Զավեն Բեկյան

Զավեն Բեկյան;
Ծնվել է	սեպտեմբերի 20, 1954 (69 տարեկան) կամ 1954
Ծննդավայր	Արդվի, Ալավերդու շրջան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Հայաստանի պետական տնտեսագիտական համալսարան
Մասնագիտություն	բանաստեղծ
Անդամություն	ՀԳՄ և ՊԵՆ ակումբ

Վիքիպեդիայում կան հոդվածներ Աղաբեկյան ազգանունով այլ մարդկանց մասին։

Զավեն Մարտիրոսի Բեկյան (Աղաբեկյան), (սեպտեմբերի 20, 1954(1954-09-20) կամ 1954^[1], Արդվի, Ալավերդու շրջան, Հայկական ԽՍՀ, ԽՍՀՄ), հայ բանաստեղծ, Հայաստանի գրողների միության անդամ 1991 թվականից։

Կենսագրություն

Ծնվել է 1954 թվականի սեպտեմբերի 20-ին Լոռու մարզի Արդվի գյուղում։

1976 թվականին ավարտել է Երևանի ժողովրդական տնտեսության ինստիտուտը (այժմ՝ Հայաստանի պետական տնտեսագիտական համալսարան)։ 1976-1989 թվականներին աշխատել է Երևանի քաղխորհրդի գործադիր կոմիտեում։ 1989-2019 թվականներին աշխատել է «Վեոլիա Ջուր» ՓԲԸ–ում։

Գրական գործունեություն

Զավեն Բեկյանն առաջին անգամ տպագրվել է 1968 թվականին՝ 14 տարեկան հասակում, Ալավերդու պղնձաքիմիական կոմբինատի «Ձուլող» բազմատպաքանակ թերթում։ Այնուհետև տպագրվել է գրական տարբեր պարբերականներում («Գարուն», «Նորք», <<Նարցիս>>, <<Անդին>>, <<Նոր Դար>> ամսագրեր, «Գրական թերթ» և այլն), որտեղ տպագրվել են նրա բանաստեղծությունները, պատմվածքները, էսսեները, հրապարակախոսական և գրականագիտական հոդվածները։

Զավեն Բեկյանի բանաստեղծությունները թարգմանվել են ռուսերեն, անգլերեն, գերմաներեն, ֆրանսերեն, պարսկերեն, սերբերեն, վրացերեն և լույս են տեսել տարբեր անթոլոգիաներում։ Մամուլում տպագրել է մանկական բանաստեղծություններ։ Տպագրել է նաև կարճ պատմվածքների մի ժողովածու («Ժամը չորսը», 2015 թվական), ինչպես նաև խոհագրությունների, հոդվածների և գրախոսությունների մի ժողովածու ( <<Բանաստեղծության <<ներսը>> և <<դուրսը>>>>, 2024թվական )։

Բանաստեղծական ժողովածուներ

«Պսակբացեք», Երևան, 1990։
«Տեսիլք և կյանք», 1993։
«Անժամության վայր», Երևան, 1996։
«Ցայգածաղիկ, Երևան», 2002։
«Ճամփաբաժան», Երևան, 2006։
«Կավե աշտանակ», Երևան, 2012։
«Ձայնաշար կամար», 2015։
«Մենավոր աստղի տակ», 2017։
«Ծիրանավորը», 2019։
«Գիսաստղ կյանք», 2020։
«Տեսադաշտեր», 2024։

Տես նաև

Հայաստանի գրողների միության անդամների ցանկ

Ծանոթագրություններ

↑ ^1,0 ^1,1 Library of Congress Authorities — Library of Congress.

Արտաքին հղումներ

Վիքիդարանն ունի նյութեր, որոնք վերաբերում են «Զավեն Բեկյան» հոդվածին։

[_e0438d6272e11cca-1] 1,0 ^1,1 Library of Congress Authorities — Library of Congress.

[1]

Զավեն Բեկյան

Ծնվել է	սեպտեմբերի 20, 1954(1954-09-20) (69 տարեկան) կամ 1954^[1]
Ծննդավայր	Արդվի, Ալավերդու շրջան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Հայաստանի պետական տնտեսագիտական համալսարան
Մասնագիտություն	բանաստեղծ
Անդամություն	ՀԳՄ և ՊԵՆ ակումբ