Գևորգ Թահթայան կիրակնօրյա դպրոց, գործել է 1967- 1978 թվականներին, ունեցել է մոտ 150 աշակերտ։ Ազգային վարժարան, հիմնվել է 1978 թվականին՝ ազգային բարերար Գևորգ Թահթայանի նվիրատվությամբ (100 հազար ֆունտ ստեռյինգ) և Լոնդոնի համայնքային եկեղեցական խորհրդի մշակութային մարմնի նախաձեռնությամբ։ 1979 թվականին վարժարանը Սուրբ Պետրոս եկեղեցու փոքր սրահներից տեղափոխվել է «Աքթրն հայ սքուլ» կոչվող անգլիական դպրոցի շենքը։ Վարժարան ընդունվում են երեք տարեկանից։ Մանկապարտեզի և նախակրթարանի քառամյա շրջանից հետո սկսվում է ուսումնական բաժնի յոթնամյա շրջանը։ Ուսումնական ծրագիրը ներառում է հայոց լեզու, հայոց պատմություն, կրոն, երգեցողություն և վերջերս ավելացած «ընթացիկ հարցեր» առարկաները, որոնք դասավանդվում են արևելահայերեն և արևմտահայերեն։ Դասագրքերն ստանում են Հայաստանից, Իրանից, Ամերիկայից և Վենետիկից։ Վարժարանն ունի գրադարան, որը պարունակում է շուրջ 800 գիրք և պարբերական։ Ամեն տարի դպրոց է հաճախում 190 220 աշակերտ, ուսուցիչների թիվը՝ 22-25։ Վարժարանում կազմակերպվում են հանդեսներ՝ նվիրված Թարգմանչաց տոնին, Վարդանանց հերոսամարտին, Ապրիլի 24-ին։
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայ Սփյուռք» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|
.svg){kind=small}
Միացյալ Թագավորություն
