Աշխեն Աբազյան
- Վիքիպեդիայում կան հոդվածներ Աբազյան ազգանունով այլ մարդկանց մասին։
Աշխեն Մեխակի Աբազյան (հուլիսի 2, 1938, Բերդավան, Նոյեմբերյանի շրջան, Հայկական ԽՍՀ, ԽՍՀՄ - հունվարի 6, 2023, Նոյեմբերյան, Տավուշի մարզ, Հայաստան), հայ բանաստեղծ, արձակագիր։ Հայաստանի գրողների միության անդամ (1989)։
Աշխեն Աբազյան | |
|---|---|
| Ծնվել է | հուլիսի 2, 1938 |
| Ծննդավայր | Բերդավան, Նոյեմբերյանի շրջան, Հայկական ԽՍՀ, ԽՍՀՄ |
| Վախճանվել է | հունվարի 6, 2023 (84 տարեկան) |
| Վախճանի վայր | Նոյեմբերյան, Տավուշի մարզ, Հայաստան |
| Մասնագիտություն | լրագրող, բանաստեղծուհի, արձակագիր և գրող |
| Քաղաքացիություն |  Հայաստան |
| Կրթություն | ԵՊՀ հայ բանասիրության ֆակուլտետ |
| Թեմաներ | Բնապաշտություն,մայրերգություն,
հայրենասիրություն, խոհափիլիսոփայություն |
| Անդամակցություն | ՀԳՄ |
| Աշխեն Աբազյան Վիքիդարանում | |
Կենսագրություն խմբագրել
Աշխեն Աբազյանը ծնվել է Ղալաչա (այժմ՝ Բերդավան) գյուղում, ավարտել է Երևանի պետական համալսարանի բանասիրական ֆակուլտետը։ Աշխատել է Նոյեմբերյանի «Ծիածան» թերթում։ 1981-1982 թվականներին նրա «Արևային հովտի երգը» և «Հողի զինվորները» հեռուստատեսային վավերագրական ֆիլմերի սցենարները լավագույնն են ճանաչվել Երևանում անցկացվող համամիութենական վավերագրական ֆիլմերի ցուցադրման ժամանակ։ Նոյեմբերյանի պատուհասած արհավիրքների (պատերազմ, երկրաշարժ) թեմայով երկու գիրք է հրատարակել՝ «Կանաչ, կարմիր որոտներ» (1999 թվական) և «Կանաչ կանգառ» (2003)։ Առաջինը արժանացել է ՀՀ Պաշտպանության նախարարության և Հայաստանի լրագրողների միության համատեղ «Ես զինվորն եմ հայրենիքի» մրցանակին, իսկ երկրորդը՝ «Վահագն» մրցանակին (2002)՝ որպես վերջին տասը տարիներին տպագրված արձակ ստեղծագործություն[1][2]։
Մահացել է 2023 թվականի հունվարի 6-ին, Նոյեմբերյանի Նիկոլայ Նասիբյանի անվան բժշկական կենտրոնում` թոքերի հետ կապված ծանր առողջական խնդրի պատճառով։ Հանգչում է հայրենի Բերդավան գյուղի գերեզմանոցում։
Մրցանակներ խմբագրել
- «Պիոներ» մանկապատանեկան ամսագրի սահմանած «Տարվա լավագույն գեղարվեստական ստեղծագործություն» մրցանակ, 1984
- ՀՀ պաշտպանության նախարարության և Հայաստանի Լրագրողների միության համատեղ «Ես զինվորն եմ հայրենիքի» մրցանակ, 1999
- «Վահագն» մրցանակ՝ որպես վերջին տասը տարիներին տպագրված արձակ ստեղծագործություն, 2002
Ծանոթագրություններ խմբագրել
 | Վիքիդարանն ունի նյութեր, որոնք վերաբերում են «Աշխեն Աբազյան» հոդվածին։ |