Գուրգեն Շաքարյան

Վիքիպեդիայում կան հոդվածներ Շաքարյան ազգանունով այլ մարդկանց մասին։

Գուրգեն Անդրեասի Շաքարյան (նոյեմբերի 7, 1908(1908-11-07), Բաքու, Ռուսական կայսրություն - փետրվարի 2, 1990(1990-02-02), Երևան, Հայկական ԽՍՀ, ԽՍՀՄ), հայ խորհրդային անասնաբույժ-մանրէաբան։ Անասնաբուժական գիտությունների դոկտոր (1946), պրոֆեսոր (1946), ՀԽՍՀ գիտությունների վաստակավոր գործիչ (1965)։

Գուրգեն Շաքարյան
Ծնվել է	նոյեմբերի 7, 1908(1908-11-07) Բաքու, Ռուսական կայսրություն
Մահացել է	փետրվարի 2, 1990(1990-02-02) (81 տարեկան) Երևան, Հայկական ԽՍՀ, ԽՍՀՄ
Մասնագիտություն	անասնաբույժ և մանրէաբան
Հաստատություն(ներ)	Երևանի անասնաբուծական-անասնաբուժական ինստիտուտ
Ալմա մատեր	Երևանի անասնաբուծական-անասնաբուժական ինստիտուտ (1932)
Կոչում	պրոֆեսոր
Գիտական աստիճան	անասնաբուժական գիտությունների դոկտոր (1946)
Պարգևներ	և
Կուսակցություն	ԽՄԿԿ
Ամուսին(ներ)	Լյուդմիլա Դանիելյան

Կենսագրություն

1932 թվականին ավարտել է Անդրկովկասի անասնաբուժական (այժմ՝ Երևանի անասնարածական-անասնաբուժական) համալսարանը։ 1934 թվականից աշխատում է նույն ինստիտուտում։ 1938 թվականից մանրէաբանության և վիրուսոլոգիայի ամբիոնի վարիչն է, միաժամանակ, 1942-1955 թվականներին՝ տնօրեն։ 1941-1942 թվականներին եղել է Հայկական անասնաբուժության ԴՀԻ-ի տնօրեն։

Գիտական աշխատանքները վերաբերում են գյուղատնտեսական կենդանիների մի շարք վարակիչ հիվանդությունների, անտիբիոտիկների ազդեցության, իմունիտետի և այլ խնդիրներին։ ԽՍՀՄ-ում առաջինն է նկարագրել ոչխարների վարակիչ ինկտինան, Անդրկովկասում՝ խոշոր եղջերավորների լեպտոսպիրոզը, ՀԽՍՀ-ում՝ ոչխարների ստաֆիլակոկային հիվանդությունները։ Կարևոր են նաև բրուցելոզի պատճառագիտության, էպիզոստոլոգիայի, բուժման և կանխարգելման, թեյի սնկի մշակույթի, իմունիտետի վրա անտիբիոտիկների ազդեցության հարցերին նվիրված աշխատանքները։ Պարգևատրվել է «Պատվո նշան» 2 շքանշանով և մեդալներով։ ԽՄԿԿ անդամ 1941 թվականից։

Երկեր

• Թեյի սնկի կուլտուրան և նրա կիրառումը անասնապահության մեջ, Երևան, 1959 (համահեղինակ)։
• Անտիբիոտիկներիօգտագործումը անասնապահության մեջ , Երևան, 1961 (համահեղինակ)։
• Միկրոօրգանիղմների դերը անասնապահության մեջ, Երևան, 1964։

Վիքիդարանն ունի նյութեր, որոնք վերաբերում են «Գուրգեն Շաքարյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 473)։