Անտոն Չեխովի տուն (Յալթա)
Անտոն Չեխովի տուն (ռուս.՝ Дом-музей А. П. Чехова, «Սպիտակ ամառանոց»), գտնվում է Յալթայում։ Այստեղ են անցել Անտոն Չեխովի կյանքի վերջին տարիները։ Առողջական խնդիրների պատճառով Չեխովը Մոսկվայից տեղափոխվել է Ղրիմ, 1898 թվականի վերջում Յալթայում գնել է հողատարածք, որտեղ ճարտարապետ Լ. Ն. Շապովալովի նախագծով կառուցվել է տուն։ Շինարարությունը տևել է ընդամենը 10 ամիս։ 1899 թվականի սեպտեմբերի 9-ին Չեխովը Յալթա է տեղափոխվել քրոջ` Մարիա Պավլովնայի և մոր՝ Եվգենիա Յակովլևնայի հետ։ Հենց այստեղ են գրվել այնպիսի հայտնի աշխատանքներ, ինչպիսիք են «Շնիկով տիկինը» պատմվածքը, «Երեք քույր» և «Բալենու այգին» պիեսները, «Ձորակում» վիպակը, «Հովվապետ», «Սուրբ ծննդյանն տոնին» և «Հարսնացուն» պատմվածքները։
Անտոն Չեխովի տուն | |
|---|---|
 | |
| Տեսակ | պատմական շենք-թանգարան |
| Երկիր |  Ուկրաինա և  Ռուսաստան |
| Տեղագրություն | Յալթա |
| Հասցե | ulica Kirova, 112Յալթա |
| Հիմնադրվել է | 1898 |
| Հիմնադիր | Մարիա Չեխովա |
| Կայք | yalta.chekhov.com.ua/start_e.php4 |
 | |
 | |
Տան հասցեն՝ ք. Յալթա, Կիրովի փողոց, 112։
ՊատմությունԽմբագրել
Անտոն Պավլովիչ Չեխովն առաջին անգամ Յալթայում եղել է 1888 թվականի հուլիսին, երբ մեկնում էր Թեոդոսիա։ Հաջորդ տարվա հուլիս-օգոստոս ամիսներին Չեխովը երեք շաբաթ է ապրում Յալթայում՝ աշխատելով «Ձանձրալի պատմություն» պատմվածքի վրա։ 5 տարի անց նա կրկին գալիս է Յալթա, այս անգամ բուժվելու համար և ապրում է «Ռոսիա» հյուրանոցում[1]։
Սպիտակ ամառանոց-թանգարանԽմբագրել
1901 թվականի օգոստոսի 3-ին քրոջը գրված նամակում Անտոն Պավլովիչը նրան է կտակել Յալթայի ամառանոցը, դրամատիկական աշխատանքների հրատարակություններից հետմահու ստացված գումարն ու եկամուտը[2]։ Յալթայում Չեխովի տունը այցելուների համար բացվել է նրա մահվից մեկ տարի անց։ Միխայիլ Պավլովիչ Չեխովը գրել է, որ Ռուսաստանը «հարստացել է պոեզիայի լիարժեքությամբ և Չեխովի լիրիկական պոեզիայի մշակութային հաստատությամբ, որն այժմ հայտնի է ամբողջ աշխարհով և կրում է «Չեխովի տունը Յալթայում» անվանումը[1]։ Գրողի մահից հետո մինչև 1917 թվական, Մարիա Չեխովան ձմռանն ապրել է Մոսկվայում, աշխատել եղբոր արխիվային նյութերի վրա, իսկ ամառն անցկացրել է Յալթայում։ Մարիա Պավլովնան տունը պահել է եղբոր պիեսները բեմադրելու և գրողի նամակների ժառանգության շնորհիվ։ 1917 թվականի գարնանը գրողի քույրն ու մայրը Մոսկվայից տեղափոխվել են Յալթա մշտական բնակության համար։ Եվգենիա Յակովլևնա Չեխովան մահացել է 1919 թվականի հունվարի 3-ին և թաղվել Յալթայում[2]։
ՊատկերասրահԽմբագրել
Չեխովի տունը 1899 թվականին
Չեխովի տունը 1899 թվականին
ԾանոթագրություններԽմբագրել
- ↑ 1,0 1,1 Дом-музей А. П. Чехова в Ялте. Вехи культуры(չաշխատող հղում)
- ↑ 2,0 2,1 «Дом-музей А. П. Чехова в Ялте — Москва-Крым»։ Արխիվացված է օրիգինալից 2009-01-23-ին։ Վերցված է 2018-02-05
Արտաքին հղումներԽմբագրել
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Անտոն Չեխովի տուն (Յալթա) կատեգորիայում։ |