Առլ

Առլ(լատ.՝ Arles), քաղաք Ֆրանսիայի հարավում, Պրովանսում, Բուշ-դյու-Ռոն դեպարտամենտում։ Նավահանգիստ Ռոն գետի ստորին հոսանքում։ 48 հազար բնակչություն (1968)։ Երկաթուղային հանգույց է, մետալուրգիայի, մեքենաշինության և քիմիական արդյունաբերության կենտրոն։ Հիմնադրել են հույները (լատ.՝ Theline)։ Մ.թ.ա. 2-րդ դարի վերջին նվաճել են հռոմեացիները։ Կեսարի օրոք եղել է հռոմեական գաղութ (մ.թ.ա. առաջին դար). և մ.թ. սկզբին հասել բարձր զարգացման։ 4-րդ դարի հռոմեական կայսր Կոստանդին Մեծի աթոռանիստն էր, միջին դարերում՝ Առելաթ թագավորության կենտրոնը։

Բնակավայր
Առլ
ֆր.՝ Arles
Զինանշան
Երկիր	Ֆրանսիա
Մակերես	758,93 կմ²
ԲԾՄ	0 մետր, 57 մետր
Բնակչություն	52 886 մարդ (2015)
Ժամային գոտի	UTC+1 և UTC+2
Փոստային ինդեքսներ	13200
Պաշտոնական կայք	ville-arles.fr
Առլ Վիքիպահեստում

Առլում պահպանվել են հին հռոմեական հուշարձաններ (Օգոստոսի ժամանակվա թատրոնը, ավելի ուշ շրջանի ամֆիթատրոնը, 1651-ին պեղված Առլյան Վեներայի արձանը, այժմ՝ Լուվրում և այլն), միջնադարյան Սեն-Տրոֆիմ եռանավ բազիլիկը (8–15-րդ դարեր), որ հայտնի է ռոմանական քանդակազարդ շքամուտքով (մոտ 1180—1200)։ Գործում են՝ Հեթանոսական և Քրիստոնեական (երկուսն էլ՝ հնագիտական), Առլատան ազգագրական, Ռեատտյու գեղարվեստական թանգարանները։ Ա. տուրիզմի կենտրոն է։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։