Զառա (Քոչկիրի գավառ)

Անվան այլ կիրառումների համար տե՛ս՝ Զառա (այլ կիրառումներ)

Զարա, գյուղաքաղաք (գյուղ) Արևմտյան Հայաստանում, Սեբաստիայի վիլայեթի Քոչկիրի գավառակում։ Գտնվում էր Սեբաստիա քաղաքից 45 կմ արևելք, Ալյուս (Կզըլըրմակ) գետի ափին։

Պատմություն

VII դարից հիշատակվել է որպես քաղաք, հետագայում երկար ժամանակ հիշատակվել է որպես գյուղ, իսկ XIX դարի վերջերից համարվել է գյուղաքաղաք։

Հայ բնակչությունը բռնությամբ տեղահանվել է 1915 թվականի Մեծ եղեռնի ժամանակ։

Բնակչություն

XX դարի սկզբներին ուներ 500-800 տուն բնակիչ, որի 65 %-ը հայեր էին, իսկ մնացածը թուրքեր։

Տնտեսություն

Բնակչության հիմնական զբաղմունքը երկրագործությունն ու արհեստներն էր։

Պատմամշակութային կառույցներ

Զառան ուներ Ս. Լուսավորիչ (կամ Ս. Աստվածածին) անունով եկեղեցի։ Բնակավայրից 5-6 կմ հեռու գտնվում էին Դևոտայի Ս. Գևորգի և Ս. Թագավորի վանքերը։

Կրթություն

Բնակավայրում գործում էր Արշակունյան վարժարանը։

Տես նաև

• Սեբաստիայի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 660)։