Աշոտ Երկաթի կամուրջ
Աշոտ Երկաթի կամուրջ։ Գտնվում է ներկայիս Ադրբեջանի Հանրապետության տարածքում։ Ժամանակին եղել է Մեծ Հայքի Ուտիք նահանգի Գարդման գավառում՝ Չարեք բերդի ստորոտում՝ Շամքոր գետի վրա։
 | |
|---|---|
| Տեղագրություն |  Ադրբեջան |
| Երկիր | Ադրբեջան |
| Ընթացիկ վիճակ | ավերված |
| Կապված անձինք | Սահակ Սևադա |
Պատմություն խմբագրել
Կառուցումն ավանդաբար վերագրվել է Աշոտ Երկաթին։ Քանդվելու ժամանակն անհայտ է, սակայն դա տեղի ունեցած պետք է լինի 1890-ական թվականներից շատ ավելի վաղ, քանի որ 1893 թվականին ականատեսը նշել է.[1]
Բերդի տակ, գետի վրայ եղել է քարաշէն կամուրջ, որի կամարը այժմ ընկած է և տեղը փայտեր գցած, որոնց վրայից անցնողը մեծ սարսափ է զգում։ Այդ կամուրջը բոլորովին փտած և խարխուլ դրութեան մէջ է։ Մի մարդ որքան էլ կամաց փոխէ քայլերը, անցնելիս բոլոր փայտերը երերւում են, տեսնես ո՞ր անբաղդը մի օր այդ փտած փայտակոյտի խորտակուելուց՝ խոր գետի մէջ պետք է ընկղմուի... 
Այժմ պահպանվել է զույգ հենասյուները։
Ճարտարապետություն խմբագրել
Եղել է միաթռիչք։ Բացառությամբ թաղակիր կամարի անկյունաքարերի, որոնք կերտված են սրբատաշ քարից, կամրջի մնացած հատվածները շարված են անմշակ քարով, կրաշաղախով։
Տես նաև խմբագրել
Ծանոթագրություններ խմբագրել
- ↑ Սմբատ Մ., Հնութիւններ Գետաբէկի շրջակայքում, «Նոր-Դար», 1893, N 36, էջ 2։