Դաշտադեմ (Խութի գավառ)

Անվան այլ կիրառումների համար տե՛ս՝ Դաշտադեմ (այլ կիրառումներ)

Դաշտադեմ, գյուղ Արևմտյան Հայաստանում, Բիթլիսի վիլայեթի Խութ-Բռնաշենի գավառակում։ Գտնվում է պարտեզներով շրջափակված առվակի ափին։

Գյուղ
Դաշտադեմ
Վարչական տարածք	Արևմտյան Հայաստան
Վիլայեթ	Բիթլիսի վիլայեթԲիթլիսի վիլայեթ
Գավառակ	Խութ-Բռնաշենի գավառակ
Պաշտոնական լեզու	Հայերեն
Բնակչություն	157 մարդ (XX դար)
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Տեղաբնականուն	դաշտադեմցի
Ժամային գոտի	UTC+3

Ըստ ենթադրությունների եղել է Բռնաշեն գավառակի կենտրոնը։

Պատմություն

Գյուղը տվել է բազմաթիվ կրթյալ հոգևորականներ, որոնք իրենց ուսումը ստացել են գյուղի Ախպերիկ և Մշո Ս. Կարապետ վանքերում։

Բնակչությունը բռնությամբ տեղահանվել է 1915 թվականի Մեծ եղեռնի ժամանակ։ Նրանց մեծ մասը զոհվել է աքսորի ճանապարհին։ Ողջ մնացածները ապաստանել են Աշտարակի շրջանի Ավան և Թալինի շրջանի Իրինդ գյուղերում։

Բնակչություն

Գյուղը նախկինում եղել է զուտ հայաբնակ։ Այնուհետև այնտեղ բռնի ուժով բնակեցրել են քրդերին։

XX դարի սկզբին ուներ 157 հայ բնակիչ։

Պատմամշակութային կառույցներ

Դաշտադեմն ուներ Ախպերիկ անունով վանք, որն հանդիսանում էր նաև ուսման կենտրոն։

Հայտնի մարդիկ

1910 թ.-ին Դաշտադեմում է ծնվել Խաչիկ Դաշտենցը։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 286)։