Հենրիկ Դանիելյան

Հենրիկ Մուրադխանի Դանիելյան (նոյեմբերի 7, 1940(1940-11-07), Սևան, Հայկական ԽՍՀ, ԽՍՀՄ - հուլիսի 16, 2011(2011-07-16)), հայ իրավաբան, ՀՀ Վճռաբեկ դատարանի առաջին նախագահ։ Հայաստանի վաստակավոր իրավաբան (2003)։ Հայաստանի Սահմանադրական դատարանի անդամ (2005-2010 թթ.):

Հենրիկ Դանիելյան
Ծնվել է	նոյեմբերի 7, 1940(1940-11-07)
Ծննդավայր	Սևան, Հայկական ԽՍՀ, ԽՍՀՄ
Մահացել է	հուլիսի 16, 2011(2011-07-16) (70 տարեկան)
Քաղաքացիություն	Հայաստան
Կրթություն	ԵՊՀ իրավաբանական ֆակուլտետ
Մասնագիտություն	իրավաբան
Աշխատավայր	Հայաստանի վճռաբեկ դատարան և Հայաստանի Սահմանադրական դատարան
Պարգևներ և մրցանակներ	Հայաստանի վաստակավոր իրավաբան

Կենսագրություն

Հենրիկ Դանիելյանը ծնվել է 1940 թ. նոյեմբերի 7-ին Սևան քաղաքում։ 1957 թ. ավարտել է Սևանի միջնակարգ դպրոցը, 1961 թ. ընդունվել և 1967 թ. ավարտել է Երևանի պետական համալսարանի իրավաբանական ֆակուլտետի հեռակա բաժինը։

Հենրիկ Դանիելյանի կիսանդրին Սևանում

Աշխատանքային գործունեությունը

• 1957 թ. աշխատանքի է անցել Սևանի «Հայձուկ» տրեստում՝ որպես մեքենավար։
• 1960-63 թթ. աշխատել է «Սևան» թերթի խմբագրությունում որպես գրական աշխատող, բաժնի վարիչ։
• 1963-65 թթ. եղել է ՀԼԿԵՄ Սևանի շրջկոմի առաջին քարտուղարը։
• 1965-69 թթ. աշխատել է «Սևան» թերթի պատասխանատու քարտուղար։
• 1969 թ. ընտրվել է Սևանի շրջանի դատավոր։
• 1977 թ. ընտրվել է Հայաստանի Գերագույն դատարանի անդամ։
• 1998 թ. ՀՀ Նախագահի հրամանագրով նշանակվել է ՀՀ վճռաբեկ դատարանի նախագահ։
• 2005 թ. հունիսի 9-ին ՀՀ Նախագահի հրամանագրով նշանակվել է ՀՀ սահմանադրական դատարանի անդամ և պաշտոնավարել մինչև 2010 թ. նոյեմբեր։

Պարգևներ և կոչումներ

• Ունի Որակավորման բարձրագույն դասի դատավորի կոչում։
• Հայաստանի Հանրապետության վաստակավոր իրավաբան (2003)։

Մահացել է 2011 թ. հուլիսի 16-ին։

Նախորդող պաշտոնը հիմնադրվել է, Տարիել Բարսեղյանը որպես ՀՀ Գերագույն դատարանի նախագահ

ՀՀ Վճռաբեկ դատարանի նախագահ Հենրիկ Դանիելյան 1998-8 հունիսի 2005

Հաջորդող Հովհաննես Մանուկյան

Նախորդող Միքայել Սևյան

ՀՀ Սահմանադրական դատարանի անդամ Հենրիկ Դանիելյան 9 հունիսի 2005-2010

Հաջորդող Արևիկ Պետրոսյան