Եղիշե Մարտիկյան

Անվան այլ կիրառումների համար տե՛ս՝ Մարտիկյան (այլ կիրառումներ)

Եղիշե Մարտիկյան (1904, մայիսի 4, գյուղ Վանիկ, Բիթլիսի վիլայեթ - 1988, սեպտեմբերի 25, Երևան), հայ խորհրդային արվեստաբան-նկարիչ։ ՀԽՍՀ արվեստի վաստակավոր գործիչ (1961 թ.)։

Եղիշե Մարտիկյան
Ի ծնե	Եղիշե Մարտիկյան
Ծնվել է	1904 մայիսի 4
Ծննդավայր	գյուղ Վանիկ, Բիթլիսի վիլայեթ
Վախճանվել է	սեպտեմբերի 25, 1988(1988-09-25) (տարիքը 84)
Մահվան վայր	Երևան
Ազգություն	հայ
Կրթություն	Սանկտ Պետերբուրգի գեղարվեստի ակադեմիա
Մասնագիտություն	արվեստագետ և նկարիչ
Պարգևներ
Եղիշե Մարտիկյան Վիքիդարանում

Կենսագրություն

1936 թվականին ավարտել է Լենինգրադի գեղանկարչության, քանդակագործության և ճարտարապետության ինստիտուտը։ 1936-1937 թվականներին դասավանդել է Երևանի գեղարվեստի ուսումնարանում, 1954 թվականից՝ Երևանի գեղարվեստաթատերական ինստիտուտում (1945-1954 թվականներին՝ պրոռեկտոր և արվեստի պատմության ամբիոնի վարիչ, 1970 թվականից՝ պրոֆեսոր)։

Մենագրություններ

Մարտիկյանը գրել է մի շարք մենագրություններ՝

• «Ստեփան Աղաջանյան» (1956 թ.)
• «Խորհրդային Հայաստանի կերպարվեստը» (1956 թ., ռուսերեն, հեղինակակից Պարսամյան Ռ.)
• «Ռեմբրանդ» (1959 թ.)
• «Հակոբ Կոջոյան» (1961 թ.)
• «Այծեմնիկ Ուրարտու» (1962 թ.)
• «Փանոս Թերլեմեզյան» (1964 թ.)

Մարտիկյանի հեղինակությամբ հրատարակվել է «Հայկական կերպարվեստի պատմություն»-ը (գիրք 1-2; 1971-1975 թթ.)

Երփնագրեր

Երփնագիր գործեր՝

• «Հին Երևան», 1936 թ.
• «Արարատ», 1947 թ.
• «Ինքնանկար», 1968 թ.
• «Նատյուրմորտ գորգով», 1985 թ.
• «Ծաղիկներ», 1986 թ.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 344)։