Դափուց վանք

Դափուց վանք (կամ Սուրբ Գրիգոր Լուսավորիչ եկեղեցի), Հայ առաքելական եկեղեցի, գտնվում է Գեղարքունիքի մարզի Նորատուս գյուղի հարավարևելյան մասում, կառուցվել է 9-10-րդ դարում։

Դափուց վանք
Հիմնական տվյալներ
Տեսակ	Վանք
Երկիր	Հայաստան
Տեղագրություն	Գեղարքունիքի մարզ
Դավանանք	Հայ Առաքելական եկեղեցի
Հիմնական ամսաթվերը	9-րդ դար
Ներկա վիճակ	Կանգուն
Ժառանգության կարգավիճակ	մշակութային հուշարձան Հայաստանում
Ճարտարապետական ոճ	հայկական ճարտարապետություն
Հիմնադրված	9-րդ դար
Doputs Vank Վիքիպահեստում

Պատմություն

Դափուց վանքը այս տարածաշրջանի միջնադարյան հուշարձաններից է։ Ըստ Սիմեոն Երևանցի կաթողիկոսի՝ եկեղեցին կոչվել է Դափուց վանք և եղել է կուսանոց։ Ըստ արձանագրությունների և շինարարական ձևերի կարելի է այն վերագրել 9-10-րդ դարի։ Եկեղեցին ունի պարսպափակ բակ, բակում պահպանվել են նաև 13-17 դարերի խաչքարեր։

Ճարտարապետություն

Վանքը նախկինում եղել է միանավ թաղածածկ բազիլիկ կառույց, որը 10-11 րդ դարերին Խաչատուր ճարտարապետը վերափոխել է գմբեթավոր սրահի։ Հյուսիսային և հարավային կողմերում ավելացվել են երկու խորաններ, ներքուստ, պատերին կից ավելացվել են որմնամույթեր, և տեղադրվել է սրածայր գմբեթ։ Եկեղեցու պատերին պահպանված 10-13 րդ դարերի արձանագրություններից, հիշարժան են Հերակլ Հավնունու 1000 թվականի եկեղեցու նորոգման վերաբերյալ Գագիկ Շահնշահի անունը հիշատակող արձանագրությունները։

Տես նաև

• Դոփուց վանքի վիմական արձանագրություններ

Պատկերասրահ

• 
  Դափուց վանքի բակի խաչքարերից
• 
  Դափուց վանքի բակի խաչքարերից
• 
  Դափուց վանքի բակի խաչքարերից

Ծանոթագրություններ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Դափուց վանք կատեգորիայում։