Եվրասիական զարգացման բանկ
Եվրասիական զարգացման բանկ (ԵԱԶԲ), տարածաշրջանային զարգացման բանկ հիմնադրված Ռուսաստանի և Ղազախստանի կողմից 2006 թվականին։ Ներկայումս բանկն ունի վեց անդամ պետություններ տեղակայված Ասիայում և Եվրոպայում, ներառյալ Հայաստանը, Բելառուսը, Ղրղզստանը և Տաջիկստան։ Այլ երկրները և միջազգային կազմակերպությունները կարող են դառնալ բանկի անդամ` ստորագրելով հիմնադիր պայմանագիր։
| Եվրասիական զարգացման բանկ | |
|---|---|
| Տեսակ | միջազգային ֆինանսական կազմակերպություն և multilateral development bank? |
| Հիմնադրված | 12 հունվար 2006 |
| Իրավ. կարգավիճակ | պայմանագրային |
| Նպատակներ | վարկավորում |
| Գլխադասային գրասենյակ | Ալմաթի, Ղազախստան |
| Տեղագրություն | Ալմաթի, Ղազախստան |
| Տարածաշրջան | Եվրասիա |
| Կայք | eabr.org |
Անդամ երկրներ խմբագրել
Պատմություն և գործառնություններ խմբագրել
ԵԱԶԲ-ն ստեղծել է Ռուսաստանի և Ղազախստանի նախագահների նախաձեռնությամբ` ստորագրելով միջազգային համաձայնագիր 2006 թվականի հունվարի 12-ին։
Բանկը սկսել է իր գործունեությունը 2006 թվականի հունիսին, եր ընդունվեցին համապատասխան կանոններ և համաձայնագիրը սկսեց գործել։ Հայաստանը և Տաջիկստանը միացել են ԵԱԶԲ-ին 2009 թվականից, Բելառուսը` 2010 թվականից և Ղրղզստանը` 2011 թվականից։
Բանկի նպատակն է խթանել անդամ երկրներում ներդրումային ակտիվությունը, զարգացնել շուկայական տնտեսությունը, խթանել տնտեսական աճը և լուծել այլ տնտեսական խնդիրներ։
Բանկի բաժնեհավաք կապիտալը կազմում է 7 միլիարդ ԱՄՆ դոլար։ Անդամ երկրները ունեն հետևյալ բաժնեմասերը. Ռուսաստան` 65,97%, Ղազխստան` 32,99%, Բելառուս 0,99%, Տաջիկստան` 0,03%, Հայաստան` 0,01% և Ղրղզստան` 0,01%։
ԵԱԶԲ գործունեությունը կարգավորվում է միջազգային իրավունքով։ Այսպիսով բանկն ունի.
- միջազգային կարգավիճակ,
- ունի որոշակի իրավունքներ իր անդամ երկրներում,
- ունի հատուկ կարգավիճակ, որոնք տալիս են որոշակի առավելություններ իր անդամ երկներում, այդ թվում սեփականության և արդարադաական իմունիտետ, հատուկ հարկային արտոնություններ, որոշ գնային և այլ ռիսկերից երաշխավորություն ըստ անդամ երկրների բանկային օրենսդրությունների,
- գերադասելի վարկատուի կարգավիճակ։
Բանկի գլխամասը գտնվում է Ղազախստանի Ալմաթի քաղաքում։
ԵԱԶԲ-ն մասնաճյուղ ունի Սանկտ Պետերբուրգում և ներկայացչություններ Աստանայում, Բիշկեկում, Դուշանբեում, Երևանում, Մինսկում և Մոսկվա։
Բանկն ունի միջազգային կազմակերպության կարգավիճակ։ 2013 թվականին Տնտեսական կոոպերացիայի և զագացման կազմակերպությունը ճանաչել է ԵԱԶԲ-ին որպես ֆինանսական ինստիտուտ 3 ռիսկի դասակարգմամբ և գնորդի ռիսկի դասարակագման SOV/CC0 աստիճանով։
ԵԱԶԲ-ն խորհրդատուի կարգավիճակ ունի.
- Միավորված ազգերի կազմակերպության գլխավոր ասամբլեայում 2007 թվականից,
- ՄԱԿ-ի Առևտրի և զարգացման համաժողովում 2009 թվականից,
- Փողերի լվացման և ահաբեկչության ֆինանսավորման դեմ պայքարի Եվրասիական խմբում 2008 թվականից,
- Միջազգային ներդրումային բանկում 2014 թվականից։
ԵԱԶԲ-ն.
- Ղազախստանի ֆոնդային բորսայի, Միջազգային կապիտալի շուկայի ասոցացիայի, Սվոպի և ածանցյալ գործիքների միջազգային ասոցացիայի ու ՆԱՍԴԱՔ ՕԷՄԷՔՍ Արմենիայի անդամ է[1],
- Համաշխարհային տնտեսական ֆորումի անդամ 2014 թվականից
- Բազմագործառույթ ֆինանսական կազմակերպությունների անդամ 2012 թվականից։
Տես նաև խմբագրել
Ծանոթագրություններ խմբագրել
- ԵԱԶԲ պաշտոնական կայքէջ Արխիվացված 2018-08-05 Wayback Machine