Արմեն Սմբատյան (երգահան)
Անվան այլ կիրառումների համար տե՛ս՝ Արմեն Սմբատյան (այլ կիրառումներ)- Վիքիպեդիայում կան հոդվածներ Սմբատյան ազգանունով այլ մարդկանց մասին։
Արմեն Բագրատի Սմբատյան (նոյեմբերի 17, 1954, Երևան, Հայկական ԽՍՀ, ԽՍՀՄ), հայ կոմպոզիտոր, պետական գործիչ։ ՀԽՍՀ արվեստի վաստակավոր գործիչ (1987)։ Իսրայելի Պետությունում Հայաստանի Հանրապետության արտակարգ և լիազոր դեսպան (2018[1]): Երևանի Կոմիտասի անվան պետական կոնսերվատորիայի ռեկտորը 1995-2002 թվականներին։
| Արմեն Սմբատյան | |||
| |||
|---|---|---|---|
| 2002 - 2009 | |||
| Նախորդող | Սուրեն Սահակյան | ||
| Հաջորդող | Օլեգ Եսայան | ||
| |||
| 1996 - 1998 | |||
| Նախորդող | Հակոբ Մովսես | ||
| Հաջորդող | Ռոլանդ Շառոյան | ||
| Կրթություն՝ | Երևանի Կոմիտասի անվան պետական կոնսերվատորիա | ||
| Մասնագիտություն՝ | Կոմպոզիտոր | ||
| Ազգություն | հայ | ||
| Ծննդյան օր | նոյեմբերի 17, 1954 (69 տարեկան) | ||
| Ծննդավայր | Երևան, Հայկական ԽՍՀ, ԽՍՀՄ | ||
| Քաղաքացիություն |  Հայաստան
| ||
| Զավակներ | Սերգեյ Սմբատյան | ||
| Պարգևներ |
 և  | ||
Դիրիժոր, ջութակահար Սերգեյ Սմբատյանի հայրն է։
Կենսագրություն խմբագրել
1980 թվականին ավարտել է Երևանի Կոմիտասի անվան պետական կոնսերվատորիայի դաշնամուրային, 1981 թվականին՝ կոմպոզիցիայի բաժինները, 1985 թվականին՝ ասպիրանտուրան։ 1981 թվականից Հայաստանի Կոմպոզիտորների միության անդամ է։ 1982-1987 թվականներին եղել է Հայաստանի հանրային ռադիոյի երաժշտական հաղորդումների գլխավոր տնօրենը։ 1995-2002 թվականներին զբաղեցրել է Երևանի կոնսերվատորիայի ռեկտորի պաշտոնը (1994 թվականից՝ պրոֆեսոր)։ 1996-1998 թվականներին եղել է ՀՀ մշակույթի, երիտասարդության հարցերի և սպորտի նախարարը, 2002-2010 թվականներին՝ Ռուսաստանում Հայաստանի արտակարգ և լիազոր դեսպանը։ 2010 թվականի հունվարի 21-ին Հայաստանի Նախագահի հրամանագրով ազատվել է Ռուսաստանում Հայաստանի արտակարգ և լիազոր դեսպանի պարտականություններից[2]։ 2010-2013 թվականներին՝ ԱՊՀ-ի երկրների հումանիտար համագործակցության միջպետական հիմնադրամի գլխավոր տնօրենը։ 2014 թվականի հուլիսի 2-ին ՀՀ Նախագահի հրամանագրով նշանակվել է ՀՀ նախագահի խորհրդական միջազգային մշակութային-հումանիտար համագործակցության հարցերով[3][4]։ 2018 թվականին Հայաստանի նախագահի հրամանագրով նշանակվել է Իսրայելի Պետությունում Հայաստանի արտակարգ և լիազոր դեսպան[5]։
Հեղինակել է «Հայաստան» երգը[6]։
Պարգևներ խմբագրել
- ՀԽՍՀ արվեստի վաստակավոր գործիչ, 1987
- Մովսես Խորենացու մեդալ, 2001
Ծանոթագրություններ խմբագրել
- ↑ «Արմեն Սմբատյանը նշանակվել է Իսրայելի Պետությունում ՀՀ-ի դեսպան». MediaLab Newsroom-Laboratory (ամերիկյան անգլերեն). 2020 թ․ փետրվարի 25. Վերցված է 2020 թ․ օգոստոսի 4-ին.
- ↑ Ա. Սմբատյանին ՌԴ-ում ՀՀ արտակարգ և լիազոր դեսպանի պարտականություններից ազատելու մասին
- ↑ Ա. ՍՄԲԱՏՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԽՈՐՀՐԴԱԿԱՆ ՆՇԱՆԱԿԵԼՈՒ ՄԱUԻՆ
- ↑ Արմեն Սմբատյանը՝ ԱՊՀ-ի երկրների հումանիտար համագործակցության միջպետական հիմնադրամի գլխավոր տնօրեն
- ↑ «Արմեն Սմբատյանը նշանակվել է Իսրայելում ՀՀ դեսպան». armenpress.am. Վերցված է 2020 թ․ օգոստոսի 4-ին.
- ↑ «Արմեն Սմբատյանի կենսագրությունը avproduction կայքում». Արխիվացված է օրիգինալից 2021 թ․ սեպտեմբերի 21-ին. Վերցված է 2018 թ․ փետրվարի 19-ին.
| Նախորդող Սուրեն Սահակյան |
Ռուսաստանում Հայաստանի արտակարգ և լիազոր դեսպան Արմեն Սմբատյան 2002-2009 |
Հաջորդող Օլեգ Եսայան |
| Նախորդող Հակոբ Մովսես |
ՀՀ Մշակույթի, երիտասարդության հարցերի և սպորտի նախարար Արմեն Սմբատյան 1996-1998 |
Հաջորդող Ռոլանդ Շառոյան |