Անապատի սպիտակ արևը
«Անապատի սպիտակ արևը» (ռուս.՝ Бе́лое со́лнце пусты́ни), 1970 թվականին նկարահանված խորհրդային ֆիլմ։
Ֆիլմը թերևս կարելի է համարել խորհրդային ամենահայտնի ֆիլմերից մեկը, հերոսների կերպարները, նրանց արդեն գրեթե թևավոր դարձած խոսքերը, արկածային սյուժեն անսպասելի լուծումներով, և մանավանդ ֆիլմում հնչող Բուլատ Օկուջավայի բառերով գրված հայտնի «Ваше благородие, госпожа удача» երգը, որը կատարում է Պավել Լուսպեկաևը այս ֆիլմը շատ սիրված են դարձրել կինոդիտողների շրջանում։
 ռուս.՝ Белое солнце пустыни | |
|---|---|
 | |
| Երկիր |  ԽՍՀՄ |
| Ժանր | արկածային |
| Թվական | 1970 |
| Պրեմիերա | մարտի 30, 1970 |
| Լեզու | ռուսերեն |
| Ռեժիսոր | Վլադիմիր Մոտիլ[1] |
| Սցենարի հեղինակ | Վալենտին Եժով, Ռուստամ Իբրահիմբեկով և Մարկ Զախարով |
| Դերակատարներ | Սպարտակ Միշուլին[2], Պավել Լուսպեկաև[2], Անատոլի Բորիսովիչ Կուզնեցով, Նիկոլայ Գոդովիկով, Ռաիսա Կուրկինա, Կախի Կավսաձե[2], Մուսա Դուդաև և Նիկոլայ Բադև |
| Օպերատոր | Էդուարդ Ռոզովսկի |
| Երաժշտություն | Իսահակ Շվարց |
| Մոնտաժ | Վալենտինա Նեստերովա |
| Պատմվածքի վայր | Թուրքմենստան |
| Կինոընկերություն | «Լենֆիլմ», «Մոսֆիլմ» |
| Տևողություն | 83 րոպե |
| Բյուջե | 650,000 ռուբլի |
| IMDb | ID 0066565 |
 White Sun of the Desert Վիքիպահեստում | |
Սյուժե խմբագրել
Ֆիլմի իրադարձությունները ծավալվում են 1920 ական թթ. Կասպից ծովի արևելյան ափին տեղակայված անապատային փոքրիկ քաղաքում։
Գլխավոր հերոս կարմիրբանակային Ֆյոդոր Սուխովը վերադառնում է տուն։ Ճանապարհին նա տեսնում է անապատի ավազների մեջ մարմինը ամբողջապես ավազի մեջ թաղված (միայն գլուխը ավազներից դուրս) մի տեղացու՝ Սաիդի։ Սաիդը պատմում է որ իր նպատակը տեղի ավազակներից մեկին՝ Ջավդետին գտնելն ու սպանելն ՝. վերջինս սպանել էր իր հորը, իսկ իրեն թաղել ավազների մեջ՝ տանջամահ անելու նպատակով։
Ճանապարհին Սուխովը հանդիպում է կարմիր բանակային հրամանատար Ռախիմովին, ով հետապնդում էր հայտնի ավազակ Աբդուլային ու նրա ավազակախմբին՝ նրանց ձերբակալելու նպատակով։ Աբդուլան փախել էր տեղի բանտերից մեկից այնտեղ թողնելով իր 9 կանանց։ Տեղյակ լինելով նրանց սովորություններին Ռախիմովը գիտեր, որ եթե Աբդուլան չի կարողացել իր հետ տանել իր կանանց, ապա նա պետք է սպաներ բոլորին։ Դրա հետ կապված Ռախիմովը համոզում է Սուխովին պահպանել կանանց Աբդուլայից ու, չստանալով Սուխովի համաձայնությունը, պարզապես հեռանում է՝ որոնելու Աբդուլային՝ հանձնելով կանանց Սուխովի հսկողությանը և որպես օգնական թողնելով երիտասարդ Պետրուխային։
Իմանալով Աբդուլայի մտադրությունների մասին՝ Սուխովը օգնության համար դիմում է տեղի ցարական մաքսատան պետ՝ նախկին զինվորական Պավել Վերեշչագինին՝ զինամթերք ստանալու նպատակով, բայց մերժում է ստանում։ Օգնական ունենալով միայն Սաիդին՝ նա գտնում է մի հին գնդացիր և որոշում դիմակայել Աբդուլային ...
Դերերում խմբագրել
| Դերակատար | Դեր |
|---|---|
| Անատոլի Կուզնեցով | Ֆյոդոր Սուխով |
| Սպարտակ Միշուլին | Սաիդ |
| Կախի Կավսաձե | Աբդուլա |
| Նիկոլայ Գոդովիկով | Պետրուխա |
| Պավել Լուսպեկաև | Պավել Վերեշչագին |
| Ռաիսա Կուրկինա | Նաստասյա Վերեշչագինի կինը |
| Գալինա Լուչայ | Կատերիան Մատվեևա Սուխովի կինը |
| Նիկոլայ Գոդովիկով | Պետրուխա |
| Մուսա Դուդաև | Ռախիմով |
| Նիկոլայ Բադև | Լեբեդև |
| Վլադիմիր Կադոչնիկով | սպա Սեմյոն |
| Տատյանա Ֆեդոտովա | Գյուլչիթայ Աբդուլայի ամենափոքր կինը |
Ծանոթագրություններ խմբագրել
Արտաքին հղումներ խմբագրել
- «Անապատի սպիտակ արևը»(ռուս.) ֆիլմը ԿինոՊոիսկ կայքում։
- Անապատի սպիտակ արևը(անգլ.) ֆիլմը Internet Movie Database կայքում
- «Անապատի սպիտակ արևը»(անգլ.) ֆիլմը allmovie կայքում:
- Անապատի սպիտակ արևը ՅուԹյուբում, «Մոսֆիլմի» պաշտոնական ալիք
 | Վիքիպահեստն ունի նյութեր, որոնք վերաբերում են «Անապատի սպիտակ արևը» հոդվածին։ |