Դիազինոն , քիմիական պատրաստուկ, միջատասպան-տզասպան։ Ազդող նյութը՝ դիազինոն։
Դիազինոն Քիմիական բանաձև C₁₂H₂₁N₂O₃PS Մոլային զանգված 5,0E−25 կիլոգրամ [ 1] մոլ Խտություն 1,12 ± 0,01 գ/սմ³ [ 2] Այրման ջերմաստիճան 180 ± 1 ℉ [ 2] Գոլորշու ճնշում 0,0001 ± 0,0001 mm Hg [ 2] Քիմիական հատկություններ Դասակարգում CAS համար 333-41-5 PubChem 3017 EINECS համար 206-373-8 SMILES CCOP(=S)(OCC)OC1=NC(=NC(=C1)C)C(C)C ЕС 206-373-8 RTECS TF3325000 ChEBI 2909 Եթե հատուկ նշված չէ, ապա բոլոր արժեքները բերված են ստանդարտ պայմանների համար (25 °C, 100 կՊա)
Թողարկվում է 600 գ/լ ջրային էմուլսիայի ձևով։ Կիրառվում է լվիճների , երկարակնճիթների , վահանակիրների , բվիկների և այլնի դեմ՝ սրսկումների ձևով։ Պատրաստուկի ծախսի չափաքանակը (լ/հա)՝ ցորենի վնասատուների (տզրուկաթրթուր) համար` 1,5–1,8, գարու (լվիճներ)՝ 0,5, հացահատիկի (ճանճեր)՝ 1,5, խնձորենու (ծաղկակեր)՝ 1,0, շաքարի ճակնդեղի (սովորական երկարակնճիթ, վահանակիր )՝ 1,8–2,0, (արևելյան զոլավոր երկարակնճիթ)՝ 1,5–2,0, (տերևային լվիճ, բվիկներ )՝ 0,8, կաղամբի (ճերմակաթիթեռ , բվիկներ )` 1,0, ծխախոտի (հողաբնակ բվիկներ)` 1,0–1,5, առվույտի (սերմնադաշտերի երկարակնճիթներ, լվիճներ , բվիկներ , մարգագետնային թիթեռնիկ, հաստոտիկ)` 2,0–2,5: Մշակումներն իրականացվում են վեգետացիայի ընթացքում, վերջինը՝ բերքահավաքից ՝ գարու համար՝ 30, ծխախոտի՝ 20, շաքարի ճակնդեղի ՝ 20, կաղամբի ՝ 30 օր առաջ, իսկ խնձորենու ծաղկակերի դեմ՝ գարնանը։ Մշակումների առավելագույն քանակը. առվույտի (սերմնադաշտերում), շաքարի ճակնդեղի, ծխախոտի համար՝ 2 անգամ, հացահատիկայինների, խնձորենու, կաղամբի` 1։
Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից» , որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։
