Աշոտ Գալոյան

Վիքիպեդիայում կան հոդվածներ Գալոյան ազգանունով այլ մարդկանց մասին։

Աշոտ Կարլենի Գալոյան (հունիսի 9, 1956(1956-06-09), Կիրովական, Հայկական ԽՍՀ, ԽՍՀՄ), հայ դիվանագետ, Բրազիլիայում ՀՀ արտակարգ և լիազոր դեսպան։

Աշոտ Գալոյան
Ծնվել է	հունիսի 9, 1956(1956-06-09) (67 տարեկան)
Ծննդավայր	Կիրովական, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Երևանի պետական համալսարան (1979)
Գիտական աստիճան	պատմական գիտությունների թեկնածու (1985)
Մասնագիտություն	քաղաքական գործիչ և դիվանագետ
Աշխատավայր	Երևանի պետական համալսարան
Զբաղեցրած պաշտոններ	Հայաստանի Ազգային ժողովի պատգամավոր

Կրթություն

• 1974-1979 թթ. սովորել և գերազանցությամբ ավարտել է ԵՊՀ պատմության ֆակուլտետը։ Պատմական գիտությունների թեկնածու (1985)։

Աշխատանքային գործունեությունը

• 1979-1982 թթ. - Երևանի պետական համալսարանի ռեկտորի օգնական։
• 1982-1985 թթ. - Երևանի պետական համալսարանի ԼԿԵՄ քարտուղար։

Գիտամանկավարժական գործունեությունը

• 1985-1987 թթ. - Երևանի պետական համալսարանի պատմության ֆակուլտետի դասախոս։
• 1987-1988 թթ. - հետազոտող գիտաշխատող և դասախոս ԱՄՆ-ի Միչիգանի և Լոս Անջելեսի Կալիֆոռնիայի համալսարաններում։
• 1988-1993 թթ. - ԵՊՀ պատմության ֆակուլտետի քաղաքական պատմության ամբիոնի դոցենտ։
• 1993-1995 թթ. - ԱՄՆ-ի Կալիֆոռնիայի համալսարանի քաղաքագիտության և արդի պատմության ամբիոնների պրոֆեսոր։
• 1995-1997 թթ. - Լոս Անջելեսի Կալիֆոռնիայի համալսարանի պատմության ֆակուլտետի և Մերձավորարևելյան հետազոտությունների կենտրոնի հրավիրված դասախոս։
• 1997-2006 թթ. - «Հրաչյա Աճառյան» համալսարանի պրոֆեսոր։
• 1997-2006 թթ. - ԵՊՀ դոցենտ։

Քաղաքական գործունեությունը

1999 թ. նոյեմբերի 5-ին ընտրվել է երկրորդ գումարման Ազգային ժողովի պատգամավոր «Միասնություն» դաշինքի համամասնական ընտրացուցակով։ ԱԺ արտաքին հարաբերությունների մշտական հանձնաժողովի անդամ։ «Միասնություն» խմբակցության անդամ։ Անկուսակցական։ Եվրոխորհրդի Խորհրդարանական վեհաժողովում ՀՀ ԱԺ պատվիրակության անդամ, ԳՌԵԿՕ-ում ՀՀ պատվիրակության ղեկավար։

Դիվանագիտական ծառայությունը

• 2003-2006 թթ. - ՀՀ արտաքին գործերի նախարարի խորհրդական։
• 2006-2012 թթ. - Լիտվայում, Լատվիայում և Էստոնիայում Հայաստանի Հանրապետության արտակարգ և լիազոր դեսպան։
• 2006 թ. - ՀՀ Նախագահի հրամանագրով նշանակվել է Լեհաստանում Հայաստանի Հանրապետության արտակարգ և լիազոր դեսպան։
• 2011 թ. հոկտեմբերի 19-ին ՀՀ Նախագահի հրամանագրով ազատվել է Լիտվայի Հանրապետությունում Հայաստանի Հանրապետության արտակարգ և լիազոր դեսպանի պարտականություններից։
• 2012 թ. մարտի 23-ին ՀՀ Նախագահի հրամանագրով ազատվել է Լատվիայի Հանրապետությունում և Էստոնիայի Հանրապետությունում Հայաստանի Հանրապետության արտակարգ և լիազոր դեսպանի պարտականություններից։
• 2014 թ. հունվարի 25-ին ՀՀ Նախագահի հրամանագրով ազատվել է Լեհաստանի Հանրապետությունում Հայաստանի Հանրապետության արտակարգ և լիազոր դեսպանի պարտականություններից։
• 2014 թ. հունվարի 25-ին ՀՀ Նախագահի հրամանագրով նշանակվել է Բրազիլիայի Դաշնային Հանրապետությունում Հայաստանի Հանրապետության արտակարգ և լիազոր դեսպան։

Պարգևներ և կոչումներ

• Հայաստանի Հանրապետության արտակարգ դեսպանորդ և լիազոր նախարար (2009)։
• Արտակարգ և լիազոր դեսպան (2014)։

Ամուսնացած է, ունի երեք որդի։ Տիրապետում է ռուսերեն, անգլերեն և լեհերեն լեզուներին։

Նախորդող -

Լիտվայում Հայաստանի Հանրապետության արտակարգ և լիազոր դեսպան Աշոտ Գալոյան 2006 - 19 հոկտեմբերի 2011

Հաջորդող Արա Այվազյան

Նախորդող -

Լատվիայում Հայաստանի Հանրապետության արտակարգ և լիազոր դեսպան Աշոտ Գալոյան 2006 - 23 մարտի 2012

Հաջորդող Արա Այվազյան

Նախորդող -

Էստոնիայում Հայաստանի Հանրապետության արտակարգ և լիազոր դեսպան Աշոտ Գալոյան 2006 - 23 մարտի 2012

Հաջորդող Արա Այվազյան

Նախորդող Աշոտ Հովակիմյան

Լեհաստանի Հանրապետությունում Հայաստանի Հանրապետության արտակարգ և լիազոր դեսպան Աշոտ Գալոյան 2006-25 հունվարի 2014

Հաջորդող Էդգար Ղազարյան

Նախորդող Աշոտ Եղիազարյան

Բրազիլիայի Դաշնային Հանրապետությունում Հայաստանի Հանրապետության արտակարգ և լիազոր դեսպան Աշոտ Գալոյան 2006 - 26 նոյեմբերի 2013

Հաջորդող ներկայոմս պաշտոնավարում է