Բացել գլխավոր ցանկը

Ավետիք Գրիգորյան (շախմատիստ)

հայ շախմատիստ
HS Disambig.svg Անվան այլ կիրառումների համար տե՛ս՝ Ավետիք Գրիգորյան (այլ կիրառումներ)

Ավետիք Նիկոլայի Գրիգորյան (հունվարի 27, 1989(1989-01-27), Երևան, Հայկական ԽՍՀ, ԽՍՀՄ), հայ շախմատիստ, գրոսմայստեր (2008), մարզիչ։ 2010 թվականի Հայաստանի չեմպիոն։

Ավետիք Գրիգորյան
հայ․՝ Ավետիք Նիկոլայի Գրիգորյան
Avetik Grigoryan Yerevan ARM Ch 2013.jpg
Պետություն(ներ)Flag of Armenia.svg Հայաստան
Ծննդյան ամսաթիվհունվարի 27, 1989(1989-01-27) (30 տարեկան)
ԾննդավայրԵրևան, Հայկական ԽՍՀ, ԽՍՀՄ
Կոչումգրոսմայստեր[1] և միջազգային վարպետ
Ներկայիս վարկանիշ2561 (նոյեմբեր, 2019)
ՖԻԴԵ համար13302191
365chessAvetik_Grigoryan
Chesstempo համար78083
ICCF համար78083
Մասնակցել էՇախմատային օլիմպիադա 2010

ԿենսագրությունԽմբագրել

Ծնվել է 1989 թվականին Երևանում։ Նախնիները Գավառից և Պարսկաստանից են[2]։ Շախմատ խաղալ 4 տարեկանում սովորեցրել է տատիկը։ Սերն այդ խաղի նկատմամբ փոխանցվել է պապից ու հորից[3]։

Տարրական կրթությունը ստացել է Երևանի թիվ 51 դպրոցում, ավարտել է թիվ 59 դպրոցը։ Այնուհետև ավարտել է Ֆիզիկական կուլտուրայի հայկական պետական ինստիտուտի շախմատի բաժինը[2]։

Շախմատի դպրոցում առաջին մարզիչը եղել է Գագիկ Սարգսյանը։ Ավետիքը մեկ տարում լրացրել է բոլոր կարգերը և 7,5 տարեկանում դարձել 1-ին կարգային շախմատիստ։ Մրցաշարերում ունեցած երկարատև անհաջողությունները Ավետիքին ստիպում են մեկ տարով թողնել շախմատը և զբաղվել ձեռնամարտով։ 12 տարեկանում նա վերադառնում է շախմատ և սկսում պարապել Արսեն Եղիազարյանի մոտ։ Արդեն մեկ տարի անց Ավետիքը Հայաստանի մինչև 14 տարեկան պատանիների առաջնությունում զբաղեցնում է 2-րդ տեղը և առաջին անգամ մասնակցում Եվրոպայի պատանիների առաջնությանը[4]։

2002 թվականից սկսում է հաճախել Սմբատ Լպուտյանի ղեկավարած նորաբաց շախմատի ակադեմիան[4]։ Նույն թվականին Ավետիքը նվաճում է մինչև 14 տարեկանների Եվրոպայի չեմպիոնի կոչումը[2]։ 2004, 2006 և 2007 թվականներին Ավետիքը դառնում է Հայաստանի մինչև 18 տարեկանների չեմպիոն։ 2010 թվականին, մասնակցելով Հայաստանի մեծահասակների առաջնությանը, ավարտից մեկ տուր առաջ հռչակվում է մրցաշարի հաղթող[4]։ Այդ հաջողության շնորհիվ նա ընդգրկվում է Հայաստանի հավաքականի կազմում և մասնակցում Խանտի Մանսիյսկում կայացած 39-րդ օլիմպիադային։ Այնտեղ անցկացնում է ընդամենը մեկ պարտիա, որում հաղթում է կոստառիկացի մրցակցին։ Հավաքականն այդ մրցաշարն ավարտում է 7-րդ տեղում[5]։

Ավետիք Գրիգորյանը վերջին տարիներին պրոֆեսիոնալ շախմատ չի խաղում, զբաղվում է մարզչական գործունեությամբ[3]։

Մարզական նվաճումներԽմբագրել

  • 2004, 2006, 2007՝ Հայաստանի մինչև 18 տարեկանների չեմպիոն
  • 2006՝ Երևանի արագ շախմատի գավաթակիր
  • 2006՝ Եվրոպայի արագ շախմատի առաջնություն, 2-րդ տեղ
  • 2007՝ մինչև 18 տարեկանների աշխարհի առաջնություն, 4-րդ տեղ
  • 2008՝ Բելգորոդի բաց մրցաշար, 2-րդ տեղ
  • 2008՝ Fajr Open, Իրան, 2-րդ տեղ
  • 2010՝ Հայաստանի մեծահասակների չեմպիոն[6]
  • 2010՝ Bansko Grand Chess Open-ի հաղթող[7]
  • 2011՝ «Կորսիկա Մաստերս-2011» փառատոնի շախմատային մրցաշար, Բաստիա, Կորսիկա, 3-15-րդ տեղեր[8]

ՆախասիրություններԽմբագրել

Զբաղվում է քունգ ֆուով, լողով, էքստրեմալ մարզաձևերով[3]։

ԾանոթագրություններԽմբագրել

Արտաքին հղումներԽմբագրել