Թիես

Թիես (ֆր.՝ Thiès), քաղաք Սենեգալի արևմուտքում։

Քաղաք
Թիես
Զինանշան
Երկիր	Սենեգալ
ԲԾՄ	63 մետր
Պաշտոնական կայք	thiesinfo.com
Թիես (Սենեգալ)
Թիես Վիքիպահեստում

Աշխարհագրություն և տնտեսություն

Քաղաքը գտնվում է երկրի մայրաքաղաք Դակար քաղաքից 60 կմ դեպի արևելք, թիվ 2 M ռազմավարական մայրուղու վրա, այն կետում, որտեղ Դակար-Նիգեր երկաթուղային գիծը բաժանվում է Դակար-Բամակո և Դակար-Սենթ-Լուի մասերի։ Համարվում է Թիեսի Սենեգալյան շրջանի վարչական կենտրոն։ Քաղաքի բարձրությունը ծովի մակարդակից 36 մ է։

Քաղաքը հայտնի է գորգագործությամբ։ 1966 թվականին այստեղ բացվել է Սենեգալի խոշորագույն ձեռնարկություններից մեկը։ Այն նաև մսի վերամշակման արդյունաբերության և անասունների առևտրի կենտրոն է։ Թիեսի շրջակայքում աճեցվում է բրինձ, գետնանուշ, կորեկ և տարբեր տեսակի մրգեր։ Մոտակա Պալոյում ֆոսֆատի հանքավայրերը մշակվում են արտահանման համար։

Բնակչություն

2013 թվականի դրությամբ քաղաքի բնակչությունը կազմում էր 286 283 մարդ։

Քաղաքի բնակչության դինամիկան ըստ տարիների.

1988	1997	2001	2002	2013
175 465	228 017	273599	237 849	286 283

Պատմություն

1863 թվականին ֆրանսիացիների կողմից այստեղ կառուցվել է բերդ, որի շուրջ ժամանակի ընթացքում ստեղծվել է քաղաքը։ 1947-1948 թվականներին Թիեսում սենեգալյան երկաթուղային աշխատողների շրջանում անկարգություններ են սկսվել՝ կապված նրանց նկատմամբ իշխանությունների ռասիստական վերաբերմունքի հետ։

Այսօր Թիեսում գտնվում են Բարձրագույն պոլիտեխնիկական դպրոցը, Քաղաքային թանգարանը և Սենեգալի ամենահին կինոթատրոններից մեկը։

Նշանավոր բնիկներ

• Իդրիսա Սեկ - Սենեգալի վարչապետ՝ 2002-2004 թվականներին
• Կադեր Մանգան - սենեգալցի ֆուտբոլիստ
• Կումա Բաբաքար - սենեգալցի ֆուտբոլիստ
• Դամե Նդոյե - սենեգալցի ֆուտբոլիստ

Քույր քաղաքներ

• Ֆրանսիա Կան, Ֆրանսիա (1957)
• Թունիս Սուս, Թունիս (1965)
• Գերմանիա Զոլինգեն, Գերմանիա (1990)

Ծանոթագրություններ

Վիքիպահեստն ունի նյութեր, որոնք վերաբերում են «Թիես» հոդվածին։