Գոհար Շագոյան

Գոհար Կառլենի Շագոյան (ապրիլի 29, 1958(1958-04-29)), երաժշտագետ, լրագրող-խմբագիր, հրատարակիչ։

Գոհար Շագոյան
Ծնվել է	ապրիլի 29, 1958(1958-04-29) (65 տարեկան)
Երկիր	Հայաստան
Մասնագիտություն	երաժշտագետ
Աշխատավայր	Հայկական պետական մանկավարժական համալսարան
Կրթություն	Կոստանտին Սարաջևի անվան երաժշտական դպրոց և Երևանի Կոմիտասի անվան պետական կոնսերվատորիա
Անդամակցություն	Հայաստանի ժուռնալիստների միություն և Հայաստանի կոմպոզիտորների միություն

Կենսագրություն

Ծնվել է 1958 թվականի ապրիլի 29-ին Երևանում։

1973 թվականին ավարտել է Կոնստանտին Սարաջյանի անվան երաժշտական դպրոցի դաշնամուրի բաժինը։ Այնուհետև սովորել է Ռոմանոս Մելիքյանի անվան պետական երաժշտական քոլեջում՝ երաժշտության տեսություն բաժնում։ 1985-1994 թվականներին դասավանդել է Երևանի պետական մանկավարժական համալսարանում։ 1983 թվականին ավարտել է Երևանի Կոմիտասի անվան պետական կոնսերվատորիան՝ սովորելով Նիկողոս Թահմիզյանի դասարանում, իսկ 1980 թվականին՝ եռամյա դասընթացը՝ Խորեն Պալյանի ղեկավարությամբ։

1995 թվականին դարձել է Հայաստանի ժուռնալիստների միության, 1997 թվականին՝ Հայաստանի կոմպոզիտորների միության անդամ։

1998 թվականից եղել է «Երաժշտական Հայաստան» ամսագրի գլխավոր խմբագիր։ 2004-2008 թվականներին դասավանդել է «Գլաձոր» կառավարման համալսարանում։ 2005 թվականին հիմնադրել է Կոմիտասի անվան պետական կոնսերվատորիայի «Երաժիշտ» պաշտոնաթերթը և դարձել թողարկման պատասխանատու։ 2017 թվականից դարձել է «Հայ կոմպոզիտոր» ամսագրի հիմնադիր-պատասխանատու քարտուղար։ Կազմել և հեղինակել է մի շարք գիտական ժողովածուներ։

Պարգևներ

2003 թվականին ստացել է Արամ Խաչատրյանի 100-ամյակի հուշամեդալ։

Արտաքին հղումներ

• Կոնստանտին Սարաջյանի անվան երաժշտական դպրոց

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։