Անինոասա
Անինոասա (ռումիներեն՝ Aninoasa), քաղաք ռումինական Հունեդոարա ժուդեցում։ Հայտնի է այսօրվա իր կարգավիճակով, մասնավորապես՝ «ռումինական առաջին սնանկ քաղաք»-ն է։
| Բնակավայր | |||
|---|---|---|---|
| Անինոասա | |||
| |||
 | |||
| Երկիր |  Ռումինիա | ||
| Մակերես | 34±0,01 կմ² | ||
| ԲԾՄ | 650±1 մետր | ||
| Բնակչություն | ▼3369 մարդ (դեկտեմբերի 1, 2021)[1] | ||
| Ժամային գոտի | UTC+2 և UTC+3 | ||
| Փոստային դասիչ | 335100 | ||
| Պաշտոնական կայք | aninoasa.ro | ||
| |||
2019 թվականի տվյալների համաձայն՝ քաղաքում ապրում է 6108 մարդ[2]։
Մինչ սնանկության մասին հայտարարությունը՝ 2012 թվականը, կառավարման 5 ժամկետների ընթացքում Անինոասի պրիմարը՝ քաղաքապետը, Իլիե Բոթգրոսն է եղել[3]։ Քաղաքը սնանկ ճանաչելու մասին որոշումը կայացվել է 2013 թվականին՝ նոր քաղաքապետ Նիկոլայ Դունկի կողմից, ով այդ պաշտոնում ընտրվել էր 2012 թվականին։ Քաղաքի սնանկ ճանաչումը թույլ տվեց խուսափել պարտքերի վրա տոկոսների կուտակումից։ Սնանկ ճանաչելուց հետո՝ ներդրվեցին սահմանափակումներ, որոնք ուղղված էին բյուջետային միջոցների կառավարմանը։ Բյուջետային միջոցների կառավարման համար սահմանվեց վերահսկողություն, որն իրականացվում էր արտաքին կառավարչի կողմից։
Մեկ տարվա ընթացքում հաջողվեց մարել քաղաքի բոլոր պարտքերը, և արդեն 2014 թվականին սնանկության կարգավիճակը չեղարկվեց։
Աշխարհագրություն խմբագրել
Անինոասան Ռումինիայի մայրաքաղաք Բուխարեստից 240 կմ հեռավորության վրա է տեղակայված։ Քաղաքի հարևանությամբ ածխաբեր ավազան կա, որը գտնվում է Ժիու հովտում (ռումիներեն՝ Valea Jiului): Այս հովիտը ավելի վաղ հանդիսանում էր Ռումինիայի ածխի արդյունաբերության կենտրոններից մեկը։
Կլիմա խմբագրել
 Ջերմաստիճանի և տեղումների տարեկան միջին ցուցանիշները Անինոասա
| |||||||||||||
|---|---|---|---|---|---|---|---|---|---|---|---|---|---|
| Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | |
| միջին առավելագույնը (°C) | 0,8 | 2,7 | 8,1 | 13,9 | 19 | 21,9 | 24,1 | 24 | 20,6 | 14,8 | 7,7 | 2,6 | |
| միջին ջերմաստիճանը (°C) | −2,8 | −1 | 3,4 | 8,6 | 13,5 | 16,4 | 18,3 | 18 | 14,7 | 9,4 | 3,9 | −0,4 | |
| միջին նվազագույնը (°C) | −6,3 | −4,7 | −1,2 | 3,3 | 8 | 10,9 | 12,5 | 12,1 | 8,8 | 4 | 0,1 | −3,4 | |
| տեղումների քանակը (մմ) | 39 | 38 | 39 | 59 | 85 | 107 | 86 | 71 | 50 | 42 | 45 | 45 | |
| Աղբյուր՝ Քաղաքների կլիմայական տվյալներ | |||||||||||||
Պատմություն խմբագրել
Անինոասան հիմնադրվել է 1453 թվականին՝ դառնալով Հունեդոարա Ժուդեցի առաջին քաղաքը[4]։
1989 թվականին ավանն ստացավ քաղաքի կարգավիճակ։
Այն տարիներին, երբ Ռումինիան սոցիալիստական հանրապետություն էր, քաղաքում գործում էր ածխի հանքահոր[4]։
Անկում խմբագրել
2007 թվականին հանքահորը փակվեց։ Այդ իսկ պատճառով Անինոասա քաղաքը զրկվեց քաղաքը ձևավորող ձեռնարկությունից։
Այժմ քաղաքը համարվում է սնանկ, գումարը չի բավականացնում անգամ կոմունալ ծառայությունների դիմաց վճարելու համար։ Անգամ Անինոասայի քաղաքապետն Անինոասան համեմատում է Դեթրոյթի հետ[5]։
Ծանոթագրություններ խմբագրել
- ↑ 2021 Romanian census — National Institute of Statistics.
- ↑ «Численность населения Аниноаса на 2019 2018 год - статистика» (ռուսերեն). All-populations.com. Վերցված է 2019 թ․ հունվարի 10-ին.
- ↑ «Aninoasa, Хунедоара, Румыния - Города и деревни мира». ru.db-city.com. Վերցված է 2019 թ․ հունվարի 10-ին.
- ↑ 4,0 4,1 «Первый румынский город-банкрот» (ռուսերեն). PixaNEWS.com. Արխիվացված է օրիգինալից 2019 թ․ հունվարի 10-ին. Վերցված է 2019 թ․ հունվարի 10-ին.
- ↑ euronews (на русском). «Румынский город-призрак: без света, без газа, без денег». Վերցված է 2019 թ․ հունվարի 10-ին.
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Անինոասա» հոդվածին։ |