Բորիս Իսաչենկո
Բորիս Լավրենտևիչ Իսաչենկո (ռուս.՝ Исаченко, Борис Лаврентьевич, հունիսի 2 (14), 1871, Սանկտ Պետերբուրգ, Ռուսական կայսրություն[1][2] - նոյեմբերի 17, 1948[1], Մոսկվա, ԽՍՀՄ[1][2]), խորհրդային մանրէաբան և բուսաբան, ԽՍՀՄ ԳԱ ակադեմիկոս (1946, թղթակից անդամ՝ 1929 թվականից), Ուկրաինայի ԳԱ ակադեմիկոս (1945, թղթակից անդամ՝ 1929 թվականից), կենսաբանական գիտությունների դոկտոր (1934), ՌԽՖՍՀ գիտության վաստակավոր գործիչ։
Բորիս Իսաչենկո | |
|---|---|
 | |
| Ծնվել է | հունիսի 2 (14), 1871 Սանկտ Պետերբուրգ, Ռուսական կայսրություն[1][2] |
| Մահացել է | նոյեմբերի 17, 1948[1] (77 տարեկան) Մոսկվա, ԽՍՀՄ[1][2] |
| Գերեզման | Վվեդենսկոե գերեզմանատուն |
| Քաղաքացիություն |  Ռուսական կայսրություն և .svg){kind=small} ԽՍՀՄ |
| Մասնագիտություն | բուսաբան, կենսաբան, մանրէաբան և hydrobiologist |
| Հաստատություն(ներ) | ՌԴ ԳԱ Ս․ Վինոգրադսկու անվան միկրոկենսաբանության ինստիտուտ |
| Գործունեության ոլորտ | մանրէաբանություն[2], բուսաբանություն[2] և Ջրակենսաբանություն[2] |
| Անդամակցություն | Ուկրաինայի գիտությունների ազգային ակադեմիա և ԽՍՀՄ գիտությունների ակադեմիա |
| Ալմա մատեր | Սանկտ Պետերբուրգի համալսարանի ֆիզիկամաթեմատիկական ֆակուլտետ |
| Գիտական աստիճան | կենսաբանական գիտությունների դոկտոր |
| Տիրապետում է լեզուներին | ռուսերեն |
| Պարգևներ |    և  |
| Հեղինակի անվան հապավումը (բուսաբանություն) | Issatsch. |
Աշխատանքները վերաբերում են ծովերի (հիմնականում բևեռային) մանրէաբանությանը, ինչպես նաև սերմնաբանության, բուսաբանության, ընդհանուր գյուղատնտեսոական և տեխնիկական մանրէաբանության հարցերին։
Կենսագրություն խմբագրել
Բորիս Իսաչենկոն ավարտել է Պետերբուրգի համալսարանի ֆիզիկամաթեմատիկական ֆակուլտետի բնագիտության բաժինը (1895)։ 1900-1929 թվականներին եղել է դոցենտ, պրոֆեսոր, 1918 թվականին համալսարանում իր կողմից կազմավորած միկրոկենսաբանության ամբիոնի վարիչ։ 1929-1937 թվականներին՝ Լենինգրադի Փորձարարական բժշկության համախորհրդային ինստիտուտի բաժնի վարիչ։
1902-1917 թվականներին եղել է Սանկտ Պետերբուրգի բուսաբանական այգու սերմերի հետազոտությունների բաժնի վարիչը, իսկ 1917-1930 թվականներին՝ տնօրենը։ Գիտական սերմնաբանության և սերմերի վերահսկմանը նվիրված աշխարհում առաջին ամսագրի նախաձեռնողն ու խմբագիրն էր․ բազմիցս ներկայացրել է ԽՍՀՄ-ն սերմերի հետազոտմանը նվիրված միջազգային վեհաժողովներին։
1904 թվականին մասնակցել է Ստեբուտովի կանանց գյուղատնտեսական դասընթացներին, գլխավորել է բուսաբանության ամբիոնը, դասախոսություններ կարդացել բույսերի ֆիզիոլոգիայի և դասակարգման, կազմախոսության և միկրոկենսաբանության վերաբերյալ։ Տվյալ ուսումնական հաստատությունում աշխատել է ավելի քան 30 տարի։ 1920-1922 թվականներին եղել է Ի․ Ստեբուտի անվան գյուղատնտեսական ինստիտուտի ռեկտորը (հետագայում՝ Գյուղատնտեսական ակադեմիա)։
1937 թվականից աշխատել է ԽՍՀՄ ԳԱ միկրոկենսաբանության ինստիտուտում (1939 թվականից՝ տնօրեն)։
Երկար ժամանակ եղել է «Միկրոկենսաբանություն» ամսագրի գլխավոր խմբագիրը։
Թաղված է Մոսկվայի Վվեդենսկի գերեզմանոցում։
Պարգևներ խմբագրել
Պարգևատրվել է Լենինի շքանշանով, Կարմիր դրոշի աշխատանքային շքանշանով և մեդալներով։
Գրականություն խմբագրել
- Борис Лаврентьевич Исаченко: К 50-летию научной деятельности // Вестник Академии наук СССР, 1945, № 10—11.
- Крис А. Е. Б. Л. Исаченко — основоположник морской микробиологии // Природа, 1949, № 11 (имеется библиография трудов Исаченко).
- Исаченко Б. Л. Воспоминания о преподавании микробиологии в Петербургском—Ленинградском университете (1900—1929) // Исаченко Б. Л. Избранные труды: В 2-х томах. — М.; Л., 1951. — Т. 2. — С. 296-304.
Ծանոթագրություններ խմբագրել
Արտաքին հղումներ խմբագրել
- История в лицах. Б. Л. Исаченко // Сайт Санкт-Петербургского государственного аграрного университета
- Исаченко Борис Лаврентьевич, (1871—1948), микробиолог, ботаник, академик АН СССР (1946) на сайте Архива РАН
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 393)։ 
|