Աշոտ Չիթչյան
Աշոտ Հովհաննեսի Չիթչյան (1903, Թիֆլիս, Ռուսական կայսրություն - 1972), հայ հողագետ։ ՀԽՍՀ գյուղատնտեսական գիտությունների թեկնածու, դոցենտ։ ՀԽՍՀ գիտության վաստակավոր գործիչ։
Աշոտ Չիթչյան | |
|---|---|
| Ծնվել է | 1903 Թիֆլիս, Ռուսական կայսրություն |
| Մահացել է | 1972 |
| Մասնագիտություն | գիտնական |
| Հաստատություն(ներ) | ՀՀ ԳԱԱ, Հայաստանի ազգային ագրարային համալսարան և Երևանի անասնաբուծական-անասնաբուժական ինստիտուտ |
| Ալմա մատեր | Երևանի պետական համալսարան (1928) և Հայաստանի ազգային ագրարային համալսարան |
| Գիտական աստիճան | գյուղատնտեսական գիտությունների թեկնածու և դոցենտ |
| Պարգևներ |  և  |
Կենսագրություն խմբագրել
Աշոտ Չիթչյանը ծնվել է 1903 թվականին Թիֆլիսում։ 1924-1928 թվականներին սովորել և ավարտել է Երևանի պետական համալսարանի գյուղատնտեսական ֆակուլտետը։ 1927-1938 թվականներին աշխատել է որպես հողագետ-քիմիկոս, ջրային տնտեսության վարչությունում՝ որպես հողագիտության լաբորատորիայի վարիչ։ 1935-1937 թվականներին աշխատել է ԽՍՀՄ ԳԱ հայկական մասնաճյուղում որպես կրտսեր հողագետ, 1937-1955 թվականներին՝ բաժանմունքի վարիչ։ 1955-1958 թվականներին եղել է խաղողագործության, գինեգործության և պտղաբուծության գիտահետազոտական ինստիտուտի ավագ գիտական աշխատող և հողագիտության և ագրոքիմիայի բաժնի վարիչ։ 1958-1971 թվականներին եղել է հողագիտության և ագրոքիմիայի գիտահետազոտական ինստիտուտի հողերի մելիորացիայի և հետագայում ռեժիմային հետազոտությունների բաժնի վարիչ։ 1931-1941 թվականներին եղել է Հայկական գյուղատնտեսական ինստիտուտի հողագիտության ամբիոնի ասիստենտ, դոցենտ, ամբիոնի վարիչ։ 1938-1952 թվականներին դոցենտի պաշտոն է վարել նաև Երևանի անասնաբուծական-անասնաբուժական ինստիտուտի կերհայթհայթման ամբիոնում։
Հայրենական մեծ պատերազմի տարիներին պաշտպանական նշանակության հատուկ աշխատանքներ է կատարել հողագիտական հետազոտությունների գծով։
Հետազոտությունների մեծ մասը նվիրել է Հայաստանի հողային ծածկոցի ուսումնասիրությանը, կազմել առանձին տարածաշրջանների խոշոր մասշտաբի հողային քարտեզների և փոքր մասշտաբի Հայաստանի հողերի քարտեզը։ Ուսումնասիրել է Արարատյան հարթավայրի աղակալած հողերը՝ մշակելով միջոցառումներ դրանց իրականացման համար։ Բազմաթիվ գիտական հոդվածների և աշխատությունների հեղինակ է[1]։
Պարգևներ խմբագրել
- ՀԽՍՀ գիտության վաստակավոր գործիչ
- Պատվո շքանշան
Երկեր խմբագրել
- Վասիլիյ Վասիլևիչ Դոկուչայևը և գիտությունը հողի մասին, Երևան։ ՀՍՍՌ ԳԱ հրատ., 1947. 38 էջ[2]։
Ծանոթագրություններ խմբագրել
- ↑ Աշոտ Հովհաննեսի Չիթչյան(չաշխատող հղում)
- ↑ Չիթչյան, Ա Հ (1947 թ․ հունվարի 1). Կարապետյան, Սահակ Կարապետի (ed.). Վասիլիյ Վասիլևիչ Դոկուչայևը և գիտությունը հողի մասին։ (Ծննդյան հարյուրամյակի առթիվ. 1846-1946). Երևան: ՀՍՍՌ ԳԱ հրատ.(չաշխատող հղում)