Արևիկ Պետրոսյան

Վիքիպեդիայում կան հոդվածներ Պետրոսյան ազգանունով այլ մարդկանց մասին։

Անվան այլ կիրառումների համար տե՛ս՝ Արևիկ Պետրոսյան (այլ կիրառումներ)

Արևիկ Համլետի Պետրոսյան (դեկտեմբերի 9, 1972(1972-12-09), Լենինական, Հայկական ԽՍՀ, ԽՍՀՄ), հայ իրավաբան, ՀՀ պետական գործիչ, ՀՀ Սահմանադրական դատարանի անդամ։

Արևիկ Պետրոսյան
Ծնվել է	դեկտեմբերի 9, 1972(1972-12-09) (52 տարեկան)
Ծննդավայր	Լենինական, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	ԵՊՀ իրավաբանական ֆակուլտետ
Մասնագիտություն	քաղաքական գործիչ և փաստաբան
Աշխատատու	Երևանի պետական համալսարան
Զբաղեցրած պաշտոններ	Հայաստանի Ազգային ժողովի պատգամավոր
Կուսակցություն	Բարգավաճ Հայաստան

Կրթություն

• 1989-1994 թթ. - սովորել և գերազանցությամբ ավարտել է Երևանի պետական համալսարանի իրավաբանական ֆակուլտետը՝ իրավաբանի որակավորմամբ։
• 1994-1997 թթ. - սովորել և ավարտել է Երևանի պետական համալսարանի ասպիրանտուրան։

Գիտամանկավարժական գործունեությունը

• 1997 թ. պաշտպանել է թեկնածուական ատենախոսությունը՝ «Իրավական պետություն. ընդհանուր բնութագիրը, կազմակերպման սկզբունքները և գործունեության ուղղությունները» թեմայով։ Իրավաբանական գիտությունների թեկնածու, դոցենտ։
• Երեք գիտական աշխատությունների և տասնյակ գիտական հոդվածների հեղինակ։
• 1994 թվականից զբաղվում է գիտամանկավարժական գործունեությամբ։

Աշխատանքային գործունեությունը

• 1994-1996 թթ. - Հայաստանի Հանրապետության Նախագահի աշխատակազմի իրավաբանական բաժնի առաջին կարգի մասնագետ։
• 1996-1997 թթ. - ՀՀ Նախագահի աշխատակազմի իրավաբանական բաժնի առաջատար մասնագետ։
• 1997-1998 թթ. - ՀՀ Նախագահի աշխատակազմի իրավաբանական բաժնի գլխավոր մասնագետ։
• 1998-1999 թթ. - ՀՀ Նախագահի աշխատակազմի արձանագրային և թարգմանչական բաժնի վարիչի պաշտոնակատար, ՀՀ Նախագահի աշխատակազմի քարտուղարության արձանագրային բաժնի վարիչ, քարտուղարի տեղակալ։
• 1999 թթ. ՀՀ վարչապետի որոշմամբ նշանակվել է ՀՀ արդարադատության նախարարի տեղակալ՝ պաշտոնավարելով մինչև 2002 թ. հունվարի 14-ը։
• 2002 թ. հունվարի 15-ին ՀՀ Նախագահի հրամանագրով նշանակվել է Հայաստանի Հանրապետության քաղաքացիական ծառայության խորհրդի նախագահի տեղակալ՝ 5 տարի պաշտոնավարման ժամկետով։
• 2007 թ. հունվարի 15-ին ՀՀ Նախագահի հրամանագրով վերանշանակվել է ՀՀ քաղաքացիական ծառայության խորհրդի նախագահի տեղակալ՝ 6 տարի պաշտոնավարման ժամկետով։ Լիզորությունները դադարեցվել են 2007 թ. հունիսի 7-ին՝ ՀՀ Ազգային ժողովի պատգամավոր ընտրվելու կապակցությամբ։
• 2010 թ. դեկտեմբերի 8-ին ՀՀ Նախագահի հրամանագրով նշանակվել է ՀՀ սահմանադրական դատարանի անդամ։

Քաղաքական գործունեությունը

• 2007 թ. մայիսի 6-ին ընտրվել է ՀՀ Ազգային ժողովի 4-րդ գումարման պատգամավոր՝ «Բարգավաճ Հայաստան» կուսակցության համամասնական ընտրացուցակով։ ԲՀԿ խմբակցության անդամ։ ԲՀԿ անդամ։
• 2007 թ. հունիսի 7-ին ընտրվել է ՀՀ Ազգային ժողովի մարդու իրավունքների պաշտպանության և հանրային հարցերի մշտական հանձնաժողովի նախագահ։
• 2007 թ. նոյեմբերի 12-ին ընտրվել է ՀՀ Ազգային ժողովի նախագահի տեղակալ՝ պաշտոնավարելով մինչև 2010 թ. հոկտեմբեր։
• 2010 թ. հոկտեմբեր-դեկտեմբեր ամիսներին հանդիսացել է ՀՀ Ազգային ժողովի առողջապահության, մայրության և մանկության հարցերի մշտական հանձնաժողովի անդամ։
• 2012 թ․-ից այլևս ԲՀԿ անդամ չէ։

Պարգևներ և կոչումներ

• արդարադատության երրորդ դասի պետական խորհրդական։

Ունի մեկ դուստր։

Նախորդող պաշտոնը հիմնադրվել է

ՀՀ Քաղաքացիական ծառայության խորհրդի նախագահի տեղակալ Արևիկ Պետրոսյան 15 հունվարի 2002 - 7 հունիսի 2007

Հաջորդող Սամվել Վասիլյան

Նախորդող պաշտոնը հիմնադրվել է

ՀՀ Ազգային ժողովի Մարդու իրավունքների պաշտպանության և հանրային հարցերի մշտական հանձնաժողովի նախագահ Արևիկ Պետրոսյան 7 հունիսի 2007 - 12 նոյեմբերի 2007

Հաջորդող Մխիթար Մնացականյան

Նախորդող Իշխան Զաքարյան

ՀՀ Ազգային ժողովի նախագահի տեղակալ Արևիկ Պետրոսյան 12 նոյեմբերի 2007 - հոկտեմբերի 2010

Հաջորդող Սամվել Բալասանյան

Նախորդող Հենրիկ Դանիելյան

ՀՀ Սահմանադրական դատարանի անդամ Արևիկ Պետրոսյան 8 դեկտեմբերի 2010 -

Հաջորդող ներկայումս պաշտոնավարում է