Անիսա Ռավդա Նաջար
Անիսա Ռավդա Նաջար (արաբ․՝ أنيسة روضة نجار, հունիսի 26, 1913, Բեյրութ, Լիբանան - հունվարի 15, 2016), լիբանանցի ֆեմինիստ և կանանց իրավունքների ակտիվիստ։ «Գյուղերի բարեկեցության հասարակություն» կազմակերպության համահիմնադիր ու ցկյանս անդամ։
| Անիսա Ռավդա Նաջար | |
|---|---|
 | |
| Ծնվել է | հունիսի 26, 1913 |
| Ծննդավայր | Բեյրութ, Լիբանան |
| Մահացել է | հունվարի 15, 2016 (102 տարեկան) |
| Քաղաքացիություն |  Լիբանան |
| Կրթություն | Բեյրութի ամերիկյան համալսարան |
| Մասնագիտություն | ակտիվիստ |
| Պարգևներ և մրցանակներ |  |
Վաղ տարիներ խմբագրել
Անիսա Ռավդան (ի ծնե անունը՝ «Ռաուդա» կամ «Ռավդա») ծնվել է Բեյրութում՝ կալավածատիրոջ և դեղագործի[1]՝ Սալիմ Անիս Ռավդայի և Զալֆա Ամինե Նաջարի ընտանիքում։ Նրա կրտսեր քույրը՝ Սալուա Ռաուդա Չուքիրը, հայտի նկաչուհի և քանդակագործ է[2]։
Սովորել է Բեյրութի կանանց քոլեջում, ապա՝ Բեյրութի ամերիկյան համալսարանում, որն ավարտել է 1936 թվականին՝ ուսումնասիրելով հասարակագիտություն և կրթություն[2]։
Գործունեություն խմբագրել
Նաջարի գործունեությունը կապված է գյուղական համայնքի զարգացման և կանանց կյանքի բարելավմանը։ Նա գյուղական ընտանիքների համար ստեղծել է դպրոցներ և կլինիկաներ։ 1953 թվականին Էվելին Բուստրոսի հետ հիմնել էր «Գյուղերի բարեկեցության հասարակություն» կազմակերպությունը, որի նպատականը Լիբանանի գյուղացի կանանց գրագիտության մակարդակի բարձրացումն էր և նրանց տնտեսական հնարավորություններով զինելը։ Նա ստեղծել էր հավաստագիր՝ «Գյուղական տարածություն», որը խթան կհանդիսաներ, որպեսզի գյուղացի կանայք մասնակցեն հասարակության գրագիտության, երեխաների խնամքի, սննդի, հիգիենայի և գյուղատնտեսության ոլորտի գործնական սեմինարներին։ Շուտով ծրագիրը ընդրալյնվել էր՝ ներառելով բովանդակային այնպիսի թեմաներ, ինչպիսիք են գրականությունը, քաղաքականությունը, երաժշտությունը և կրոնը։ Նա եղել է Լիբանանի կանանց խորհրդի քարտուղար, 1948 թվականից Դրուժ մանկատան գլխավոր քարտուղար։ Նա նաև օգնել է հիմնել Լիբանանի «Լավ տնային տնտեսություն» լիգան[3]։
Լիբանանից դուրս՝ Երկրորդ համաշխարհային պատերազմի ժամանակ, եղել է Իրաքի՝ աղջիկների համար նախատեսված երկու դպրոցի տնօրեն[3]։ Կանանց վերաբերյալ միջազգային համաժողովների ժամանակ նա փորձառու պատվիրակ է, որտեղ ներկայացնում էր լիբանանցի կանանց դրությունը (ներառյալ ՅՈՒՆԵՍԿՕ-ի միջոցառումները)։ 1985 թվականին Նայրոբիում մասնակցել է Կանանց միջազգային կոնֆերանսին, իսկ 1995 թվականին Բեյջինում մասնակցել է Կանանց միջազգային չորրորդ համաժողովին[2]։ 1961 թվականին օգնել է հիմնադրել «Հանուն խաղաղության և ազատության կանանց միջազգային լիգայի» լիբանանյան մասնաճյուղը, և 1977-1983 թվականներին եղել է այդ կազմակերպության փոխնախագահը[4]։
2014 թվականին՝ Նաջարի 100-րդ տարելիցի ժամանակ, շրջանառության մեջ է մտել Նաջարի դեմքով և իր անունով փոստային նամականիշը[5]։ Նա երկու անգամ արժանացել է Լիբանանի երախտիքի մրցանակի[2]։
Անձնական կյանք խմբագրել
1944 թվականին ամուսնացել է գյուղատնտես Ֆոուադ Ամինե Նաջարի հետ, որը 1959 թվականին դարձել էր Գյուղատնտեսության նախարար։ Նրանք ունեցել են երեք երեխա, որոնք բոլորը մեծանալով դարձել էին գյուղատնտեսական ինժեներ։ Այրիացել է 1992 թվականին, երբ Ֆոուադն ավտովթարի էր ենթարկվել[2]։ 2016 թվականին՝ մահկանացուն կնքելու ժամանակ, նա գրեթե 103 տարեկան էր[6]։
Ծանոթագրություններ խմբագրել
- ↑ https://www.theguardian.com/artanddesign/2017/feb/06/saloua-raouda-choucair-obituary
- ↑ 2,0 2,1 2,2 2,3 2,4 "Distinguished Druze: Anissa Rawda Najjar" Druze Worldwide.
- ↑ 3,0 3,1 Myriam Sfeir, "Sitt Anissa Rawdah Najjar: Founder of the Village Welfare Society" Արխիվացված 2019-08-09 Wayback Machine Al-Raida 79(Fall 1997): 41–42.
- ↑ "Anissa Najjar, Founder of WILPF Lebanon, Dies at 103" Women's International League for Peace and Freedom (February 3, 2016).
- ↑ "Anissa Najjar a pioneer of women's rights passed away at 103" Ya Libnan (January 18, 2016).
- ↑ "Pioneer Women Right Defender Anissa Najjar Dies at Age of 103" Women Economic Empowerment Portal (January 15, 2016).
Արտաքին հղումներ խմբագրել
- Անիսա Ռավդա Նաջարի՝ 2012 թվականի լուսանկարը(չաշխատող հղում)