Արման Գևորգյան

Վիքիպեդիայում կան հոդվածներ Գևորգյան ազգանունով այլ մարդկանց մասին։

Արման Գևորգյան (նոյեմբերի 12, 1977(1977-11-12), Երևան, Հայաստան), հայ կինոռեժիսոր, սցենարիստ և պրոդյուսեր։ Հայտնի է «Անիրական սեր» և «Հաջողության հորոսկոպ» ֆիլմերով։

Արման Գևորգյան
Ծնվել է	նոյեմբերի 12, 1977(1977-11-12) (46 տարեկան)
Ծննդավայր	Երևան, Հայաստան
Կրթություն	Երևանի թատրոնի և կինոյի պետական ինստիտուտ
Գործունեության տարիներ	2000-2015
Մասնագիտացում	կինոռեժիսոր, սցենարիստ, դերասան, կինոպրոդյուսեր և ռեժիսոր
Ոճ(եր)	կատակերգություն, մելոդրամա և մարտաֆիլմ
IMDb	ID ID 6280685

Կենսագրություն

Արման Գևորգյանը ծնվել է 1977 թվականի նոյեմբերի 12-ին Երևանում։ 1994 թվականին ընդունվել է Ռազմաօդային ակադեմիա, 2006 թվականին՝ Երևանի թատրոնի և կինոյի պետական ինստիտուտ՝ ռեժիսուրայի ֆակուլտետ։

2001 թվականին աշխատանքի է ընդունվել «Արմենիա» հեռուստաընկերություն որպես մոնտաժի ռեժիսոր, իսկ 2005 թվականին՝ Հանրային հեռուստաընկերություն՝ որպես թոք շոուի ռեժիսոր։

2008 թվականից աշխատել է Շանթ հեռուստաընկերությունում որպես հեռուստասերիալի ռեժիսոր։ 2011-2013 թվականներին աշխատել է Բեգ Սաունդ կինոընկերությունում, ռուսական հեռուստաընկերությունների համար թողարկել 3 մինի սերիալ։

2014 թվականին «New Art Cinema Production» կինոընկերության հետ թողարկել է իր առաջին լիամետրաժ գեղարվեստական ֆիլմը՝ «Անիրական սեր»։

2015 թվականին «Սպուտնիկ ի Տրիո Ֆիլմ» կինոընկերության հետ թողարկել է «Հաջողության հորոսկոպ» լիամետրաժ գեղարվեստական ֆիլմը։ Նույն թվականին «Էխո ֆիլմ» կինոընկերության հետ թողարկել է «SOS, Ձմեռ պապ կամ ամեն ինչ կիրականանա» ամանորյա ֆիլմը։

Ֆիլմագրություն

Դերերը կինոյում

Տարեթիվ	Ֆիլմ	Դեր
2013	Առողջարանային մառախուղ	դրվագ
2012	Հրաձիգը	կապիտան Սազոնով

Ռեժիսոր

Տարեթիվ	Ֆիլմ
2015	Դիպուկահարը․ դիմադրության հերոսը
2015	Հաջողության հորոսկոպ
2015	SOS, Ձմեռ պապ, կամ Ամեն ինչ կիրականանա
2014	Ետ նայիր
2014	Անիրական սեր
2013	Առողջարանային մառախուղ
2012	Հրաձիգը
2012	Ռուսաստան՝ սիրո հետևից

Սցենարիստ

Տարեթիվ	Ֆիլմ
2014	Ետ նայիր

Պրոդյուսեր

Տարեթիվ	Ֆիլմ
2014	Ետ նայիր