Արամ Նիկողոսյան
Արամ Երեմի Նիկողոսյան (1916, Նորատուս, Նոր Բայազետի գավառ, Երևանի նահանգ, Կովկասի փոխարքայություն, Ռուսական կայսրություն - անհայտ), հայ մանկավարժ։ Հայրենական մեծ պատերազմի մասնակից։ ԽՄԿԿ անդամ։
| Արամ Նիկողոսյան | |
|---|---|
| Ծնվել է | 1916 |
| Ծննդավայր | Նորատուս, Նոր Բայազետի գավառ, Երևանի նահանգ, Կովկասի փոխարքայություն, Ռուսական կայսրություն |
| Մահացել է | անհայտ |
| Քաղաքացիություն |  Ռուսական կայսրություն և  ԽՍՀՄ |
| Կրթություն | Հայկական պետական մանկավարժական համալսարան |
| Մասնագիտություն | մանկավարժ |
| Կուսակցություն | ԽՄԿԿ |
| Պարգևներ և մրցանակներ |  և  |
Կենսագրություն
խմբագրելԱրամ Նիկողոսյանը ծնվել է 1916 թվականին, Կամոյի շրջանի Նորատուս գյուղում։ Մանկավարժական ուսումնարանն ավարտելուց հետո Նիկողոսյանն ուսուցչական աշխատանքի է անցել Իջևանի շրջանի Գանձաքար գյուղի միջնակարգ դպրոցում։ Նույն տարում ընդունվել է Երևանի հեռակա մանկավարժական ինստիտուտի մաթեմատիկայի ֆակուլտետը։ Ինստիտուտը չավարտած մեկնել է բանակ[1]։
Նիկողոսյանի զորամասը մասնակցել է Մոսկվայի, Ստալինգրադի, Օրյոլ-Կուրսկի աղեղի ճակատամարտերին, Լեհաստանի ազատագրմանը, հաղթանակը տոնել է Արևելյան Պրուսիայում։ Նիկողոսյանը կոմունիստական կուսակցության շարքերը ընդունվել է բանակում։ Պարգևատրվել է «Արիության համար», «Մարտական ծառայությունների համար», «Վարշավայի ազատագրման համար» և ուրիշ մեդալներով[1]։
1946 թվականին Նիկողոսյանը զորացրվելով բանակից՝ շարունակել է ուսուցչական աշխատանքը, հայրենի Նորադուզ գյուղի միջնակարգ դպրոցում։ Մի քանի տարի անց ավարտել է Երևանի հեռակա մանկավարժական ինստիտուտի պատմության ֆակուլտետը։ Շուրջ երեսուն տարի պատմություն է դասավանդել հայրենի գյուղում[1]։
Պարգևներ
խմբագրել- «Արիության համար» մեդալ
- «Մարտական ծառայությունների համար» մեդալ
- «Վարշավայի ազատագրման համար» մեդալ