Արտեմ Աղամալյան

Վիքիպեդիայում կան հոդվածներ Աղամալյան ազգանունով այլ մարդկանց մասին։

Արտեմ Պողոսի Աղամալյան (հունվարի 15, 1882(1882-01-15), Սարգսաշեն - փետրվարի 9, 1963(1963-02-09)), խորհրդային պետական գործիչ։

Արտեմ Աղամալյան
Ծնվել է	հունվարի 15, 1882(1882-01-15)
Ծննդավայր	Սարգսաշեն
Մահացել է	փետրվարի 9, 1963(1963-02-09) (81 տարեկան)
Քաղաքացիություն	Ռուսական կայսրություն և  ԽՍՀՄ
Մասնագիտություն	պետական գործիչ
Կուսակցություն	ԽՄԿԿ
Պարգևներ և մրցանակներ	և

Կենսագրություն

Ծնվել է հունվարի 15-ին, Ելիզավետպոլի նահանգի Շուշվա գավառի Չայքադուզ գյուղում (այժմ՝ Արցախի Մարտունու շրջանի Սարգսաշեն գյուղ)։ Աղամալյանը 1903 թվականին արտասահմանից Անդրկովկաս էր տեղափոխել լենինյան «Իսկրա»-ն։ 1914 թվականին մասնակցել էր ընդհատակյա տպարանը Բաքվից Գանձակ տեղափոխելուն։

1918 թվականին մասնակցել էր Ադրբեջանում խորհրդային իշխանության համար մղվող պայքարին, իսկ 1920 թվականին, Հայաստանում՝ Մայիսյան ապստամբությանը։ 1926-1937 թվականներին վարել էր մի շարք պատասխանատու պաշտոններ։ Աղամալյանը ընտրվել է ՀԿԿ Կենտկոմի բյուրոյի (1926–1928), վերստուգիչ հանձնաժողովի (1928-1932), Անդրֆեդերացիայի Կենտգործկոմի (1927-1931) և Հայաստանի Կենտգործկոմի (1927-1937) անդամ։ ԽՄԿԿ անդամ 1917 թվականից։

Պարգևներ

Աղամանյանը պարգևատրվել էր Աշխատանքային կարմիր դրոշի և Կարմիր դրոշի շքանշաններով։ Մահացել է 1963 թվականի փետրվարի 9-ին։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 241)։