Արբատի սլաք

Արբատի սլաք կամ Արբատի ցամաքալեզվակ (ուկրաիներեն՝ Арабатська стрілка, Ղրիմի թաթարերեն՝ Arabat beli, Արբատ բելի), նեղ և երկար ցամաքալեզվակ Ղրիմի Ինքնավար Հանրապետության և Խերսոնի մարզի տարածքում, որը կազմված է հիմնականում խեցիվոր նյութերից։ Ցամաքալեզվակը բաժանում է Սիվաշ ծովածոցը Ազովի ծովից։ Երկարությունը ավելին քան 100 կմ, լայնությունը 270 մ-ից մինչև 8 կմ։

Արբատի սլաք ուկրաիներեն՝ Арабатська стрілка, Ղրիմի թաթարերեն՝ Arabat beli
Կոորդինատներ
45°42′23″ հս․. լ. 35°00′40″ ավ. ե.
Ողողող ջրեր	Ազովի ծով, Սիվաշ
Երկիր	Ուկրաինա Ռուսաստան
Վարչատարածքային բաժանում	Ղրիմի Ինքնավար Հանրապետություն Խերսոնի մարզ
Ծանոթագրություն
Արբատի սլաք կամ Արբատի ցամաքալեզվակ, նեղ և երկար ցամաքալեզվակ Ղրիմի Ինքնավար Հանրապետության և Խերսոնի մարզի տարածքում, որը կազմված է հիմնականում խեցիվոր նյութերից։
Արբատի ցամաքալեզվակի հարավային մասը Արբատի բերդից արված լուսանկարում։
Արբատի սլաք (Ուկրաինա)
Արբատի սլաք (Ղրիմ)

Հյուսիսում Արբատի սլաքը բաժանվում է մայրցամաքից նեղ Գենիչեսկի նեղուցով։ Գենիչեսկի նեղուցով Սիվաշ ծովածոցը միանում է Ազովի ծովին։

Վարչական առումով բաժանված է Ղրիմի Ինքնավար Հանրապետության (հարավային մաս) և Խերսոնի մարզի (հյուսիսային մաս) միջև։ Ցամաքալեզվակի տարածքում են գտնվում հետևյալ բնակավայրերը՝ Գենիչեսկայա Գորկա, Պրիոզյորնոե, Սչասլիվցեվո և Ստրելկովոե գյուղերը։

Արբատի սլաքը հանդիսանում է հանգստի վայր։ Ջրի ջերմաստիճանը Ազովի ծովի ծանծաղուտներում ամռանը հասնում է +29 °C, իսկ օդը հարուստ է բրոմի և յոդի իոններով։

Արբատի սլաքի հյուսիսային, ավելի բարձրադիր և լայն մասում գոյություն ունեն Չեկրակսկոե և Գենիչեսկոե լճերը, վերջինում արտադրվում է աղ։

Արբատի սլաքի հիմքի մոտ գտնվող ծովածոցը անվանվում է Արբատյան։

Տես նաև

• Պերեկոպ-Չոնգարսկի օպերացիա (1920)

Արտաքին հղումներ

• Ուղեցույց Արբատի սլաքով 1978 Արխիվացված 2009-05-31 Wayback Machine
• Արբատի սլաք
• Արբատի սլաք Արխիվացված 2013-05-20 Wayback Machine
• Արբատի սլաքով Արխիվացված 2011-10-12 Wayback Machine
• Արբատի սլաք

Վիքիպահեստն ունի նյութեր, որոնք վերաբերում են «Արբատի սլաք» հոդվածին։