Բահրուզ Քյանգյարլիի թանգարան

Բահրուզ Քյանգյարլիի թանգարան[1] (ադրբ.՝ Bəhruz Kəngərli muzeyi), հուշահամալիր թանգարան՝ նվիրված ադրբեջանցի նկարիչ, գծանկարիչ և գեղանկարիչ Բահրուզ Շիրալիբեկ օղլու Քյանգյարլիին[2]։ Թանգարանը գտնվում է Նախիջևանի Ինքնավար Հանրապետության Նախիջևան քաղաքի Աթաթուրքի և Իստիգլալ փողոցների խաչմերուկում[3]։ Բահրուզ Քյանգյարլիի թանգարանի ղեկավարը Սաբինա Ալիջանլին է։

Բահրուզ Քյանգյարլիի թանգարան
Stamps of Azerbaijan, 2012-1017.JPG
Տեսակպատկերասրահ
ԵրկիրFlag of Azerbaijan.svg Ադրբեջան
Հիմնադրված էմայիսի 22, 2001
Ադրբեջանի փոստային նամականիշ Բահրուզ Քյանգյարլիի 120-ամյակի կապակցությամբ

ՊատմությունԽմբագրել

Բահրուզ Քյանգյարլիի թանգարանը ստեղծվել է Նախիջևանի Ինքնավար Հանրապետության Գերագույն Մեջլիսի նախագահի 2001 թվականի մայիսի 22-ի հրամանագրով և Ադրբեջանի Հանրապետության նախարարների կաբինետի 2002 թվականի հուլիսի 13-ի որոշմամբ` ադրբեջանական գեղանկարչության հայտնի գործիչ Բահրուզ Քյանգյարլիի հիշատակը հավերժացնելու նպատակով[4]։ 2002 թվականի հունիսի 18-ին տեղի է ունեցել թանգարանի բացման արարողությունը, որին մասնակցել է նաև Ադրբեջանի նախագահ Հեյդար Ալիևը։

ՑուցադրությունԽմբագրել

Բահրուզ Քյանգյարլիի թանգարանում ցուցադրվում են արվեստի և մշակույթի բազմաթիվ նմուշներ, որոնցից 56-ը նկարչի նկարների բնօրինակն է, ինչպես նաև նկարչի և նրա ընտանիքի լուսանկարներ, նրա կյանքի և ստեղծագործությունների հետ կապված, կենցաղային իրերի և այլ առարկաների 300 նմուշներ։

2012 թվականին Ադրբեջանի Հանրապետության նախագահ Իլհամ Ալիևը հրամանագիր է ստորագրել Բահրուզ Քյանգյարլիի 120-ամյակի տոնակատարության կաղմակերպման վերաբերյալ[5]։ Հրամանագրի համաձայն, թանգարանում անցկացվել են մի շարք միջոցառումներ[6]։ 2012 թվականի դեկտեմբերի 9-ին թանգարանում բացվել է ցուցահանդես՝ նվիրված նկարչի 120-ամյակին[7]։ 2018 թվականի փետրվարի 2-ին թանգարանում կայացել է Բահրուզ Քյանգյարլիի երեք աշխատանքների շնորհանդեսը, որոնք Ադրբեջանի արվեստի ազգային թանգարանի կողմից փոխանցվել էին Նախիջևանի Բահրուզ Քյանգյարլիի թանգարանին[8]։

Թանգարանի շենքԽմբագրել

Թանգարանի շենքը կառուցվել է 1897 թվականին և հանդիսանում է պատմա-ճարտարապետական հուշարձան։ 20-րդ դարում շենքը ծառայում էր որպես աղջիկների դպրոց[9], սկզբում՝ որպես մանկավարժական, այնուհետ՝ բժշկական տեխնիկում։ 2012-2013 թվականներին շենքը վերակառուցվել է, իսկ 2013 թվականի հունիսի 24-ին կայացել է շենքի բացումը։ Երկհարկանի շենքի ընդհանուր մակերեսը կազմում է 560 քառակուսի մետր, առաջին հարկում կա 7 սենյակ, իսկ երկրորդում` 5։

Շինությունը կառուցված էր հում աղյուսից, երեսապատված է բոված աղյուսով, պատերի հաստությունը 90 սմ է։ Շենքի երկրորդ հարկի արևմտյան կողմում կա պատշգամբ, իսկ շենքի մուտքը գտնվում է հյուսիսային կողմում։

ԾանոթագրություններԽմբագրել

  1. GoMap։ «Museums and museum-houses - Cultural and historical objects - Point of interest - Social»։ 85.132.44.164։ Վերցված է 2018-10-02 
  2. PETER M. TASE Ancient Monuments and Treasures of Nakhchivan. — Lulu.com. — 210 с. — ISBN 9781365015793
  3. «Nakhchivan Autonomous Republic»։ nakhchivan.preslib.az։ Վերցված է 2018-10-02 
  4. Здание Музея Бехруза Кенгерли сдано в эксплуатацию serqqapisi.az, 25.06.2013
  5. В Нахчыване открылась выставка, посвященная 120-летию художника Бахруза Кенгерли
  6. Serqqapisi։ «Bəhruz Kəngərli Muzeyinin binası istifadəyə verilmişdir - serqqapisi.az» (ադրբեջաներեն)։ serqqapisi.az։ Վերցված է 2018-10-02 
  7. «В Нахчыване открылась выставка, посвященная 120-летию художника Бахруза Кенгерли - ФОТО»։ Day.Az (ռուսերեն)։ 2012-12-09։ Վերցված է 2018-10-02 
  8. «hree original paintings belonging to Bahruz Kangarli's creativity were presented to the museum»։ Nakhchivan ToDay։ Արխիվացված է օրիգինալից 2018-10-02-ին։ Վերցված է 2018-10-02 
  9. National Academy of Sciences of Azerbaijan. Nakhchivan Branch The Encyclopaedia of Nakhchivan Monuments / Vasif Talibov. — Nakhchivan, 2008. — С. 40—41. — 521 с.

ԳրականությունԽմբագրել

  1. National Academy of Sciences of Azerbaijan. Nakhchivan Branch The Encyclopaedia of Nakhchivan Monuments. — Nakhchivan, 2008. — 521 с.

Արտաքին հղումներԽմբագրել