Անահիտ Միրզաբեկյան
Անահիտ Հովակիմի Միրզաբեկյան (հոկտեմբերի 31, 1899[1], Բնունիս, Զանգեզուրի գավառ, Ելիզավետպոլի նահանգ, Ռուսական կայսրություն[1] - հունիսի 2, 1983, Երևան, Հայկական ԽՍՀ, ԽՍՀՄ), հայ խորհրդային մանրէաբան, բժշկական գիտությունների դոկտոր (1966), պրոֆեսոր (1967), ՀԽՍՀ վաստակավոր բժիշկ։
 | |
|---|---|
| Ծնվել է | հոկտեմբերի 31, 1899[1] |
| Ծննդավայր | Բնունիս, Զանգեզուրի գավառ, Ելիզավետպոլի նահանգ, Ռուսական կայսրություն[1] |
| Մահացել է | հունիսի 2, 1983 (83 տարեկան) |
| Մահվան վայր | Երևան, Հայկական ԽՍՀ, ԽՍՀՄ |
| Քաղաքացիություն |  Ռուսական կայսրություն և  ԽՍՀՄ |
| Ազգություն | հայ |
| Կրթություն | Երևանի պետական համալսարան (1929)[1] |
| Մասնագիտություն | մանրէաբան և դասախոս |
| Կոչում | պրոֆեսոր[1] |
| Գիտական աստիճան | բժշկական գիտությունների դոկտոր[1] (1966) |
| Աշխատավայր | Երևանի Մխիթար Հերացու անվան Պետական Բժշկական Համալսարան[1] |
| Կուսակցություն | ԽՄԿԿ[1] |
| Ամուսին | Հայկ Միրզաբեկյան |
| Զավակներ | Էմիլ Միրզաբեկյան |
| Պարգևներ | |
1929 թվականին ավարտել է Երևանի համալսարանի բժշկական ֆակուլտետը։ 1930 թվականից աշխատել է սանիտարա-հիգիենայի ԴՀԻ-ում, 1936 թվականից՝ նույն ինստիտուտի բակտերիոլոգիական պատրաստուկների (ծաղիկի, կատաղության, որովայնային տիֆի վակցինաներ) բաժնի, 1938-1969 թվականներին՝ մանրէաբանության լաբորատորիայի վարիչ։ 1936 թվականից միաժամանակ աշխատել է Երևանի բժշկական ինստիտուտի մանրէաբանության ամբիոնում։ Միրզաբեկյանի աշխատանքները վերաբերում են ՀԽՍՀ-ում վարակիչ հիվանդությունների տարածվածության, պատճառագիտության, համաճարակային առանձնահատկությունների, ընթացքի, տարածման ուղիների, հարուցիչների կենսաբանական առանձնահատկությունների ուսումնասիրությանը, ժանտախտի և խոլերայի ախտորոշմանն ու բուժմանը։
Ծանոթագրություններ
խմբագրելԱյս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 616)։ 
|