Վիքիպեդիա

Վրոցլավ

(Վերահղված է Բրեսլաուից)

Վրոցլավ (լեհ.՝ Wroclaw), քաղաք Լեհաստանի հարավ-արևմուտքում, նավահանգիստ Օդրա գետի ափին, Վրոցլավի վոյեվոդության վարչական կենտրոնը։ 622 հազար բնակչությամբ (1981 թվական)։ Տրանսպորտային հանգույց է։ Առաջատար ճյուղերն են մեքենաշինությունը, մետալուրգիան, քիմիական, թեթև, սննդի և պոլիգրաֆ արդյունաբերությունը։ Կա ՋԷԿ, գազի գործարան։ Ունի մի քանի ԲՈւՀ (այդ թվում՝ համալսարան)։ Պատմական աղբյուրներում առաջին անգամ (Բրեսլավլ անունով) հիշատակվում է 980 թվականին։ 1000 թվականից եղել է եպիսկոպոսության կենտրոն։ 1335 թվականից մտել է Չեխական թագավորության կազմի մեջ և Սիլեզիայի գլխավոր քաղաքն էր։ Երկրորդ համաշխարհային պատերազմի (1939—1945 թվականներ) ժամանակ օկուպացրել են գերմանացիները։ Կա քաղաքա-պետարան (XIII—XVI դարեր․), կաթոլիկ եկեղեցի (XIII —XVIII դարեր), վերամիավորման ցուցահանդես համալիր։

Բնակավայր
լեհ.՝ Wrocław
Դրոշ Զինանշան

ԵրկիրԼեհաստան Լեհաստան
Հիմնադրված է1214 թ.
Մակերես293±1 կմ²
ԲԾՄ155±1 մետր
Բնակչություն▲672 929 մարդ (մարտի 31, 2021)[1]
Ժամային գոտիUTC+1, Կենտրոնական եվրոպական ժամանակ և UTC+2
Հեռախոսային կոդ71
Փոստային դասիչ50-041 և 50-325
Ավտոմոբիլային կոդDW
Պաշտոնական կայքwroclaw.pl​(լեհ.)​(անգլ.)​(գերմ.)​(իտալ.)
Վրոցլավ (Լեհաստան)##
Վրոցլավ (Լեհաստան)

Վրոցլավը համալսարանական քաղաք է, որի բնակիչներից ավելի քան 130 հազարը ուսանողներ են և Վրոցլավը դարձնում են Լեհաստանի ամենաերիտասարդ քաղաքներից մեկը[2]; Քսաներորդ դարասկզբից ի վեր Վրոցլավի համալսարանը տվել է հեղինակավոր Նոբելյան մրցանակի ինը դափնեկիր[3] և ուսման բարձր որակ ապահովող բուհի համբավ է վայելում [4]։

Globalization and World Cities Research Network (GaWC) կազմակերպության կողմից Վրոցլավը դասվել է գամմա գլոբալ քաղաքների շարքին[5], Մերսեր (Mercer) խորհրդատվական ֆիրմայի կողմից ընդգրկվել է կյանքի ամենաբարձր որակ ունեցող 100 քաղաքների ցանկում[6], իսկ IESE Cities in Motion Index-ի 2019 թվականի զեկույցում էլ տեղ է զբաղեցրել 100 ամենախելացի քաղաքների ցանկում[7]։

Վրոցլավը համբավվել է նաև որպես պատմության և մշակույթի հուշարձաններով հարուստ քաղաք, որոնցից հիշատակման են արժանի հատկապես շուկայի հրապարակը, Տաճարի կղզին, Հարյուրամյակի սրահը (ի դեպ, վերջինս ներառվել է ՅՈՒՆԵՍԿՕ-ի Համաշխարհային ժառանգության հուշարձանների ցանկում)։

Տնտեսություն խմբագրել

Վրոցլավը հզոր աշխատաշուկա ունեցող քաղաք է։ Աշխատանքային առաջարկներն առանձնանում են բարձր աշխատավարձով (2023թ. ամսական միջինը 8026,73 PLN համախառն) և գործազրկության ցածր մակարդակով (ամենացածրը Վարշավայից և Կրակովից հետո)։ Ըստ վիճակագրական տվյալների՝ քաղաքի մոտավորապես 674000 բնակչից գործազուրկ է գրանցվել ընդամենը 6200 մարդ, ինչը գործազրկության մակարդակը տալիս է 1,5%[8]։

Քաղաքի դիրքը և լավ զարգացած կրթական շուկան նպաստում են տնտեսական զարգացմանը։ Այստեղ առավել դինամիկ զարգանում են հետևյալ ոլորտները՝ արդյունաբերություն, դեղագործություն, արտադրություն, հետազոտություն և սպասարկում։ Ընկերությունների դինամիկ զարգացում կա նաև էլեկտրոնային առևտրի, ՏՏ և ավտոմոբիլային ոլորտներում։ Քաղաքում գործում են բազմաթիվ միջազգային կորպորացիաներ, ինչպիսիք են[9].

  • Nokia
  • IBM
  • Վոլվո
  • HP
  • Իմպել
  • AmRest

Քաղաքի տեսարաններ խմբագրել

 

Ծանոթագրություններ խմբագրել

  1. ↑ https://bdl.stat.gov.pl/api/v1/data/localities/by-unit/030210564011-0986283?var-id=1639616&format=jsonapi
  2. ↑ Administrator։ «Wrocław – Dark Tourism – the guide to dark & weird places around the world»։ Dark-tourism.com։ Արխիվացված է օրիգինալից ապրիլի 18, 2017-ին։ Վերցված է մայիսի 19, 2017 
  3. ↑ «University of Wrocław – University of Wrocław»։ International.uni.wroc.pl։ Վերցված է ապրիլի 17, 2017 
  4. ↑ «Russian Universities Lead 2016 Rankings for EECA Region»։ Topuniversities.com։ հունիսի 10, 2016։ Վերցված է ապրիլի 17, 2017 
  5. ↑ «GaWC – The World According to GaWC 2012»։ Lboro.ac.uk։ Վերցված է մայիսի 19, 2017 
  6. ↑ «2015 Quality of Living survey»։ Uk.mercer.com։ Արխիվացված է օրիգինալից 2015-12-09-ին։ Վերցված է ապրիլի 17, 2017 
  7. ↑ IESE Cities in Motion Index 2019
  8. ↑ «Urząd Statystyczny we Wrocławiu»։ wroclaw.stat.gov.pl։ Վերցված է 2023-08-18 
  9. ↑ Najwięksi pracodawcy we Wrocławiu - GoWork Serwis Pracy
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 532)։  
Ստացված է «https://hy.wikipedia.org/w/index.php?title=Վրոցլավ&oldid=8785547» էջից