Արաքսյան չրխկան
Արաքսյան չրխկան | |
Դասակարգում | |
Թագավորություն | Կենդանիներ (Animalia) |
Տիպ/Բաժին | Հոդվածոտանիներ (Arthropoda) |
Ենթատիպ | Վեցոտանիներ (Hexapoda) |
Դաս | Միջատներ (Insecta) |
Կարգ | Բզեզներ (Coleoptera) |
Ընտանիք | Չրխկաններ (Elateridae) |
Ցեղ | Cardiophorus |
Տեսակ | Արաքսյան չրխկան (C. araxicola) |
Միջազգային անվանում | |
Cardiophorus araxicola |
Արաքսյան չրխկան (լատին․՝ Cardiophorus araxicola), չրխկանների ընտանիքին պատկանող միջատ։ Գրանցված է Հայաստանի Կարմիր գրքում։
Նկարագրություն
խմբագրել4,5-6 մմ երկարությամբ սև մարմնով փոքր չափի բզեզ է։ Վերնաթևերը ծղոտագույն են՝ կարի մոտ մգացած զոլով, յուրաքանչյուր վերնաթևի սկավառակի վրա հազվադեպ լինում է մեկական մուգ բիծ, բեղիկների հատվածների հիմքերը, ոտքերի սրունքները և թաթերը ունեն բաց են գունավորում։
Տարածվածություն
խմբագրելՀայաստանի էնդեմիկ է։ Հայտնի է միայն Գոռավանի ավազուտներից՝ Վեդի քաղաքի մոտ (Արարատի մարզ)։
Էկոլոգիա
խմբագրելԱպրում են ջուզգունի մացառուտներով ավազոտ անապատներում, հանդիպում են հունիս-հուլիսի սկզբին խոտաբույսերի վրա։
Կենսաբանական առանձնահատկությունները հայտնի չեն։
Պահպանություն
խմբագրելՍահմանափակ արեալով հազվագյուտ տեսակ է։ Բնության պահպանության միջազգային միության Կարմիր ցուցակի չափորոշիչներով ներկայումս գնահատվում է որպես կրիտիկական վիճակում գտնվող տեսակ։
Թվաքանակը ցածր է, փոփոխության միտումները՝ անհայտ։
Վտանգման հիմնական գործոններն են շինարարական նպատակներով ավազահանումը, անասունների արածեցումը և ճանապարհաշինությունը։
Պահպանվում է «Գոռավանի ավազուտներ» պետական արգելավայրում[1]։
Ծանոթագրություններ
խմբագրել- ↑ Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.