Զաուր Նուդիրալիև
Զաուր Իսմաիլ օկլի Նուդիրալիև (ադրբ.՝ Zaur İsmayıl oğlu Nudirəliyev, սեպտեմբերի 1, 1978, Բաքու, Ադրբեջանական ԽՍՀ, ԽՍՀՄ - հոկտեմբերի 4, 2020, Ջրական, Հադրութի շրջան, Արցախ), Ադրբեջանական բանակի ռազմաօդային ուժերի ռազմական օդաչու և գնդապետ[1], Ադրբեջանի «Հայրենական պատերազմի հերոս»։
Զաուր Նուդիրալիև | |
---|---|
ադրբ.՝ Zaur Nudirəliyev | |
սեպտեմբերի 1, 1978 - հոկտեմբերի 4, 2020 (42 տարեկան) | |
Ծննդավայր | Բաքու, Ադրբեջանական ԽՍՀ, ԽՍՀՄ |
Մահվան վայր | Ջրական, Հադրութի շրջան, Արցախ |
Գերեզման | II Martyrs' Lane |
Քաղաքացիություն | Ադրբեջան |
Զորատեսակ | Ադրբեջանի ռազմաօդային ուժեր |
Կոչում | գնդապետ |
Մարտեր/ պատերազմներ | Battle of Jabrayil?, Հայ-ադրբեջանական պատերազմ (2020) և Ճակատամարտ Ֆուզուլիի համար |
Կրթություն | Թուրքիայի ռազմաօդային ուժերի ակադեմիա (2000) և Զինվորական լիցեյ. Ջ.Նախիջեւանսկի (1995) |
Պարգևներ |
Կենսագրություն խմբագրել
Զաուր Նուդիրալիևը ծնվել է 1978 թվականի սեպտեմբերի 1-ին Բաքու քաղաքում։ 1985 թվականին ընդունվել է Սաբունչու շրջանի Զաբրատ բնակավայրի թիվ 192 միջնակարգ դպրոց։ Նա այդ դպրոցում սովորել է մինչև 1992 թվականը։ 1992-1995 թվականներին ուսումը շարունակել է Ջամշիդ Նախչիվանսկու անվան ռազմական քոլեջում։
1995-2000 թվականներին սովորել է Թուրքիայի բարձրագույն օդուժի բարձրագույն դպրոցում։
Նա ամուսնացած էր, ուներ երկու երեխա։
Զինվորական ծառայություն խմբագրել
Զաուր Նուդիրալիևը 2000 - 2004 թվականներին եղել է զորամասում 3-րդ ավիացիոն էսկադրիլիայի օդաչու։ Իսկ 2004 թվականի հուլիսից մինջև 2004 թվականի դեկտեմբերը նա եղել է զորամասում 3-րդ ավիացիոն էսկադրիլիայի գլխավոր օդաչու։
2004 թվականի դեկտեմբերից մինչև 2007 թվականի մարտը նա եղել է 1-ին ավիացիոն էսկադրիլիայի գլխավոր օդաչու, իսկ 2007 թվականի մարտից մինչև 2009 թվականի դեկտեմբերը՝ 1-ին ավիացիոն էսկադրիլիայի հրամանատար։
Զաուր Նուդիրալիևը 2009 թվականի դեկտեմբերից մինչև 2011 թվականի մայիսը ծառայել է 1-ին ավիացիոն էսկադրիլիայում որպես շտուրման։
Զաուր Նուդիրալիևը 2011 թվականի մայիսից մինչև 2013 թվականի նոյեմբերը եղել է զորամասի 1-ին ավիացիոն էսկադրիլիայի շտաբի պետ։
Մասնակցել է 2020 թվականի աշնանը Ադրբեջանի կողմից կատարված ռազմական ագրեսիային՝ ընդդեմ Արցախի Հանրապետության։ Զաուր Նուդիրալիևը զոհվել է հոկտեմբերի 4-ին, երբ Ջրականի վրայով Սու-25 ինքնաթիռը խոցվեց[2]։
Ադրբեջանի նախագահ Իլհամ Ալիևի 09.12.2020 թվականի հրամանագրով, մահից հետո Զաուր Նուդիրալիևին շնորհվել է «Հայրենական պատերազմի հերոս» կոչում[3]։
Ադրբեջանի նախագահ Իլհամ Ալիևի 15.12.2020 թվականի հրամանագրի համաձայն, Զաուր Նուդիրալիևը հետմահու պարգևատրվել է «Հայրենիքի համար» մեդալով[4]։
Ծանոթագրություններ խմբագրել