Բայե Ջիմբի Ֆալ

Բայե Ջիմբի Ֆալ; ֆր.՝ Baye Djiby Fall
Անձնական տվյալներ
Քաղաքացիությունը	Սենեգալ
Ծննդյան ամսաթիվ	ապրիլի 20, 1985[…] (39 տարեկան)
Ծննդավայր	Թիես, Սենեգալ
Հասակ	187 սմ
Քաշ	81 կգ
Դիրք	հարձակվող
Ակումբային տեղեկություններ
Ներկա ակումբ	Իրտիշ (Պավլոդար)
Համար	9
Պատանեկան կարիերա
	Սնեպս դե Տես
	Օսեր
Մասնագիտական կարիերա*
Ազգային հավաքական
	* Մասնագիտական կարիերայում ընդգրկված են միայն առաջնության խաղերը և գոլերը:

Բայե Ջիմբի Ֆալ (ֆր.՝ Baye Djiby Fall, ապրիլի 20, 1985(1985-04-20)^[1]^[2]^[3]^[…], Թիես, Սենեգալ), սենեգալցի ֆուտբոլիստ, Պավլոդարի «Իրտիշ» ակումբի հարձակվող։

Կարիերա

Բայե Ջիբի Ֆալը ծնվել է Թիես քաղաքում, որ տեղակայված է Սենեգալի մայրաքաղաք Դակարից 110 կմ հեռավորության վրա։ 9 տարեկանում կորցրել է հորը։ Ջիբին ունի 4 եղբայր և քույր. նա ընտանիքի ամենափոքր երեխան։ Ֆուտբոլ խաղալ սկսել է շատ վաղ տարիքում՝ հետևելով իր եղբայրների օրինակին։ Երբ Ֆալը 12 տարեկան էր, մայրը նրան տարել է «Սնեպս դե տես» ֆուտբոլային դպրոց, որտեղ նա խաղացել է 6 տարի։ 2003 թվականի մայիսին տեղափոխվել է ֆրանսիական «Օսերի» ֆուտբոլային ակումբ, որտեղ խաղացել է 2 տարի։ «Օսերի» պատանեկան կազմում նա խաղացել է այնպիսի ֆուտբոլիստների հետ, ինչպիսին եք Յունես Կաբուլը և Աբու Դիաբին։ Այդ 2 տարիների ընթացքում նա խփել է 26 գոլ։ Դրանից հետո նա խաղացել է ֆրանսիական չորրորդ դիվիզիոնի «Բուր-ան-Բրես-Պերոննա» և «Վիտրե» սիրողական ակումբներում։

2006 թվականին պրոֆեսինալ պայմանագիր է կնքել դանիական «Ռաններս» ակումբի հետ, որը հանդես է գալիս Դանիայի բարձրագույն դիվիոզոնում։ 2006 թվականի հուլիսի 27-ին Ջիբին կատարել է իր դեբյուտը եվրագավաթներում՝ խաղադաշտ դուրս գալով ՈՒԵՖԱ գավաթի նախընտրական փուլի առաջին խաղում ընդդեմ իսլանդական «Ակրանեսի»։ Ֆալը եվրագավաթներում իր առաջին գոլը խփել է օգոստոսի 10-ին ՈՒԵՖԱ գավաթի խաղարկության նախընտրական փուլի տնային խաղում ընդդեմ «Կաունասի»՝ բացելով խաղի հաշիվը, որն ավարտվել է 3:1 հաշվով հօգուտ դանիացիների։ Եվրագավաթի այդ խաղարկությունում «Ռաններսը» հասավ միջև առաջին շրջան, որտեղ երկու խաղերի ընդհանուր հաշվով (1:5) պարտվեց թուրքական «Ֆեներբահչեին»։ Ջիբին մասնակցել է 6 խաղերից 4-ին և խփել 2 գոլ (երկրորդը խփել է «Ֆեներբահչեի» դարպասը)։ Դանիայում անցկացրած բավականին հաջող մրցաշրջանից հետո, որի ընթացքում Ջիբին անցկացրել է 39 խաղ և խփել 26 գոլ, Ֆալը տեղափեխվել է «Ալ-Այն»։ 2008 թվականին նա վերադարձել է Դանիա՝ պայմանագիր կնքելով «Օդենսե» ակումբի հետ։

2007-08 մրցաշրջանում Ֆալն «Օդենսեի» կազմում 11 խաղի ընթացքում խփել է 7 գոլ. 2008 թվականի ապրիլի 4-ին նա «Լյունգբյուի» հետ խաղում ձևակերպել է հեթ-տրիկ։ 2007/08 մրցաշրջանի արդյունքներով՝ ճանաչվել է Դանիայի առաջնության լավագույն ֆուտբոլիստ։ 2008/09 մրցաշրջանում 2 անգամ (հուլիս/օգոստոս և սեպտեմբեր) ճանաչվել է ամսվա լավագույն ֆուտբոլիստ է ճանաչվել, իսկ հոկտեմբերին եղել է երկրորդը։ 2008 թվականին Ինտերտոտոյի գավաթի խաղարկության ընթացքում անցկացրել է 4 խաղ՝ խփելով 3 գոլ (երեք անգամն էլ գրավել է ֆիննական ՏՊՍ-ի դարպասը)։ 2008 թվականի դեկտեմբերին ֆուտբոլիստով հետաքրքրվել է Ամստերդամի «Այաքս» ֆուտբոլային ակումբը՝ նրան դիտարկելով որպես Մադրիդի «Ռեալ» տեղափոխված Կլասու-Յանու Հյունտելարուին փոխարինող։ Չնայած դրան, 2009 թվականի մարտի 12-ին Ջիբի Ֆալը 3.8 մլն եվրոյի դիմաց տեղափոխվել է Մոսկվայի «Լոկոմոտիվ»։

Ֆալը «Լոկոմոտիվի» հետ ստորագրեց 3 տարվա պայմանագիր։ Մարտի 22-ին նա նշեց իր նորամուտը Ռուսաստանի առաջնությունում՝ 2-րդ փուլում փոխարինման դուրս գալով «Ռոստովի» դեմ արտագնա խաղի 74-րդ րոպեին։ Ֆալն իր նորամուտային խաղի համար արժանացել է 5,5 գնահատականի «ՍԷ» և 6,0 «Советский спорт» պարբերականների կողմից (10 միավորանոց համակարգով)։ Թիմի մեկնարկային կազմում առաջին անգամ դաշտ է դուրս եկել ապրիլի 12-ին՝ Ռուսաստանի առաջնության չորրորդ փուլում մասնակցելով ԲԿՄԱ-ի դեմ արտագնա խաղին։ Թեև խաղում «Լոկոմոտիվը» պարտվել է 1:4 հաշվով, Ֆալն արժանացել է 5,0 միավորի «ԷՍ» և 4,5 միավորի «Советский спорт» պարբերականների կողմից։

2010 թվականին նա վարձավճարով տեղափոխվել է «Մոլդե», որի կազմում խաղացել է մինչև 2010 թվականի օգոստոսը։ Մրցաշրջանի ավարտին նա ճանաչվել է Նորվեգիայի առաջնության լավագույն ռմբարկու՝ 28 խաղերի ընթացքում խփելով 18 գոլ։ Դրանից հետո վարձավճարով տեղափոխվել է «Օդենսե» ֆուտբոլային ակումբ (խաղալով 10 խաղ՝ խփել է 6 գոլ)։

2012/13 մրցաշրջանում նա խաղացել է բելգիական «Լոկերեն» և գերմանական «Գրոյտեր Ֆյուրտ» ակումբներում։

2013 թվականի սեպտեմբերի 2-ին Ֆալը երկու տարով պայմանագիր է կնքել դանիական «Ռաններս» ակումբի հետ։ Պայմանագրի ժամկետը լրանալուց հետո՝ 2015 թվականին, կես մրցաշրջան խաղացել է Թուրքիայի առաջին լիգայի «Կարշիյակա» (Իզմիր) ակումբում։

2016 թվականի մարտի 3-ին Ֆալը պայմանագիր կնքեց ղազախական «Իրտիշ» (Պավլոդար) ակումբի հետ։

Հավաքականում

2009 թվականի մարտի 20-ին՝ «Լոկոմոտիվ» տեղափոխվելուց անմիջապես հետո, Ֆալն առաջին անգամ հրավիրվել է ազգային հավաքական՝ մասնակցելու Օմանի (28 մարտի) և Իրանի (1 ապրիլի) հավաքականների դեմ ընկերական խաղերին։

Ձեռքբերումներ

Թիմային

Բելգիայի գավաթակիր – 2011/12

Անհատական

Դանիայի առաջնության լավագույն ֆուտբոլիստ – 2007/08
Դանիայի առաջնության ամսվա լավագույն ֆուտբոլիստ (2) – հուլիս/օգոստոս (2008/09), սեպտեմբեր (2008/09)
Նորվեգիայի առաջնության լավագույն ռմբարկու^[4] – 2010

Կարիերայի վիճակագրություն

Ակումբային

2016 թվականի սեպտեմբերի 25-ի դրությամբ^[5]^[6]^[7]


Ակումբ	Մրցաշրջան	Լիգա			Ազգային գավաթ		Մայրցամաքային		Այլ		Ընդհանուր
Ակումբ	Մրցաշրջան	Դիվիզիա	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Լոկոմոտիվ	2009	Ռուսաստանի Պրեմիեր լիգա	11	0	1	0	–		–		12	0
	2010		0	0	0	0	0	0	–		0	0
	2011–12		4	0	0	0	0	0	–		4	0
	Ընդհանուր		15	0	1	0	0	0	-	-	16	0
Մոլդե (վարձավճար)	2010	Թիփելիգա	28	16	2	1	4	2	–		34	19
Օդենսե (վարձավճար)	2011–12	Դանիայի սուպերլիգա	10	2	0	0	6	4	–		16	6
Լոկերեն	2011–12	Բելգիայի Պրո լիգա	6	5	2	0	–		–		8	5
	2012–13	Բելգիայի Պրո լիգա	2	0	0	0	–		1	0	3	0
	Ընդհանուր		8	5	2	0	-	-	1	0	11	5
Գրոյտեր	2012–13	Բունդեսլիգա	2	0	0	0	–		–		2	0
	2013–14	2. Բունդեսլիգա	0	0	0	0	–		–		0	0
	Ընդհանուր		2	0	0	0	-	-	-	-	2	0
Ռաններս	2013–14	Դանիայի սուպերլիգա	12	1	0	0	–		–		12	1
	2014–15	Դանիայի սուպերլիգա	25	9	2	0	–		–		27	9
	Ընդհանուր		37	10	2	0	-	-	-	-	39	10
Կարշիյակա	2015-16	Թուրքիայի առաջին լիգա	14	1	2	1	–		–		16	2
Իրտիշ (Պավլոդար)	2016	Ղազախստանի առաջնություն	24	2	3	1	–		–		27	3
Ընդհանուր կարիերայում			138	36	12	3	10	6	1	0	161	45

Անձնական կյանք

Բայե Ջիմբի Ֆալի ավագ եղբայրներից մեկը նույնպես ֆուտբոլիստ է և խաղում է Մարոկկոյում։ Մայրն ապրում է Սենեգալում։ Բայե Ջիմբի Ֆալն, ըստ իր խոսքերի, երազում է խաղալ անգլիական Պրեմիեր լիգայում։ Մանկուց երկրպագել է «Չելսիին», նրա կուռքը եղել է Թիերի Անրին։

Ծանոթագրություններ

↑ ^1,0 ^1,1 Transfermarkt.com(բազմ․) — 2000.
↑ ^2,0 ^2,1 https://www.uslchampionship.com/djiby-fall
↑ ^3,0 ^3,1 FBref.com(բազմ․)
↑ «НРКСпорт» (նորվեգերեն) — Список бомбардиров. Արխիվացված օրիգինալից 2012 թ․ մարտի 30-ին.
↑ «D.Fall». soccerway.com. Soccerway. Վերցված է 2016 թ․ հուլիսի 6-ին.
↑ "Baye Djiby Fall". National Football Teams.
↑ «Baye Djiby Fall». nifs.no (Norwegian). nifs. Վերցված է 2016 թ․ հուլիսի 6-ին.{{cite web}}: CS1 սպաս․ չճանաչված լեզու (link)

Արտաքին հղումներ

Պրոֆիլը transfermarkt.com կայքում(անգլ.)
Ֆուտբոլիստի էջը soccerway.com կայքում (անգլ.)
Ֆուտբոլիստի էջը «Լոկոմոտիվի» պաշտոնական կայքում Արխիվացված 2009-04-15 Wayback Machine (ռուս.)
Ֆուտբոլիստի էջը «Օդենսեի» պաշտոնական կայքում (դան.)
Ֆուտբոլիստի էջը footballdatabase.eu կայքում (անգլ.)
Վիճակագրությունը resol.dr.dk կայքում Արխիվացված 2009-03-16 Wayback Machine (դան.)

Վիքիպահեստն ունի նյութեր, որոնք վերաբերում են «Բայե Ջիմբի Ֆալ» հոդվածին։

[_1d585b911ecbf2e9-1] 1,0 ^1,1 Transfermarkt.com(բազմ․) — 2000.

[_dfc47e8069cc9175-2] 2,0 ^2,1 https://www.uslchampionship.com/djiby-fall

[_b0da8c18f25c1776-3] 3,0 ^3,1 FBref.com(բազմ․)

[4] «НРКСпорт» (նորվեգերեն) — Список бомбардиров. Արխիվացված օրիգինալից 2012 թ․ մարտի 30-ին.

[5] «D.Fall». soccerway.com. Soccerway. Վերցված է 2016 թ․ հուլիսի 6-ին.

[6] "Baye Djiby Fall". National Football Teams.

[7] «Baye Djiby Fall». nifs.no (Norwegian). nifs. Վերցված է 2016 թ․ հուլիսի 6-ին.{{cite web}}: CS1 սպաս․ չճանաչված լեզու (link)

[1]

[2]

[3]

[4]

[5]

[6]

[7]