Բժիդ

Բժիդ (Բժիդ Հայկական, ռուսերեն՝ Бжид), գյուղ Ռուսաստանի Դաշնության Կրասնոդարի երկրամասի Տուապսեի շրջանում։ Գտնվում է Տուապսեից 76 կմ հյուսիս-արևմուտք, ծովի մակարդակից 55 մ բարձրության վրա։ Ներկայումս մտնում է Ջուբգայի քաղաքային բնակավայրի կազմի մեջ։

Գյուղ
Բժիդ
ռուս.՝ Бжид
Երկիր	Ռուսաստան
Դաշնային սուբյեկտ	Կրասնոդարի երկրամասԿրասնոդարի երկրամաս
Շրջան	Տուապսեի շրջան
Հիմնադրված է	1860 թ.
ԲԾՄ	55 մ
Պաշտոնական լեզու	ռուսերեն
Բնակչություն	571 մարդ (2010)
Ազգային կազմ	ռուսներ, հայեր
Ժամային գոտի	UTC+3
Հեռախոսային կոդ	+786167
Փոստային դասիչ	352844
ՍՎՏԲՀԴ	03255554002
Բժիդ (Ռուսաստան) Բժիդ (Կրասնոդարի երկրամաս)

Բնակչությունը

Խորհրդային տարիներին Բժիդը միավորված էր Ջուբգայի այգեբանջարաբուծական տնտեսության հետ։ Գյուղում կար տարրական դպրոց, ակումբ, գրադարան, մանկապարտեզ և բուժկայան, ինչպես նաև զբոսաշրջիկների հանգրվան և երկու հանգստյան տուն։

1905 թվականին գյուղն ուներ 14 տուն, իսկ 1920 թվականին՝ 212 տուն և 162 բնակիչ։ 1987 թվականին գյուղում ապրում էր 526 մարդ, իսկ 1999 թվականին՝ 711 մարդ։ 2010 թվականի տվյալներով, գյուղն ուներ 571 բնակիչ։

Պատմությունը

Բժիդը հիմնադրվել է 1860 թվականին։ Հայերը եկել են Սամսունի շրջակայքից։ 1930 թվականի սեպտեմբերի 13-ի Ջուբգայի գյուղխորհրդի արձանագրության մեջ, գյուղը հիշատակվում է Բժիդ Հայկական (Бжид Армянский) անունով։

Արտաքին հղումներ

• Բնակչության` 2010 թվականի համառուսական հաշվառումներ Արխիվացված 2014-05-17 Wayback Machine
• Տուապսեի շրջանի գյուղերի կազմավորման պատմություն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 430)։