Զինակոչի ավստրիական հանրաքվե (2013)
Զինակոչի հանրաքվեն Ավստրիայում տեղի է ունեցել 2013 թվականի հունվարի 20-ին։ Հանրաքվեի միջոցով պետք է որոշվեր, թե արդյո՞ք պարտադիր ժամկետային զինծառայությունը մնալու է, թե՞ ոչ։ Օրենքի փոխվելու դեպքում պետք է ստեղծվեր ամբողջությամբ պրոֆեսիոնալներից բաղկացած պայմանագրային բանակ։ Չնայած հանրաքվեն չուներ իրավական պարտադիր հետևանք, սակայն Ավստրիայի Սոցիալ-դեմոկրատական կուսակցությունը (ԱՍԴԿ) և Ավստրիական ժողովրդական կուսակցությունը (ԱԺԿ), որոնք հանդիսանում են երկրի հիմնական կուսակցությունները, նախապես հայտարարել էին, որ կհետևեն հանրաքվեի արդյունքների կատարմանը։
Հանրաքվեի մասնակիցների մեծամասնությունը, որը կազմել է 60 %, քվեարկել է զինվորական պարտադիր ժամկետային ծառայության պահպանման օգտին և պրոֆեսիոնալ բանակի կազմավորման դեմ[1] Հանրաքվեին մասնակցել է քվեարկելու իրավունք ունեցողների 52,4 %-ը։
Պատմություն խմբագրել
1996 թվականին Ֆրանսիան հրաժարվում է զորակոչից, իսկ 2011 թվականին պրոֆեսիոնալ բանակի է անցնում Գերմանիան[1]։ 2013 թվականին Եվրոպայի երկրների մեծ մասն արդեն ուներ պրոֆեսիոնալ բանակ։ ՆԱՏՕ-ի անդամ երկրներից միայն հինգում է պահպանվել պարտադիր զորակոչը (Դանիա, Էստոնիա, Հունաստան, Նորվեգիա, Թուրքիա)։ Պարտադիր զինվորական ծառայությունը գործում է նաև Կիպրոսում, Ուկրաինայում, Բելառուսում, Ֆինլանդիայում, Մոլդովայում, Ռուսաստանում և Շվեյցարիայում[1]։
Ավստրիայում պարտադիր ժամկետային զինվորական ծառայության հարցը բարձրացվել է 2010 թվականի հոկտեմբերին նախընտրական գործընթացի ժամանակ Վիեննայի նախարար Միշել Հաուպլի կողմից, ով Ավստրիայի Սոցիալ-դեմոկրատական կուսակցության անդամ էր։ Կանաչները, Հանուն Ավստրիայի ապագայի դաշինքը, Ավստրիայի կոմունիստական կուսակցությունը, Լիբերալ ֆորումը, Պիրատների կուսակցությունը և Ստրոնախի թիմը պաշտպանեցին հանրաքվեի անցկացման գաղափարը, իսկ Ավստրիական ժողովրդական կուսակցությունը և Ավստրիայի ազատության կուսակցությունը (ԱԱԿ) հանդես էին գալիս պարտադիր ժամկետային զինվորական ծառայության պահպանման օգտին։ Սակայան, 2012 թվականին Ավստրիական ժողովրդական կուսակցության առաջնորդ Միխայիլ Շպինդելեգերը հայտարարեց, որ իր ղեկավարած կուսակցությունը աջակցում է Ավստրիայի Սոցիալ-դեմոկրատական կուսակցությանը հանրաքվեի հարցում[2]։
Հանրաքվեի արշավ խմբագրել
Պլեբիցիտը (հանրաքվեն) նշանակվում է 2013 թվականի հունվարի 20-ին, որին մասնակցել կարող էին 16 տարեկանից բարձ տարիք ունեցող բոլոր ընտրողները, ովքեր կգրանցվեին նոյեմբերի 28-ին[3]։ 2012 թվականի դեկտեմբերի 27-ին Ավստրիայի Ներքին գործերի դաշնային նախարարությունը հայտնում է, որ գրանցվել է 6.379.511 ընտրող, այդ թվում՝ 3.309.716 կին և 3.069.795 տղամարդ[4]։ 2010 թվականի Ավստրիայի նախագահական ընտրությունների համեմատ քվեարկողների թիվը աճել է 23.711-ով կամ 0,37 %-ով։
Հանրաքվեի նախաձեռնող Ավստրիայի Սոցիալ-դեմոկրատական կուսակցությունը հանդես է գալիսպրոֆեսիոնալ պայմանագրային բանակի օգտին[5]։ Կուսակցությունը իր դիրքորոշումը պայմանավորում է միջազգային գործընթացներով։ 2012 թվականի վերջին Եվրոպական Միության անդամ 27 երկրներից 21-ում արդեն գործում էր պրոֆեսիոնալ բանակ։ Նրանք հայտնեցին, որ 21-րդ դարևի հիմնական մարտահրավերները ինչպիսիք են կիբերհանցագործությունը և ահաբեկչության դեմ պայքարը, չեն կարող լուծվել ավանդական բանակի միջոցով[5]։
Ավստրիական ժողովրդական կուսակցությունը կարծում էր, որ պարտադիր ժամկետային զինվորական ծառայությունը Ավստրիային բերում է անփոխարինելի ավանդ, քանի որ այն կարևոր է երկրի անկախության և չեզոքության պահպանման, քաղաքացիական պաշտպանության ևպետական ծառայությունների սոցիալական համակարգի աջակցության համար[6]։ Սակայն ավելի ուշ Ավստրիական ժողովրդական կուսակցությունը հայտնում է, որ պարտադիր ժամկետային զինվորական ծառայության համակարգը պետք է բարեփոխել այնպես, որ զորակոչիկները կարողանան առավել արդյունավետ օգտագործեն իրենց ժամանակը[7]։
Արդյունքներ խմբագրել
2013 թվականի հունվարի 20-ին Ավստրիայում տեղի ունեցած հանրաքվեին մասնակցել են 3.344.940 ընտրող։ Կողմ են քվեարկել 1.315.278 ընտրող կամ 40,3 %-ը, դեմ՝ 1.947.116 ընտրող կամ 59,7 %[8][9]
Ծանոթագրություններ խմբագրել
- ↑ 1,0 1,1 1,2 Austrians vote 'to keep conscription'.(անգլ.)
- ↑ Wehrpflicht: Volksbefragung übers Heer im Jänner, DiePresse.com, 27. August 2012.(գերմ.)
- ↑ Bundespräsident unterschrieb Regierungs-Vorschlag — Wehrpflicht-Volksbefragung am 20. Jänner ist fix, Wiener Zeitung, 9. November 2012.(գերմ.)
- ↑ Volksbefragung 2013, Bundesministerium für Inneres, 27. Dezember 2012. Abgerufen am 30. Dezember 2012.(գերմ.)
- ↑ 5,0 5,1 Website der SPÖ zur Volksbefragung, Abschnitt «Profiheer». Արխիվացված 2013-01-29 Wayback Machine(գերմ.)
- ↑ Warum Wehrpflicht, Zivildienst und Katastrophenschutz? Արխիվացված 2013-01-19 Wayback Machine, Artikel auf den Seiten der ÖVP vom 29. Oktober 2012.(գերմ.)
- ↑ ÖVP steht für ein reformiertes Bundesheer(չաշխատող հղում), Artikel auf den Seiten der ÖVP vom 28. November 2012.(գերմ.)
- ↑ Հանրաքվեի ժողովրդագրական արդյունքները:(գերմ.)
- ↑ Հանրաքվեի տարածքային արդյունքները:(գերմ.)