Ավերոն

Ավերոն
Դրոշ	Զինանշան
;	;
Երկիր	Ֆրանսիա
Կարգավիճակ	Ֆրանսիայի գավառ
Մտնում է	Օկսիտանիա
Վարչկենտրոն	Ռոդեզ
Ամենաբարձր կետ	Q26842993?
Բնակչություն	▼279 554 մարդ (հունվարի 1, 2020)
Խտություն	32
Տարածք	8 735
Հիմնադրված է	մարտի 4, 1790 թ.
Սահմանակցում է	Լո, Կանտալ, Թարն-է-Գարոն, Լոզեր, Գար, Էրո և Թարն
Ժամային գոտի	UTC+1 և UTC+2
ISO 3166-2 կոդ	FR-12
Անվանված է	Aveyron?
	aveyron.fr

Ավերոն (ֆր.՝ Aveyron), գավառ Ֆրանսիայի հարավում։

Ավերոն գավառի կարգային թիվն է` 12։

Աշխարհագրություն խմբագրել

Անունն ստացել է Ավերոն գետից։ Ավերոն դեպարտամենտը գտնվում է մի եռանկյունու կենտրոնում, որը ձևավորում են երեք քաղաք՝ Թուլուզ, Կլերմոն-Ֆերան և Մոնպելյե։ 8735 կմ² տարածքով մայրցամաքային Ֆրանսիայի դեպարտամենտների շարքում 5-րդն է։

Տեղանքը հիմնականում լեռնային է, գտնվում է Կենտրոնական ֆրանսիական զանգվածի հարավային մասում։ Ամենաբարձր կետն ունի 1469 մ բարձրություն։

Զբոսաշրջություն խմբագրել

Ավեյրոնի մեջ է մտնում Սեվենի ազգային զբոսայգու մի մասը։ Զբոսաշրջիկներին լավ հայտնի է բարձր բլրի վրա կառուցված Նաժակ ամրոցի ավերակները, ինչպես նաև դոլմեններով հարուստ Մարտյելի մերձակայքում գտնվող բազմաթիվ դղյակներն ու վանքերը։ Փոքրիկ Միյո քաղաքից երևում է աշխարհի ամենաբարձր կամուրջը՝ Միյո ուղետարը, որի բացումը 2004 թվականի դեկտեմբերին կատարել է նախագահ Շիրակը։

Ակտիվ ժամանցի տարածված ձևերից են արշավները, ձիավարությունը, ինչպես նաև՝ ձկնորսությունը և լողը Լևեզյու լճում։ Տեղացիները լավ արհեստավորներ են և Ավերոնում շատ են ձեռքով պատրաստած բազմապիսի իրերը, ինչպես, օրինակ՝ «լագույոլ դանակները»։ Մթերքներից հայտնի է Ռոքֆոր գյուղում պատրաստվող նույնանուն «ռոքֆոր պանիրը» և այլ տեղական ուտեստներ։