 2008 թվականին 2-րդ մրցանակ տրվեց Համաշխարհային հայկական կոնգրեսի հայտարարած մրցանակաբաշխությունում:

Նկարչական աշխատանքների ցուցահանդեսները բացվել են Հայաստանում և արտերկրում[3]։

ՊարգևներԽմբագրել

  • ՀՀ մշակույթի նախարարության Ոսկե մեդալ, 2016 թվական[4]
  • «Է» բանաստեղծությունների ժողովածուն արժանացել է ՀՀ պետական մրցանակի, 2013 թվական[5]
  • «Ալմա Աթայում տպագրված «Օձեղեն տունը» (ռուսերեն) գիրքն արժանացել է ԱՊՀ երկրների գրքարվեստի մրցույթի 2-րդ մրցանակի, 2012 թվական
  • «Հայոց արևակենտրոն կնիքը» գիրքն արժանացել է «Հայը 21-րդ դարասկզբին» մրցանակաբաշխության մրցանակի, 2007 թվական
  • «Վահագն Վիշապաքաղի արկածները» գրքի համար արժանացել է ՀՀ նախագահի մրցանակի, 2005 թվական
  • «Կենաց ծառ» բանաստեղծությունների ռուսերեն ժողովածուն Մոսկվայում արժանացել է Մաքսիմ Գորկու անվան մրցանակի, 1987 թվական

Երկերի մատենագիտությունԽմբագրել

  • Հիշատակի զանգեր, Երևան, 1979, 148 էջ:
  • Գնելը դրսում, Գնելը ներսում, Երևան, 1982, 108 էջ:
  • Ծաղիկ ծովային, Երևան, 1984, 128 էջ:
  • Մուշեղն ամեն տեղ, Երևան, 1986, 129 էջ:
  • Արևի ժամացույց, Երևան, 1988, 264 էջ:
  • Վիշապի տարի, Երևան, 1991, 320 էջ:
  • Արգիշտի արքայի աչքերը (պատմվածքներ, էսսեներ), Երևան, 1994, 224 էջ:
  • Ընտանեկան համերգ, Երևան, 1996, 96 էջ:
  • Նոր թվարկություն, Երևան, 1996, 128 էջ:
  • Մատնահետք, Երևան, 2000, 160 էջ:
  • Այս պահին, Երևան, 2003, 192 էջ:
  • Վահագն Վիշապաքաղի արկածները (արձակ), Երևան, 2003, 132 էջ:
  • Հնարամիտ բադի ճամփորդությունը, Երևան, 2004, 128 էջ:
  • Ձիու քայլ (դրամատուրգիա), Երևան, 2004, 48 էջ:
  • Լացն ու ծիծաղը (պատմվածքներ, էսսեներ, պիես), Երևան, 2006, 220 էջ:
  • Ցասման հաց (բանաստեղծություններ), Երևան, 2006, 200 էջ:
  • Լուսինը թեյի բաժակում, Երևան, 2007, 128 էջ:
  • Սիրո մայրցամաք, Երևան, 2007, 124 էջ:
  • Հայոց արևակենտրոն կնիքը (վեպ), Երևան, 2008, 256 էջ:
  • Երազանք ասպետի արշավանքը (վիպակ), Երևան, 2009, 100 էջ:
  • Արքայադուստր Թարսինեն, Երևան, 2010, 160 էջ:
  • Կատուն և ուրվականը (վիպակ), Երևան, 2012, 96 էջ:
  • Սատանի կամուրջը (վիպակ), Երևան, 2012, 144 էջ:
  • Է, Երևան, 2013, 336 էջ:
  • Բարձերով կռիվ (մանկական բանաստեղծություններ), Երևան, 2014, 192 էջ:
  • Իմ հրաշք, իմ կախարդական ֆուտբոլը (պատմվածքներ), Երևան, 2014, 141 էջ:

ԾանոթագրություններԽմբագրել

Արտաքին հղումներԽմբագրել