Գազ Բիլովայի
| Գազ Բիլովայի | |
| Դասակարգում | |
| Թագավորություն | Բույսեր (Plantae) |
| Ենթատիպ | Սերմնավոր բույսեր (Spermatophytes) |
| Կարգ | Բակլածաղկավորներ (Fabales) |
| Ընտանիք | Բակլազգիներ (Fabaceae) |
| Ենթաընտանիք | Բակլայիններ (Faboideae) |
| Տրիբա | Galegeae |
| Ցեղ | Գազ (Astragalus) |
| Տեսակ | Գազ Բիլովայի (A. bylowae) |
| Միջազգային անվանում | |
| Astragalus bylowae | |
| Կարգավիճակ | |
Հատուկ պահպանության կարգավիճակ՝  Կրիտիկական վիճակում գտնվող | |
Գազ Բիլովայի (լատին․՝ Astragalus bylowae), լոբազգիների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։
Նկարագրություն խմբագրել
Բազմամյա բույս է, որը ծածկված է երկծայր մազկիներով։ 20-40 սմ բարձրությամբ ցողունը ճյուղավորված է։ Տերևների երկարությունը հասնում է 3-6 սմ-ի։ Տերևիկները 7-12-ական են, վերևից մերկ են, իսկ տակից՝ առսեղմ խավոտ։ Պսակը կարմրավուն է, 12-15 մմ երկարությամբ։ Ունդերը գլանաձև են, գծային, կախված և ունեն 20-30 մմ երկարություն, 2 մմ լայնություն[1]։
Տարածվածություն խմբագրել
Հայաստանում հանդիպում է միայն Զանգեզուրի ֆլորիստիկական շրջանում (Տեղ գյուղի շրջակայք)[1]։
Էկոլոգիա խմբագրել
Բույսը աճում է միջին լեռնային գոտում՝ ծովի մակարդակից 1350 մ բարձրության վրա, տափաստաններում։ Ծաղկում է հունիս-հուլիս ամիսներին, պտղաբերում՝ հուլիսին[1]։
Պահպանություն խմբագրել
Կրիտիկական վիճակում գտնվող տեսակ է։ Հայաստանի էնդեմիկ։ Հայտնի է մեկ պոպուլյացիա։ Տարածման և բնակության շրջանների մակերեսը 10 կմ²-ից պակաս է։ Աճում է հողերի ինտենսիվ յուրացվող գոտում։ Հայաստանի Կարմիր գրքի առաջին հրատարակության մեջ ընդգրկված չէր։ Ընդգրկված չէ նաև CITES-ի Բեռնի կոնվենցիաների հավելվածներում[1]։
Պահպանություն չի իրականացվում[1]։
Ծանոթագրություններ խմբագրել
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.