Երկու պոչեր (մուլտֆիլմ)

Երկու պոչեր; Два Хвоста (мультфильм)
Տեսակ	մուլտֆիլմ
Ժանր	ֆենթեզի ֆիլմ և կինոկատակերգություն
Ռեժիսոր	Վիկտոր Ազեև
Սցենարիստ	Վասիլի Ռովենսկի
Հնչյունավորում	Սերգեյ Բուրունով և Լինա Իվանովա
Պրոդյուսեր	Q112989511?
Երաժշտություն	Իվան Ուրյուպին
Երկիր	Ռուսաստան
Լեզու	ռուսերեն
Տևողություն	92 րոպե
Թվական	մայիսի 30, 2018

Երկու պոչեր, Վիկտոր Ազեևի և Նատալի Նիլովայի ռուսական լիամետրաժ անիմացիոն ֆիլմը՝ ստեղծված «Լիցենզավորված ապրանքանիշներ» ՍՊԸ-ի կողմից^[1] «Ֆիլմերի ֆոնդի» պետական ֆինանսական աջակցությամբ։

Սյուժե խմբագրել

Գալակտիկաներից մեկում ոչնչանում է մի մոլորակ։ Այդ մոլորակի բնակիչները տիեզերական օդաչուների հետախուզական ջոկատ են ուղարկում` էներգիայի դարավոր աղբյուր որոնելու, որը կարող է փրկել նրանց քաղաքակրթությունը։ Աղբյուրի գտնվելու կոնկրետ վայրը հայտնի չէ, բայց կան տվյալներ, որ այն գտնվում է արեգակնային համակարգի մոլորակներից մեկի վրա։ Այլմոլորակայինների հետախուզական ջոկատը ժամանում է մեր արեգակնային համակարգ, որտեղ նրանց դիմավորում են չարացած սկրետչերները՝ տիեզերական ծովահենները, որոնք հետապնդում են օդաչուներին և Երկիր մոլորակի ուղեծրի վրա կրակոցով վնասում են նրանց թռչող ափսեն, որից հետո հետախույզների խումբը վթարի է ենթարկվում Երկիր մոլորակի վրա։

Երկիր մոլորակի կղզիներից մեկի վրա ապրում է Բոբ կուղբը, որն իր մոտ ապաստան է տվել անտուն Մաքս կատվին։ Կատուն համակված է հայտնի ու հռչակավոր դառնալու ցանկությամբ։ Բոբն ու Մաքսը պատահաբար գտնում են տիեզերական էներգիայի աղբյուրը, բայց չգիտեն նրա նշանակությունը։ Այդ կղզու վրա է ընկնում այլմոլորակայինների հետախուզական ջոկատի թռչող ափսեն և օգնություն է խնդրում կատվից և կուղբից։ Նրանց հետևից Երկիր մոլորակ են գալիս սկրետչերները և ստրկության վաճառելու համար գերի են վերցնում այլմոլորակայիններին, կուղբին և մի շարք այլ կենդանիների։ Կատուն փախչում է գերությունից և որոշում ազատել իր ընկերներին։ Նա գլխի է ընկնում տիեզերական էներգիայի աղբյուրի հնարավորությունների մասին և նրա միջոցով պայքար է ծավալում սկրետչերների դեմ։ Բռնված կենդանիների օգնությամբ նա հաղթանակ է տանում և ազատում է բոլոր գերիներին։ Այլմոլորակայինների հետախուզական ջոկատը էներգիայի տիեզերական աղբյուրով և գերված սկրետչերների հետ վերադառնում է իրենց մոլորակ։

Գործող անձիք խմբագրել

Կուղբ Բոբ — լուրջ, խելացի և համարձակ կուղբ։ Նա արագ որոշումներ է կայացնում դժվար իրավիճակներում, ինչը նրան օգնում է դուրս գալ Մաքս կատվի ստեղծած ցանկացած խնդիրներից։

Կատու Մաքս — երիտասարդ, դրական և կյանքով լի արկածախնդիր։ Կատվի լավագույն ընկեր Կուղբ Բոբը Մաքսին անընդհատ օգնում է հաղթահարել բոլոր վտանգները։ Կատուն երազում է փառքի մասին և կարծում է, որ բոլորն էլ այդպես են անում։

Զակա, Զիկ և Զուկ — երիտասարդ, մեծամիտ, պահանջկոտ և շատ շատախոս այլմոլորակայիններ։ Նրանք սիրում են վիճաբանել միմյանց հետ՝ առանց միմյանց զիջելու։ Նրանց տիեզերանավը վթարի է ենթարկվել Երկրի վրա։

Սկետչերներ — ծույլ, անխիղճ և վրիժառու։ Նրանք ժամանցային Մոլորակի վրա՝ Տիեզերական կենդանաբանական այգում, որսում են եզակի կենդանիներ։ Նրանք հարվածելով վայր են գցում Զակայի, Զիկի, Զուկի տիեզերանավը և թռչում են դեպի Երկիր որպեսզի բռնեն փոքրիկ այլմոլորակայինների և կենդանիների Երկրից։

Տղա Վասյա — հետաքրքրասեր տղա, որի անունից պատմվում է այս ողջ պատմությունը։ Նա արձակուրդներին եկել է տատիկի մոտ և ակամայից մասնակցում է գլխավոր հերոսների արկածներին։

Ագռավ — չար թռչուն, որը սիրում է ծիծաղել ուրիշների դժբախտության վրա, բայց միևնույն ժամանակ ինքն է անընդհատ ընկնում անախորժությունների մեջ։

Վիկ և Նիկ — հիմար և ագահ ուֆոլոգներ։ Երազում են գտնել և բռնել այմոլորակայիններին, որպեսզի հարստանան։

Ձայները հնչյունավորել են խմբագրել

Սերգեյ Բուրունով — Կատու
Դիոմիդ Վինոգրադով — Կուղբ
Լինա Իվանովա — Տղա Վասյա
Դիոմիդ Վինոգրադով — Արջ
Դանիել Շեբլանով — Ուֆոլոգ Նիկ
Դիոմիդ Վինոգրադով — Ուֆոլոգ Վիկ
Իրինա Կիրեևա — Զակա, Զիկ և Զուկ
Դիոմիդ Վինոգրադով — Սկետչերներ
Դիոմիդ Վինոգրադով — Կենդանիներ

Երաժշտություն խմբագրել

Ֆիլմում հնչած երաժշտական ստեղծագործություններ․

«Պիտերի երկայնքով» — ռուսական ժողովրդական երգ
«Կալինկա-Մալինկա» — երգի հեղինակ՝ Իվան Պետրովիչ Լարիոնով
«Ամենալավ օրը» — երաժշտության և խոսքերի հեղինակ՝ Լև Շապիրո
«Վալենկաներ» — երաժշտությունը և խոսքերը ժողովրդական են
«Երկնաքար» — երգի հեղինակ՝ Կոնստատին Շուստարյով
«Կատվի շքերթ» — երգի հեղինակ՝ Կոնստատին Շուստարյով
«Նրանք դեռ կվերադառնան» — երգի հեղինակ՝ Կոնստատին Շուստարյով
«Jingle Bells» — երգի հեղինակ՝ Ջեյմս Լորդ Պերպոնտ
«’O sole mio» — երաժշտության հեղինակ՝ Էդուարդ դի Կապուա, խոսքերի հեղինակ՝ Ջովանի Կապուրո
«Վալկիրիայի թռիչքը» — երաժշտության հեղինակ՝ Ռիխարդ Վագներ
«Կապույտ Դանուբ» — երաժշտության հեղինակ՝ Յոհան Շտրաուս
«Վիեննական վալս» — երաժշտության խոսքեր՝ Յոհան Շտրաուս
«Մենդելսոնի քայլերթ» — երաժշտության հեղինակ՝ Ֆելիքս Մենդելսոն
«Տոկատ և ֆուգա ռե մինոր» (Toccata et Fugue en ré mineur) — երաժշտության հեղինակ՝ Յոհան Սեբաստիան Բախ

Ստեղծում խմբագրել

Ֆիլմը ստեղծվել է «Լիցենզավորված ապրանքանիշներ» ՍՊԸ-ի կողմից «Ֆիլմերի ֆոնդի» ֆինանսական աջակցությամբ^[2]։ Ֆիլմի ստեղծումը սկսվել է 2015 թվականի հունիսին, իսկ միջազգային վարձույթի նախագիծը տրվել է 2018 թվականի մայիսին։ Ֆիլմի համար մշակվել է 23 գործող անձ, մոտ 350 օբյեկտ և 15 տեղանք։

Ցուցադրություն խմբագրել

Ֆիլմի հանդիսավոր պրիմերային ցուցադրությունը տեղի է ունեցել 2018 թվականի մայիսի 29-ին^[3], այն Ռուսաստանում լայն վարձույթի է տրվել 2018 թվականի մայիսի 31-ին^[4]։ 2017 թվականին Կաննի կինոշուկայում ֆիլմի կրկնօրինակները վաճառվել են աշխարհի ավելի քան 50 երկրի^[5]։

Առաջին հանգստի օրերին ֆիլմը հավաքել է 44,6 միլիոն ռուբլի^[6]՝ մտնելով պրիմերային հանգստի օրերի ռուսական վարձույթի լավագույն ֆիլմերի հնգյակի մեջ։

Ռուսաստանում վարձույթով տրվելու ողջ ընթացքում ֆիլմը հավաքել է ավելի քան 100 000 միլիոն ռուբլի^[7], նաև դարձել է դրամարկղային հիթ Լեհաստանում և Լատինական Ամերիկայի երկրներում^[8]։

Արձագանքներ խմբագրել

Ֆիլմը ստացել է ինչպես հանդիսատեսի, այնպես էլ քննադատների դրական արձագանքը։

Մեծահասակներին և դեռահասներին «Երկու պոչեր» ֆիլմը կթվա հասարակ և ոչ գրավիչ, բայց ամենափոքր հանդիսատեսին պատկերը կարող է զվարճացնել։

- Բորիս Իվանով, Фильм.ру

«Երկու պոչերում» կան շատ ուշագրավ տարրեր, որոնք թվարկելու դեպքում, ֆիլմի մասին տպավորություն է ստեղծվում որպես բավականին ոչ վատ պատկերի։

- Վերոնիկա Սկուրիխինա, Киноафиша.info

Իր նպատակային լսարանի համար ֆիլմը բոլորովին վատ չէ։ Հերոսները համակրելի են, օժտված են արտահայտված բնավորությամբ և պատկերված են աչքին հաճելի գույներով։ Նրանք զվարճալի են համագործակցում միմյանց հետ, ընկնում են բազմաթիվ արկածների և զվարճալի իրադրությունների մեջ, մի խոսքով թույլ չեն տալիս ձանձրանալ։

- Բորիս Գրիշին, Afisha.mail.ru

Ծանոթագրություններ խմբագրել

Արտաքին հղումներ խմբագրել

«Два хвоста». Интервью с Сергеем Буруновым
Бобр и кот спешат на помощь / Интервью с Василием Ровенским
Роман Борисевич: В кино самодеятельности быть не должно
Борис Иванов — Рецензия на мультфильм «Два хвоста» // Фильм.ру
Елена Громова — Хвост всему голова // Киноафиша.info
Кассовые сборы «Два хвоста»
Роман Борисевич: «У Российской анимации большой кредит доверия на зарубежных рынках»
Канны 2018: Проекты Made in Russia пользуются спросом по всему миру
В Российском павильоне состоялась презентация новых российских проектов готовых для копродукции
Режиссёр Нилова Наталья // Аниматор.ру
«Два хвоста» (англ) на сайте Internet Movie Database

[1] Официальный сайт ООО «Лицензионные бренды»

[2] Проекты иных кинокомпаний, утвержденные Попечительским советом Фонда кино

[3] Премьера мультфильма «Два Хвоста» студии «Лицензионные бренды»

[4] Пушистая банда: в российский прокат выходит отечественный мультфильм «Два хвоста»

[5] «Recreation Media согласилась продавать права на «Два хвоста»». Արխիվացված է օրիգինալից 2021 թ․ հունվարի 20-ին. Վերցված է 2018 թ․ նոյեմբերի 5-ին.

[6] «Газета.Ru» представляет обзор российского бокс-офиса за прошедшие выходные

[7] Итоги кинопроката ЕАИС

[8] Российский мультфильм «Два хвоста» стал кассовым хитом в Польше и странах Латинской Америки

[1]

[2]

[3]

[4]

[5]

[6]

[7]

[8]