Արսեն Գուլամիրյան

Արսեն Գուլամիրյան (հոկտեմբերի 4, 1987(1987-10-04), Հայաստան), ծանրքաշային կարգում հանդես եկող հայազգի ֆրանսիացի պրոֆեսիոնալ բռնցքամարտիկ։ WBA-ի վարկածով մայրցամաքային չեմպիոն, Ֆրանսիայի չեմպիոն, WBA-ի աշխարհի չեմպիոն (2018 թվականից մինչև այսօր)։

Արսեն Գուլամիրյան
Անձնական տեղեկություն
Սեռ՝	արական
Բնօրինակ անուն՝	ֆր.՝ Arsen Goulamirian
Մականուն(ներ)՝	Feroz
Մասնագիտացում՝	բռնցքամարտիկ
Երկիր՝	Ֆրանսիա և  Հայաստան
Ծննդյան ամսաթիվ՝	հոկտեմբերի 4, 1987(1987-10-04) (36 տարեկան)
Ծննդավայր՝	Հայաստան

Կարիերա

Արսեն Գուլամիրյանը 2011 թվականի մայիսի 27-ին պրոֆեսիոնալ ռինգում ելույթ ունեցավ լեհ բռնցքամարտիկ Ադրիանա Բլեսզունսկիի դեմ։ Պայքարը տեղի ունեցավ ծանրքաշայինների միջև և ավարտվեց Գուլամիրյանի հաղթանակով։ Նա 1-ին ռաունդում կարողացավ նոկաուտի ենթարկել իր մրցակցին։ 2016 թվականի մարտի 5-ին նա պայքարում է մայրցամաքային չեմպիոնի գոտու համար՝ կռվելով չեխ բռնցքամարտիկ Լյուբոս Սուդայի դեմ։ Հաջորդ պայքարում, որը տեղի ունեցավ 2016 թվականի ապրիլի 16-ին, Արսենը առաջին ծանրքաշայինների կարգում դառնում է Ֆրանսիայի չեմպիոն։ 2016 թվականի մարտի 20-ին նա պաշտպանում է մայրցամաքային չեմպիոնի տիտղոսը՝ պայքարելով ռուս Անդրեյ Կնյազևի դեմ։

2018 թվականի մարտի 24-ին 11-րդ ռաունդում տեխնիկական նոկաուտով հաղթում է բելգիացի բռնցքամարտիկ Ռիադ Մերհիին և դառնում է WBA-ի չեմպիոն՝ առաջին ծանրքաշային կարգում։ 2018 թվականի հոկտեմբերի 20-ին 9-րդ ռաունդում նոկաուտի է ենթարկել Մարկ Ֆլենագանային և պաշտպանել WBA-ի չեմպիոնի տիտղոսը։

Պրոֆեսիոնալ մարտերի թիվ

Մարտ	Ռեկորդ	Հակառակորդ	Ռաունդ	Ամսաթիվ	Մարտի վայր	Արդյունք	Ծանոթագրություն
24	24-0	Ֆլենագան Մարկ (24-5)	9 (12)	հոկտեմբերի 20 2018	Մարսել, Ֆրանսիա	TKO (12)	Մարտ՝ առաջին ծանրքաշային կարգում չեմպիոնական տիտղոսի համար WBA:
23	23-0	Ռիադ Մերհի (24-0)	11 (12)	մարտի 24 2018	Մարսել, Ֆրանսիա	TKO (12)	Մարտ՝ առաջին ծանրքաշային կարգում չեմպիոնական տիտղոսի համար WBA:

• Արսեն Գուլամիրյան(անգլ.) — պրոֆեսիոնալ մենամարտերի վիճակագրություն BoxRec կայքում։

Վիքիպահեստն ունի նյութեր, որոնք վերաբերում են «Արսեն Գուլամիրյան» հոդվածին։