Գյոգթեփե

Գյոգթեփե, գյուղ Արևմտյան Հայաստանում, Խարբերդի վիլայեթի Դերսիմ գավառի Մեծկերտի գավառակում։ Գտնվում էր Խոզաթ գյուղաքաղաքից 30 կմ հարավ-արևելք, Արածանիի աջակողմյան վտակ Փերի գետի օժանդակ Մնձուրի ձախ ափին։

Գյուղ
Գյոգթեփե
Վարչական տարածք	Արևմտյան Հայաստան
Վիլայեթ	Խարբերդի վիլայեթԽարբերդի վիլայեթ
Գավառակ	Մեծկերտի գավառակ
Այլ անվանումներ	Գյոգթափա, Գոգթափա, Կապուտ-գեղ, Կյոկթեփե, Կյոկ-Թեփե, Կոքթափա,Կոքթեփե
Պաշտոնական լեզու	Հայերեն
Բնակչություն	520 մարդ (1915)
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Տեղաբնականուն	կյոկ-թեփեցի
Ժամային գոտի	UTC+3
Գյոգթեփե (Աշխարհ)

Պատմություն

Բնակիչները տեղահանվել են 1915 թվականին։ Նրանց մեծ մասը բնաջնջվել է թուրք ջարդարարների ձեռքով։

Բնակչություն

1872-1873 թվականներին ուներ 28 տուն հայ և 13 տուն թուրք բնակիչ։ 1915 թվականին ուներ 65 տուն (520 անձ) հայ բնակիչ։

Տնտեսություն

Զբաղվում էին երկրագործությամբ, անասնապահությամբ և արհեստներով։

Պատմամշակութային կառույցներ

Գյոգթեփեն ուներ Ս. Կարապետ անունով եկեղեցի։

Տես նաև

• Խարբերդի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 490)։