Բնանկար ձյունով (նկար, Վան Գոգ)

Բնանկար ձյունով;
տեսակ	գեղանկար
նկարիչ	Վինսենթ վան Գոգ
տարի	փետրվար 1888
բարձրություն	38 սանտիմետր
լայնություն	46 սանտիմետր
ստեղծման վայր	Առլ
ժանր	բնանկար
նյութ	յուղաներկ և կտավ
գտնվում է	Սոլոմոն Գուգենհայմի թանգարան
հավաքածու	Սոլոմոն Գուգենհայմի թանգարան
	պատկերված են
	կայք
	Ծանոթագրություններ;
	Landscape with Snow by Vincent van Gogh Վիքիպահեստում

Բնանկար ձյունով, Վինսենթ վան Գոգի նկարը` նկարված 1888 թվականին։ Համարվում է, որ այն նկարչի` Առլում արված առաջին նկարներից է։ Սա ջրաներկով ու յուղաներկով արված ձմռան առնվազն 10 բնանկարներից մեկն է, որ Վան Գոգը պատկերել է 1882-1889 թվականներին։ Նկարում պատկերված են Լա Կրուի հարթավայրերը` հորիզոնում երևացող բլուրներով։

Առլ խմբագրել

«Բնանկար ձյունով» կտավը նկարելիս Վան Գոգը 35 տարեկան էր։ Ապրելով Ֆրանսիայի հարավում, Առլում, նա իր կարիերի գագաթնակետին էր և ստեղծում էր իր լավագույն նկարներից մի քանիսը^[2]` պատկերելով Առլի և Ավիգնոնի դաշտերը, գյուղական տներն ու մարդկանց^[3]։ Այստեղ միջավայրը միանգամայն տարբեր էր Նիդերլանդներում և Փարիզում նրա տեսած միջավայրից։ Այստեղ մարդիկ մուգ մազեր ու մաշկ ունեին և խոսում էին մի լեզվով, որն ավելի շուտ իսպաներեն էր, քան` ֆրանսերեն։ Գույներն այստեղ վառ էին։ Տեղանքը փոխվում էր հարթավայրերից սարերի։ Այստեղ Վան Գոգը գտնում է «փայլ ու լույս, որը կմաքրեր դետալներն ու կպարզեցներ ձևերը` նվազեցնելով իրեն շրջապատող աշխարհը` դարձնելով մի տեսակ զարդանախշ, որով նա հիանում էր ճապոնական Ուկիյո-էում և որտեղ արևի ազդեցությունը կուժեղացներ կոմպոզիցիայի եզրագծերն ու կպակասեցներ ակնհայտ հակադրությունների գույները»^[4]։

Նկարը խմբագրել

Երբ Վան Գոգը 1888 թվականի փետրվարին ժամանում է Առլ, գետինը ծածկված էր ձյունով^[5]` ռեկորդային ցուրտ եղանակի պատճառով։ Նկարը նկարելու ժամանակ ձյունն սկսում է հալվել^[6]։ Համարվում է, որ սա Առլում արված նրա առաջին նկարներից է։ Իր եղբորը` Թեոյին` ուղղված փետրվարի 24-ի նամակում Վան Գոգն ասում է, որ արդեն ավարտել է երեք նկար, որոնցից մեկը «ձյունով բնապատկեր է»^[5]։ Նկարում Կրուի հարթավայրն է և Մոնմաժուրը հետևի ֆոնում։ Հորիզոնական վրձնահարվածներն ընդգծում են հարթավայրը, որը լցնում է նկարի մեծ մասը։ Վան Գոգն օգտագործել է գույները` պատկերելու բնանկարի առանձին մասերը։ Սպիտակն ու մանուշակագույնն օգտագործված են ձյունը պատկերելու համար։ Դարչնագույն, կանաչ և կապույտ գույները պատկերում են ջրափոսերը և հալվող ձյան առաջացրած հետքերը։ Ճանապարհի եզրին պատկերված խոտերի փունջը դեղին է։ Բնապատկերի վրա երևում են նաև կարմիր կտուրներ, դարչնագույն շուն և դարչնագույն բաճկոնով ու սև գլխարկով մարդ, որ քայլում են դաշտում^[5]։ Վան Գոգը, որ Ճապոնական արվեստի փայտափորագրման ակնհայտ սիրահար էր, կարող է ազդեցություն կրած լինել արվեստի այս ուղղությունից։ Մի քանի օր անց, տեղացած հերթական ուժեղ ձյունից հետո նա նկարել է մեկ այլ` պակաս մանրամասներով «Բնակնար ձյունով` Առլի ֆոնին» նկարը^[6]։

Տարածված արվեստում խմբագրել

ԱՄՆ-ի նախագահ դառնալուց հետո Դոնալդ Թրամփն ու նրա տիկին Մելանյա Թրամփը խնդրել են Սողոմոն Գուգենհայմի թանգարանին` թույլ տալ վերցնել «Ձյունով բնանկարը»` Սպիտակ տան գլխավոր նստավայրը զարդարելու համար։ Թանգարանի գլխավոր կուրատոր Նենսի Սպեքթորը մերժել է` դրա փոխարեն նրանց առաջարկելով իտալացի ժամանակակից նկարիչ Մաուրիցիո Կատելանի աշխատանքներից^[7]։

Ծանոթագրություններ խմբագրել

↑ http://www.guggenheim.org/new-york/collections/collection-online/artwork/1486
↑ Morton, M; Schmunk, P (2000). The Arts Entwined: Music and Painting in the Nineteenth Century. New York: Garland Publishing. էջեր 177–178. ISBN 0-8153-3156-8.
↑ Arfin, F (2009). Adventure Guide to Provence & the Cote D'azur. Edison, NJ: Hunter Publishing. էջ 37.
↑ «Effects of the Sun in Provence» (PDF). National Gallery of Art Picturing France (1830-1900). Washington, D.C.: National Gallery of Art: 121–123, 131. Արխիվացված է օրիգինալից (PDF) 2011 թ․ մայիսի 12-ին.
↑ ^5,0 ^5,1 ^5,2 Hansen, Nichols, Sund, Knudsen, Bremen (2003). Van Gogh: Fields. Hatje Cantz Publishers for Toledo Museum of Art Exhibition. էջեր 52–53. ISBN 3-7757-1131-7.{{cite book}}: CS1 սպաս․ բազմաթիվ անուններ: authors list (link)
↑ ^6,0 ^6,1 Blessing, J (2011). «Landscape with Snow (Paysage enneigé)». Collection Online, by Artist. The Solomon R. Guggenheim Foundation. Վերցված է 2011 թ․ մայիսի 8-ին.
↑ Schwartzman, Paul (2018 թ․ հունվարի 25). «The Trumps asked to borrow a Van Gogh for the White House. The Guggenheim offered an 18K gold toilet instead». The Washington Post. Վերցված է 2018 թ․ հունվարի 25-ին.

[_7054272ee31f4dab-1] ttp://www.guggenheim.org/new-york/collections/collection-online/artwork/1486

[Morton-2] Morton, M; Schmunk, P (2000). The Arts Entwined: Music and Painting in the Nineteenth Century. New York: Garland Publishing. էջեր 177–178. ISBN 0-8153-3156-8.

[3] Arfin, F (2009). Adventure Guide to Provence & the Cote D'azur. Edison, NJ: Hunter Publishing. էջ 37.

[NGA_sun-4] «Effects of the Sun in Provence» (PDF). National Gallery of Art Picturing France (1830-1900). Washington, D.C.: National Gallery of Art: 121–123, 131. Արխիվացված է օրիգինալից (PDF) 2011 թ․ մայիսի 12-ին.

[Fields-5] 5,0 ^5,1 ^5,2 Hansen, Nichols, Sund, Knudsen, Bremen (2003). Van Gogh: Fields. Hatje Cantz Publishers for Toledo Museum of Art Exhibition. էջեր 52–53. ISBN 3-7757-1131-7.{{cite book}}: CS1 սպաս․ բազմաթիվ անուններ: authors list (link)

[SGF-6] 6,0 ^6,1 Blessing, J (2011). «Landscape with Snow (Paysage enneigé)». Collection Online, by Artist. The Solomon R. Guggenheim Foundation. Վերցված է 2011 թ․ մայիսի 8-ին.

[Schwartzman-7] Schwartzman, Paul (2018 թ․ հունվարի 25). «The Trumps asked to borrow a Van Gogh for the White House. The Guggenheim offered an 18K gold toilet instead». The Washington Post. Վերցված է 2018 թ․ հունվարի 25-ին.

[1]

[2]

[3]

[4]

[5]

[6]

[7]