Գաբրիել Տեր-Միքելյան (ճարտարապետ)

Գաբրիել Միքայելի Տեր-Միքելյան (Տեր-Միքելով) (ապրիլի 16, 1874(1874-04-16), Ստավրոպոլ, Ռուսական կայսրություն - հունվարի 14, 1949(1949-01-14), Թբիլիսի, Վրացական ԽՍՀ, ԽՍՀՄ), հայ ճարտարապետ։ ԽՍՀՄ ճարտարապետական ակադեմիայի թղթակից անդամ (1937), ՎԽՍՀ արվեստի վաստակավոր գործիչ (1937), Թբիլիսիի գեղարվեստի ակադեմիայի պրոֆեսոր (1926 թվականից)։

Գաբրիել Տեր-Միքելյան ռուս.՝ Гавриил Михайлович Тер-Микелов
Ի ծնե	Գաբրիել Միքայելի Տեր-Միքելյան
Ծնվել է	ապրիլի 16, 1874
Ծննդավայր	Ստավրոպոլ, (Ռուսաստան)
Մահացել է	հունվարի 14, 1949
Վախճանի վայր	Թբիլիսի, (Վրաստան)
Ազգություն	հայ
Ճյուղ(եր)	ճարտարապետություն
Գործունեություն	ճարտարապետ
Կրթություն	Սանկտ Պետերբուրգի ճարտարապետության և քաղաքացիական ճարտարագիտության պետական համալսարան
Ուշագրավ աշխատանքներ	Ադրբեջանի պետական ակադեմիական ֆիլհարմոնիա և House of Sadykhov brothers?
Պարգևներ	Վրացական ԽՍՀ արվեստի վաստակավոր գործիչ
Գաբրիել Տեր-Միքելյան Վիքիդարանում
Gabriel Ter-Mikelov Վիքիպահեստում

Կենսագրություն

Ծնվել է Ստավրոպոլում։ 1899 թվականին ավարտել է Սանկտ Պետերբուրգի քաղաքացիական ճարտարագետների ինստիտուտը։ 1899-1912 թվականներին աշխատել է Բաքվում, 1912-1949 թվականներին՝ Թիֆլիսում։

Կլասիցիզմի, մոդեռնի և անդրկովկասյան ժողովուրդների ճարտարապետական ձևերի ստեղծագործական վերարտադրությամբ նախագծել է 70 շենք, որոնցից կառուցվել է 37-ը։ Նրա բարձրարվեստ կառույցները նպաստել են Բաքվի և Թբիլիսիի 20-րդ դարասկզբի ճարտարապետության պատմության և ազգային ճարտարապետության զարգացմանը։

Կառուցված շենքերը Բաքվում

• Յուզբաշյանների առանձնատունը (1900-1901)
• Ադամյան եղբայրների եկամտաբեր տներ (1908-1909)
• Թաղիև եղբայրների եկամտաբեր տներ (1909-1911)
• Սադիխով եղբայրների եկամտաբեր տներ (1909-1912)
• Թիֆլիսի առևտրային դրամատան Բաքվի բաժանմունքի շենքը (1901)
• Բաքվի առևտրային ուսումնարանը (1904)
• Հասարակական հավաքույթի ամառային ակումբը (1910-1912, այժմ՝ Ադրբեջանի ֆիլհարմոնիա)
• Պետական դրամատան աշխատակիցների բնակելի տունը (1926)
• Ֆիզոթերապևտիկ ինստիտուտի համակառույցը (պոլիկլինիկա, ջրաբուժարան, հիվանդանոց, 1928-1935, Փարիզի համաշխարհային ցուցահանդեսի Մեծ մրցանակ և ոսկե մեդալ՝ 1937)

Կառուցած շենքերը Յալթայում

• Ս. Հռիփսիմե հայկական եկեղեցին (1905-1909, մեծահարուստ Պ. Տեր-Ղուկասյանի պատվերով)

Կառուցած շենքերը Թբիլիսիում

• Մ. Արամյանցի «Մաժեստիկ» հյուրանոցը (1912-1914, այժմ՝ «Թբիլիսի»)
• Հ. Մելիք-Դադայանի եկամտաբեր տունը (1912-1914, այժմ՝ երկաթուղային տեխնիկում)
• Ա. Միլյանի առանձնատունը (1914)
• Պետական դրամատան բնակելի տների համակառույցը (չորս մասնաշենք, 1926-30)
• Պատանի հանդիսատոսի թատրոնը (1938-1949, այժմ՝ Երկաթուղայինների տուն)

Պատկերներ

• 
  Բաքվի առևտրային ուսումնարանը (1904)
• 
  Ադամյան եղբայրների եկամտաբեր տներ (1908-09)
• 
  Ֆիզոթերապևտիկ ինստիտուտի համակառույցը ( 1928-35)

Գրականություն

• Էդմոնդ Տիգրանյան, Գաբրիել Տեր-Միքելյան, Երևան, 1981։

Արտաքին հղումներ

• Գաբրիել Տեր-Միքելյան Արխիվացված 2021-05-14 Wayback Machine

Վիքիդարանն ունի նյութեր, որոնք վերաբերում են «Գաբրիել Տեր-Միքելյան (ճարտարապետ)» հոդվածին։

Վիքիպահեստն ունի նյութեր, որոնք վերաբերում են «Գաբրիել Տեր-Միքելյան (ճարտարապետ)» հոդվածին։